Rommi 7:4 - Sumi Naga CL (Re-edited) Bible (BSI)

⁴ Tihutoi I thiküzümiqo, nonguu ghi Khristo phimpi vecheo Ayezah küdau ye thivae, tishianguno nongu ye Alhou no Khuu akithi lono xüputhu keno, Pa laumi shino Alhou ghenguno axathi pithilu peniye ke.

BAIBEL (BSI)

⁴ Ithikuzumiqo, nongu ghi tihutoike. Nongu ghi Khristo philo lakhi shive akehu ayezah kudauye nonguye thivae, tishikeu lono nonguye itehiye akithi lono xuputhuvekeu wu shivae, tishianguno Alhou ghenguno ningu pelo athi pithilupeniyeke.

Sümi Tiqhelimi Bible

⁴ Ikehu, I thiküzümi eno I chelimiqo, nongu ghí Khristo phimpi vechewo ayeza küdau ye thivea ke, tishi keu vechewo nongu ye khuu akithí lono xüputhuvea keno pa laumi shilu peniye ke, tishianguno ningu pelo Alhou ghenguno athi pithílu peniye ke.

Rommi 7:4 Iomraidhean Croise

ISAIAH 54:5

Kughengu o lhokeu huno o kimi shivae, Pa je ye aqokitikhi Mpeu ke, Israel Lhou akimtheu no o xakuluu ke, Pa ye ayeghiqha Lhou kepi Pa kucheni.

ISAIAH 62:5

Apulhothe lakhi no ililhothe sasü külau ketoi, o punoqo no o sasü küla nani, eno külapuu no paw külaliu jupe alokivi shi ketoi, o Lhou no o shou alokivi shi nani.

MATTHEW 26:26

Panongu no chusho akelo, Jisü no asho ikhilu, eno shikimthi tsüve kethiu ti süphope pa khopemi tsüno pi, “Hi ikhipe chulo, hi ye I phimpi ke.”

Mark 4:20

Ikemu timi khami ye ayeghi aloke lo iloluke toi atsape chilu püzü ti ikhilu no axathi hami no shighi, hami no lhotsügho eno aqhe piqi, pithi cheni.”

John 15:8

Nongu no axathi kutomo pithi keu lono I khopemi kepi pephe piyekeu no I Pu jekipipu shitsü cheni.

John 3:29

Khuu no külaliu sa ani keno, pa no külapuu ke; külapuu küsau khuu puthugho no atsa ini cheni keno, pa no külapuu sütsa chilu no shishe alovi cheni. Tihutoi itehi I lokivi hipau ye kupu luvae.

John 6:51

Ni ye kungugha lono iqighi keu aküxüküa shoke. Khuu no hipa sho chuni keno pa ye alholo xü nani. I no ayeghiqha küxüpu ghenguno tsü akeu sho ye I shi ke.”

Rommi 6:11

Tihutoi, nongu ampi ghi axine küdau ye thive akemu Khristo Jisü gholono Alhou lau xü anipi kihilo.

Rommi 6:14

Kughengu nongu ye Ayezah qholo kumono küpükini qholou ani keke axine ye nongu qhasüve mo nani.

Rommi 6:2

Kiu gholau nomu kumoe! Ningu khunoqo axine küdau ye thive akeno kishi püzü itaghi tipau lo xüni kea?

Rommi 6:22

Ikemu itehi nongu ye axine lono kuqhophe pe Alhou qüaxemi shive akehu nongu küxü ikhiphe pe akimthepu lo tsülu keu huno nongu la ke, eno tipau shekuho ye lhokta küxü.

Rommi 7:3

Titoi, akimi no xü aphi lono li no kütami sasü küghünauve aye, li ye küsalhami ipi kuniae. Ikemu li kimi no thive aye, li ye tipa yezah lono kuqhove akeke kütami sasü küghünauve namu küsalhami kumoae.

Rommi 7:6

Ikemu Ayezah khikhi ghuthu lakhi lo ningu tsügha püache keno, ti küdau ye thive keu lono itehi ningu ye Ayezah lono kuqhovae, tishi kehu ningu ye aqau laghi, ti ye yepüakeu Yezah, lono kumo püzü aghola kithe, ti ye Aghungu laghi, lono huthu niye ke.

Rommi 8:2

Kughengu aküxüpu Ghungu yezah huno Khristo Jisü küdau no axine ngo akithi yezah lono nongu kuqhovae.

1 Kor. 10:16

Kükümgha jukhu ningu no pesü shikimthi tsü chekeu ye Khristo ji gholo kutupo anike kumo? Asho khikhi ningu no süpho cheni keno, ti ye Khristo phimpi gholo kutupo anike kumo keshea?

2 Kor. 11:2

Ni ye aküpülü lono nongu ghenguno anheshu ani, kughengu athathelimi lakhi pesü akimi lau küsükha tsü keshi ni ye nongu sawo Khristo tsüniye shike.

Galatiami 3:13

Khristo no ni ghenguno angusüu shive no Ayezah lo müsüini keu lono ningu qhüchile luve—kughengu ishi yepüani, “Khuu no asübo lono tshüqhi pithiveni keno pa ye müsüinivae”—

Galatiami 5:18

Ikemu Aghungu no o sache aye, no ye Ayezah qholo kumoe.

Ephesiami 2:15

ti ye Ayezah lo azakütsü eno akhuaye jeli kümtsü shipühave tsükeu lono ke, tishianguno pa no timi mqo kini pesü pa lau timi kithe lakhi shi kughulhophe no külashi tsü,

FILIPIAMI 1:11

Jisü Khristo launo ighikeu mikucho xathi huno nongu shepichhi pe Alhou juküvü eno shekiqhe shilu penie.

FILIPIAMI 4:17

Ni ye agho laju anike kumoe; ikemu nongu no kike achekeu lo alau kighishelu penike phucheni.

Kolosiami 1:10

tishikeu lono nongu pelo qhoi Ampeu lopushi ameküapu küxü xülu: akümla kivi kümtsü lo athi pithilu eno Alhou kighithi ikowolu peni;

Kolosiami 1:22

itehi ye Pa Nu kithi vecheo Pa lau alupekili luvae, eno nongu pesü akimthe, tukutiye eno tichetighe küha no Pa zülo saghi niyeke,

Kolosiami 1:6

Atsakiviu khikhi nongu lau ighive akeno, nongu no ti chilu no kuchou lono Alhouw küpükini vethalu keu tsala lono athi pithi eno ikowo aketoi ayeghiqha kümtsü lo tishi ani.

Kolosiami 2:14

ti ye ayezah kiqi lo ningu pi-ashe yekithi püakeu no ningu shou kükhaküla akeu ikhive tsüke. Pa no kros lo ti yedave tsükeu lono ikhive tsüe.

Kolosiami 2:20

Khristo gholono nongu no ayeghi lo aghawuqo lau thive aghi aye, kushiye itehi ghi ayeghi laumi toi ayezah qhoqhü ghi—

IBRIMI 10:10

Eno Jisü Khristo phimpi no ghuthu khavino akümllagho shive tsükeu vecheo Alhou pulou lono ningu shikimthe luvae.

1 Peter 2:24

Pa phimpi lono Pa ampi no ni xine xapu kros lo ikuve, tishianguno ningu pelo axine küdau ye thive no amikucho lono xülu peniye ke. Pa ghüzaku vecheo nongu shipivi luvae.

Piyeküsü 19:7

Ningu alovi ilheni eno ajuküvü pesü Pa tsüni nolo kughengu Ambetiw külakupu do ighivae eno Paw külaliu ye kutope ngovae;

Piyeküsü 21:9

Tile kungumi tsüni khunoqo püsa bohu tsüni dolo ashekhau püsa tsüni chhitoi süpe chekeno, panoqo gholo lakhino I vilo pi, “Ighilo, I no Ambeti nipu Külaliu o piyeni.”