Rommi 8:27 - Sumi Naga CL (Re-edited) Bible (BSI)

²⁷ Eno Khuu no timi mlo lheju cheni keno Pa no Aghungu kükümsü ye kiu keno ithi ani, kughengu Aghungu no küpülümi ghenguno Alhou pulou lono qhüiniju tsü acheni.

BAIBEL (BSI)

²⁷ Timi mlo lhejuchekeu, Alhou huno Aghungu kukumsu ithi ani, kughengu Aghungu no Alhou pulou kiqi lono kupulumiqo she-pe-ghi Alhou vilo qhuyiniju acheni.

Sümi Tiqhelimi Bible

²⁷ Eno Alhou khuu ningu mlo lheju cheni keno pa no Aghungu kükümsü ithi acheni, kughengu Aghungu no Alhou pulou kiqi lono Alhou’w timiqo ghenguno alakipiu shi inikhu tsü acheni ke.

Rommi 8:27 Iomraidhean Croise

YEKIKITHI ATUGHIU 28:9

“I nu Solomon, amlo kümtsü süno puloniqhiyi keu kükümsü xapu o pu Lhou ithilo, kughengu Ampeu no timi mlo lheju no alolo kughu eno kümsüpu akeu kümtsü ithi achenie. Nono Pa phuju aye phulu nani, ikemu nono Pa qhive aye Pa ghi alhokupuju ghenguno o qhive nani.

YEKIKITHI ATUGHIU 29:17

I no ithi anike No ye timi mlo piliju cheni eno akikhi shikeu lo O züküvü shicheni, I Lhou. I mlo lono akikhi shi thime hi kümtsü süchile mono pesü tsüvae, eno itehi ye Ow timi khunoqo no süchile mono aloviqhiyi akümllagho pesü O tsü ani keno, hile akemi kümtsü I no ithuluvae.

LESHELE 139:1

O Ampeu, Nono I phujuvae eno ni ithivae!

LESHELE 38:9

O Ampeu, I no laju akeu kümtsü O zülo ani; O launo I mlo ghime küsüve moe.

LESHELE 44:21

Alhou ye phuphe mlani keshea? Kughengu Pa ye amlo lo tuqhou akeu ghi ithi ani.

LESHELE 7:9

O amikucho Lhou, khuu akükümsü eno amlo lheju cheni keno, kixikilami kümla lhoksa kishekhave tsülo, eno amikuchomi xaqhe tsülo.

AHOLE 17:3

Ameshoyi ngo ghükayi ghukimthe kepu ami kümgha acheni, ikemu timi mlo ye Ampeu no peju cheni.

JEREMIYA 11:20

Ikemu, aqokitikhi MPEU, amikucho xaküthau, amlo eno akükümsü peju chekeu, panongu shou O mkhükulu I pelo ithulu pelo, kughengu ni ye O lau I vehu kulhuqhivae.

JEREMIYA 17:10

“Ni Ampeu no amlo phuju cheni eno akükümsü peju cheni, timi lakhikhi laghi, pa kümla xathi kiqi lono agho tsücheni.”

JEREMIYA 20:12

O aqokitikhi MPEU, khuu no amikuchomi peju cheni, amlo akükümsü ithulu cheni keno, I pelo Nono panongu shou amkhü lukeu ithulu pelo, kughengu ni ampi pesü O lau kulhuqhivae.

MATTHEW 6:8

Panoqo toi shikevilo, kughengu nongu no kiu avehupu shiani keno nongu Papu lau khumphi züuno Pa ye qhoi ithi anie.

Luke 16:15

Jisü no panongu vilo pi, “Timi zülo achipiue pi pükha chekeqo ye nongu kene, ikemu Alhou no nongu mlo ithi ani. Kughengu timi müzülo kiu no ajuaje ipi cheni keno Alhou nhethe loye aphikümqhüpue.

John 14:13

Nongu no I je lono kiu kiumu khukeu I no shitsü nani, tishikeu lono Anu vecheo Apu jekipipu shinani.

John 21:17

Jisü no ghuthu aküthüu pa vilo pi. “John nu Simon, no ye I kimiye anima?” Peter ye amlo shimove kughengu Jisü no pa vilo ghuthu aküthüu “No ye I kimiye anima?” ipi ighiju ke. Pa no Jisü vilo pi. “Ampeu, nono thokha ithi ani, eno I no o kimiye akeu nono ithi anie.” Jisü no pa vilo pi, “I mbeqo jukuto lo.

Apostolmi 1:24

Panongu no inikhu no pi, “O Ampeu, nono timi kümtsü mlo ithi anike ningu piye tsülo, hi pama dolo Nono khikhiu kishepe

Apostolmi 15:8

Timi mlo ithi akeu Lhou no ningu lau mlake toi, Aghungu kimthe panongu tsükeu vecheo panongu lau thopi shi,

Rommi 8:34

Khuu no aghimepu lo ikhiphe tsüluni kea? Khumu kühae, Khristo Jisü khuu thive—tinguno alau xüputhuve—eno Alhou u ajeu ngo püzü ningu ghenguno qhüiniju tsü ani keno, Pa ghenguno ke.

Rommi 8:6

Ashi küdau amlo tsükeu ye akithipue, ikemu Aghungu küdau amlo tsükeu no aküxüpu eno alokiqipu ke.

Ephesiami 2:18

Kughengu ningu amqo kinikujo pa vecheo Aghungu lakhi lono Apu pesü ningu kütsa shilue.

1 Thes. 2:4

ikemu Alhou no ningu ikhikulupu shitsü no atsakiviu pesü pichebe tsüke toi ningu no pi cheni, ningu ye timi pulou kumono Alhou khuu no ni mlo peju cheni keno Pa pulou shicheni.

IBRIMI 4:13

Alhou no lhosü keu kiumu pesü küsüve mlae, ikemu ningu no khuu lau kihikülai tsümasa nani keno, Pa nhethe loye kümtsü lhaphepe eno pekipheshi ani.

James 5:16

Tighenguno lakhi no lakhi lau nongu xine piphelo eno lakhi no lakhi ghenguno inikhu lo, tishianguno nongu ye viluve nani. Amikuchomi kighini ye aküka kije ani kughengu tino mlaitha achenie.

Piyeküsü 2:23

eno li laghami qhoi ghavetsü nani. Tileno akukuhou kümtsü no Khuu timi kükümsü-mlo lheju cheni keno Pa huye Ni kepi ithi nani, eno nongu lakhikhi lau pütüta kümla kiqi lono I no ajume tsü nani.