Rommi 8:24 - Sumi Naga CL (Re-edited) Bible (BSI)

²⁴ Kughengu ningu ye hipau lajupu lono xalue. Ikemu laju akeu ithuluve aye ti ye lajupu kumovae. Kughengu khuu no pa no ithulu akeu laju cheni kea?

BAIBEL (BSI)

²⁴ Kughengu hipau lajupulo ningu xalue. Ikemu ninguno laju akeu ithuluve aye tiye lajupu kumoae, kughengu kiu ithuluve akeno khuno tipau lajukepu ani kya?

Sümi Tiqhelimi Bible

²⁴ Kughengu lajupu hipau vechewo ningu xalu ke. Ikemu ithuluve keu lajupu ye lajupu kumovae. Kughengu khuu no ithuluve keu thime shou lajupu qhicheni kea?

Rommi 8:24 Iomraidhean Croise

LESHELE 146:5

Khunono Jacob Lhou launo akukuphu lucheni keno, khunow lajupu no Ampeu Alhou lau ani keno alokivipue,

LESHELE 33:18

Julo, Ampeu nhethi ye khunono Pa sümsa cheni keno, Paw iqemokeu kikimiye shou pükhü chekemi shou acheni,

LESHELE 33:22

O Ampeu, Ow iqemokeu kikimiye ni shou alo, ningu no O shou pükhü achenie.

AHOLE 14:32

Kixikilami ye pa lhoksa kümla no pa xakuluve cheni, ikemu timi kuchomi ye pa kithi lo ghi sükusho acheni.

JEREMIYA 17:7

“Ampeu shou pükhübe kemi, Ampeu pesü pa küpkhü shikemi kümghapue.

ZEKHARIA 9:12

Now sükusho-a lo ideighilo, O lajupu akeu kughumiqo; ishi no I no shuphe anike küghüsü no nongu tsüchileni.

Rommi 12:12

Lajupu küdau juno alovilo, aghime lo kheakulu shilo, akighini lo pükhükulupu shilo.

Rommi 15:13

Nongu no pülü akeu lo lajupu tsü chekeu Lhou no alokivi eno aloino keu kümtsü pesü nongu shepichhi tsü peni, tishianguno Aghungu Kimthe küka vecheo nongu ye lajupu no qochili apenie.

Rommi 15:4

Khaghi ghuloki lono kiu yepe qhive keno ti ye ishi ningu qoputhu niye ke, tishianguno Kuchoyesü lo kheakulu eno shikumtokütsü vecheo ningu pelo lajupu apeniye ke.

Rommi 4:18

Pa vilo, “O lagha ye kutomo shi nani” ipi püake toi pa ye lakujupu küha mithe keghi lajuqhiyi ashiaye kutomo papu shi nani kepi pülülue.

Rommi 5:2

Pa vecheo ningu ye aküpülü lono Alhouw küpükini khipa shou ningu no itehi puthugho ani keno tighi ithulue, ikehu ningu ye Alhou juküvü küsajeni keu lakuju lo aloviqhiyi acheni.

Rommi 8:20

Kughengu pulhosü püakeqo ye pütüta kupulo lono kumo püzü Pulhoküsüu kimji lono ame kühave keu shi kihive tsü, ti ye lajupu hipau akeu lono ke:

1 Kor. 13:13

Tishiaye aküpülü, lajupu eno kikimiye hipano küthü ani; ikemu hipaqo gholo akiqheu ye kikimiye ke.

2 Kor. 4:18

Ikehu ningu ye ithukulu thime shou kumono ithukümla thime shou jupuku acheni. Kughengu ithukulu thimeqo ye ado ikhonhei ghengu likhi, ikemu ithukümla thimeqo ye lhokta ghenguno ke.

2 Kor. 5:7

kughengu ningu ye ithukulu lono kumono aküpülü lono checheni.

Galatiami 5:5

Kughengu ningu ye Aghungu vecheo aküpülü lono achipikani ke khekulho shi laju ani.

Kolosiami 1:23

ikemu nongu ye thebei aküpülü lono puthugholu, ithamo no mtotoilu, lajupu tsakiviu nongu no chiluve keu lono iqeve mono amasae. Atsakiviu hi ye atsütsü qholo pulhoküsü kümtsü lau sheshuve keu, ni Paul ye tipau shepemi lakhi ke.

Kolosiami 1:27

Alhou no panongu kishelu no Jewkumomi gholo ajuküvüpu kini kije pephe tsüke, ajuküvü lajupu huye Khristo nongu lolo akeu ke.

Kolosiami 1:5

kughengu kuchou tsape, atsakiviu nongu lau atüghüshi ighi kelo tino nongu sala kungugha lo lajupu kike püatsü anie pi nongu chiluke.

1 Thes. 5:8

Ikemu ningu ye tsüküvü laumi kehu, tsükhütsüvai shini, aküpülü eno kikimiye pesü amla küküzüpu shini, eno xakulupu lajupu no akütsükuqho shini.

2 Thes. 2:16

Itehi ye ni Mpeu Jisü Khristo ampi, eno ni Pu Alhou, khuu no ningu kimiye no küpükini vecheo lhokta lokughuno eno lajupu kivi ni tsü keno,

Titus 3:7

tishikeu lono Paw küpükini vecheo ningu pesü achipikalupe no lhokta küxü lajupu lo amheghi kiyighimi shilu peke.

IBRIMI 11:1

Aküpülü ye ningu no laju chekeu mtsüqhei shikulu, ithumla no achekeu thime ani kepi thebei tsükeu ke.

1 Peter 1:21

Pa vecheo nongu no Alhou Khuu akithi lono Khristo xüputhupe ajekipi Pa tsü keno, Pa lau pülübe cheni, tishianguno nongu küpülü eno lajupu ye Alhou lau apeniye ke.

1 Peter 1:3

Ni Mpeu Jisü Khristo Papu Alhou sheqhe ani! Paw kimiyekini kije pesü akithi lono Jisü Khristo xüputhu keu vecheo ningu pelo aküxüpu lajupu lo punu kithe lupe,

1 John 3:3

Eno khuu no Pa lau lajube cheni keno Pa no akimthe shike toi pa ghi pa ampi shikimthe luve cheni.