Rommi 8:15 - Sumi Naga CL (Re-edited) Bible (BSI)

¹⁵ Kughengu nongu ye akümsapu lo ideilove peniye aqüaxekishi ghungu ithulu ke kumoe, ikemu Alhou no atianuli shi saluve keu Ghungu ithulu ke, tishikeu lono ningu no “Apuo! Apuo!” ipi ighamku cheni.

BAIBEL (BSI)

¹⁵ Kughengu Alhou no Aghungu nongu tsukeu huye nongu pelo aquaxemi lakhi shivepe eno nongu pelo msakitheve peniyeke kumoe, ikemu Aghungu no nongu pesu Alhou no saputhuluve keu nuliqo shitsu, eno Aghungu kuka lono ninguno “Apuo! Ipuo!” ipi igha cheni.

Sümi Tiqhelimi Bible

¹⁵ Alhou no pa Ghungu nongu tsü keu ye nongu pesü aqüaxemi shive no nongu pelo itaghi msà kithe ghi xüpe niye tsümoe; ikemu nongu no Aghungu ithulu keu vechewo Alhou no saputhuluve keu anukishimi shitsüe, eno Aghungu küká lono ningu no, “Abba, Apùo!” ipi ighamuku cheni.

Rommi 8:15 Iomraidhean Croise

IPEKULU 20:19

no Moses vilo pi, “Nou no ni pütsalo, eno nino inini; ikemu Alhou pelo ni pütsape kevilo, tikumo aye ningu ye thive nosae.”

ISAIAH 56:5

I no I kilo eno I kupuwu nguno alou, o je lono athigho qhitsü nani eno apu-anga akeqo nguno ajekipi shitsü nani; I no shekhaha je pesü panongu tsü nani ti ye khilemu kühave monani.

JEREMIYA 3:19

“‘I no pi, Ni ye kishi o pesü I nuli gholo qhino ayeghi kivi o tsü, shiye kümtsü nguno jukivi mheghi shitsü nishi chekelae. No ye I vilo, I Pu, ipi no I launo idewove monanie pi kümsü ake.

AKIKIHI 17:12

Eno Israelmi no Moses vilo pi, “Julo, ningu ye püghave niae, ningu ye thive niae, ningu ye thive niae.

MATTHEW 25:25

ikehu ni ye msave püzü wuno ow pisa ayeghi lo küsüve ke hi anie.’

Mark 14:36

Pa no pi, “Abba, Apuo, O ghengu ye thokha shikulupu ani. Ajukhu hipau I launo ikhive tsülo. Tishimu I pulou kumono O pulou shilo.”

Luke 11:2

Pa no panoqo vilo pi, “Kughou nongu no inikhuni keno ishi pilo: “Apuo, O je akimthe shilo, O yekipe ighilo.

Luke 22:42

“Apu, Nono pulo aye, ajukhu hipau I launo pewuve tsülo. Tishimu, I pulou kumono O pulou shilo.”

Luke 8:28

Pa no Jisü ithulu püzü ighamku pa zülo ikiqive no asütsa kuloghi lono pi, “O Shishe Akiqheu Alhou Nu Jisü, no ye I lau kiu shikepu ani kea? I no o qhüiniju anike I shikughuju kevilo.”

Luke 8:37

Gerasenes ngo tipa cheaxü lo küxümi ye akümsa no chhitoive kehu kümtsü no Jisü vilo pano launo wuve tsülopi qhüiniju. Tighenguno pa no idewove niye ashuka lo ikuve.

John 16:8

Kughou pa no ighini keno, pa no axine ngo amikucho eno küghaküthapu pesü ayeghilomi kipimi phunani:

John 20:17

Jisü no li vilo pi, “I bu kevilo kughengu ni ye Apu lau iku mphie. Ikemu I thiküzümi lau wuno panoqo vilo pilo, ‘Ni ye I Pu eno nongu Papu lau, I Lhou eno nongu Lhou lau iku cheae.’”

Apostolmi 16:29

Akheu no akulu khu püzü poiloghi, eno akümsa no thüthüshi Paul ngo Silas pama zülo ikiqi.

Apostolmi 2:37

Kughou timiqo no hi chilu keno panongu mlo itapinyive no Peter ngo apostolmi kütami vilo pi, “Athiküzümiqo, ningu ye kiu shiveni kea?”

Rommi 8:16

Alhou Ghungu ampi no ningu nguagha gholo süküqha no ningu ye Alhou nuli kepi thopi shitsü cheni,

Rommi 8:23

Pulhoküsü likhi kumoe, ikemu ningu khunoqo Aghungu lo amsüu xathi ani keno, ningu pesü atianuli shi saluve no ni phimpi xachilelu tsü penike khekulhoshi huqhe akelo, ninguu ghi aghime pulho kelau no alouno iju igha acheni.

Rommi 8:26

Tihutoi ningu no miqemlei akelo Aghungu no ni kuphutsü cheni. Kughengu ningu ye kishi inikhu kepu keno mthae, ikeghi Aghungu ampi no atsa lono pikhamla keu mlo ghuju ghügha lono ningu ghenguno qhüiniju tsü cheni.

Rommi 9:4

Panongu ye Israelmi, eno hi kümtsü panoqo saje shitsüe: Alhou nuli shi saluve keu; ajuküvüpu; puloshoqhi; Ayezah; akümlla; eno pikiqhitsa.

1 Kor. 2:12

Ningu ye hipa yeghi lo ghungu ithuluke kumoe, ikemu Alhou launo ighikeu Ghungu ithulue, tishikeu lono ningu pelo Alhou no kümsa no kiu ni tsü keno ithi peniye ke.

2 Kor. 11:4

Kughengu khuana no ighi püzü nino nongu vilo pikülhave keu nguno kütau Jisü pikülha, nongu no aghungu ikhiluve keu nguno kütau ghungu ikhilu, momu nongu no atsakiviu ikhiluve keu nguno kütau tsakiviu ikhilu aye, nongu ye mlalei tipaqo gholo ilovae!

Galatiami 2:4

Kughengu kichile thiküzümi no tuqhou no nino Khristo lau ililai xüakeu lo puju iloghi, tishikeu lono ni sasü akütsügha lo saghini ye shike.

Galatiami 5:1

Khristo no ningu pesü ililai keu lo kuqho phevae. Ikehu mtotoi puthugho lo, eno itaghi aqüaxemi kuokhasü xapu kithe kevilo.

Ephesiami 1:5

Pa no ningu pesü anuli shi saluve niye Pa kupulo kimji kiqi lono azünatha Jisü Khristo vecheo ningu kishelu,

2 Tim. 1:7

Kughengu Alhou no ni tsükeu ghungu ye, msaichi peniye ke kumoe, ikemu aküka kumto, kikimiye eno alikhi aghasülukeu ghungu ke.

IBRIMI 2:15

eno khunoqo akithi kümsa ghenguno aküxü tivi qüaxe lo tsüghape ache keno xapheve niye ke.

James 2:19

Alhou ye lakhi likhi kepi nono pülü cheni; ti ye aloe. Tüghamiu ghi pülü cheni—eno khokhoshi msa cheni.

1 John 4:18

Kikimiye loye akümsapu kühae, ikemu kupukülai keu kikimiye no akümsapu hapheve tsü cheni. Kughengu msaighü keu ye aghimepu kiqi ghike, khunono msaighü cheni keno kikimiye lo kupukülai lumphie.