Rommi 8:3 - Sumi Naga CL (Re-edited) Bible (BSI)

³ Ashi lhoaye no shikimqepe Ayezah no kiu shimlave keno Alhou no shive tsüae. Axine shipühave tsüniye Pa Nu kuchou pesü axine phimpi kimihi shi puwu keu vecheo Pa no timi lhoaye lo axine jeli kileve tsü,

BAIBEL (BSI)

³ Timi lhoaye no tomo chhimo keghenguno Ayezah no shimlano achekeu hu, Alhou no shivetsuae. Axine shipuhavenike ghenguno Alhou no paNu kuchou, timi xine lhoaye kimihi lono pa puwu puzu timi lhoaye gholono axine kilevetsu.

Sümi Tiqhelimi Bible

³ Kughengu timi lhoaye no miqeve keu vechewo ayeza no kiu shilu kepu küká küha no ache keno, axinemi lhoaye jukimihi lono axiné kümlagho lakhi shipe niye Alhou no pa likhi pa Nu puwu keu vechewo ayeza no shimla no achekeu hu shive tsüae. Ikehu Alhou no timi lhoaye lono axiné kiléqhive ke,

Rommi 8:3 Iomraidhean Croise

AKIKIHI 21:9

Moses no alazayi pesü apighi julho mlape aqhedu shou qhi, eno khukhumu apighi no mighi püaghi keu ye tipau jukelo viluve.

AKIKIHI 28:22

eno axine kümllagho sala anetsü lakhi pesü tsüno lochileni.

Mark 15:27

Jisü gholo panongu no küpkami kini, lakhino pa u ajeu eno lakhiu no pa u piyiu yedave.

John 1:14

Atsa huno ashi shive no ningu gholo xü, eno ningu no Pa juküvü ithuluvae, ti ye Apu gholo Anu lakhi likhi akeu, küpükini ngo kuchou no chhitoi keu juküvü ke.

John 9:24

Ghuthu akiniu panongu no anhethi iche achekeu kuno pa vilo pi, “Alhou jepipi tsülo. Nino ithi anike timi hipau ye axinemie.”

Apostolmi 13:39

eno khikhi Moses Yezah no kuqho phemlave keno, pa vecheo pülülu kemi kümtsü tipaqo launo kuqho phevae.

Rommi 3:20

Kughengu Ayezah vecheo axine shinikeu ithi keke timi ye khunomu Ayezah pelu keu lono Alhou zülo achipikalu monani.

Rommi 6:6

Ningu no ithi anino ni lhoaye aqau ye Khristo gholo no yedavae, tishianguno axine phimpi ye kütsave no tithiu ye axine qüaxemi shikithe pemo niye ke.

Rommi 7:18

I no ithi anike ashi lhoaye lo ni ye I lolo akivi kiumu kühae. Kughengu, kiu no achipi keno I no shinipi kümsü anamu ni ye shikulupu küka kühave cheni.

Rommi 8:32

Pa likhi Pa Nu ghi süchile mono ningu kümtsü ghenguno pephetsü püaghi aye, tipau gholono Pa ye itaghi thime kümtsü pesü kümsa lono ningu tsümoni keshea?

Rommi 9:3

Kughengu shiluke aye ashi lo I thiküzümi eno I laghami ghenguno ni ampi nomu angusüu shive no Khristo sasü ayigheveni cheke.

2 Kor. 5:21

Khristo ye axine kühae, ikemu ni ghenguno Pa pesü axine kughulhove tsü, tishianguno Pa küdau no ningu pelo Alhou chipiu mikuchomi shilu peniye ke.

Galatiami 3:13

Khristo no ni ghenguno angusüu shive no Ayezah lo müsüini keu lono ningu qhüchile luve—kughengu ishi yepüani, “Khuu no asübo lono tshüqhi pithiveni keno pa ye müsüinivae”—

Galatiami 3:21

Imaye Ayezah ye Alhouw pikiqhitsa bidelau keo? Khilemu kumoe! Kughengu aküxü ithulu peniye Ayezah tsü püaghi aye, Ayezah vecheo achipikaluni cheke.

FILIPIAMI 2:7

ikemu pa ampi pesü kümsa shive, aqüaxeu lhoaye pepuve no timi kimihi shi punu.

IBRIMI 10:12

Ikemu kughou Khristo no axine ghenguno alhokuthu ghenguno pephe tsüve keno, pa no Alhou u ajeu iqave,

IBRIMI 10:14

Kughengu pa no ghuthu lakhi aghashi keu lono khunoqo shikimtheve akeno tipaqo alhokuthu ghenguno kupukülaive tsüe.

IBRIMI 2:14

Ikehu atianuliqo no ashi eno aji xapu aketoi, pa ampi ghi panoqo kimihi shi thokha küsaje ke, tishianguno pa kithi vecheo tüghami khuu no akithi küka ache keno kütsave niye ke,

IBRIMI 2:17

Tighenguno pa ye thokha jeli lono pa thiküzümiqo kimihi shi masave, tishianguno Alhou kümlapu lo pa ye kimiyeqhiyi keu eno pükhükulupu chinetou lakhi shi püzü timiqo xine ghenguno alashitsü peniye ke.

IBRIMI 4:15

Kughengu ningu ye ni kutokumo vetha tsümlani keu chinetou anike kumoe, ikemu alaghi kümtsü lono ningu toi ghükeju kemu axine shipüamo keu chinetou anie.

1 Peter 2:24

Pa phimpi lono Pa ampi no ni xine xapu kros lo ikuve, tishianguno ningu pelo axine küdau ye thive no amikucho lono xülu peniye ke. Pa ghüzaku vecheo nongu shipivi luvae.