Rommi 7:15 - Sumi Naga CL (Re-edited) Bible (BSI)

¹⁵ Ni ampi ghi I kümla küghütha ithikuthu chemoe. Kughengu I no kiu shinishi cheni keno ni ye ti shichemoe, ikemu I no kiu mithi cheni keno ti shiuve cheni.

BAIBEL (BSI)

¹⁵ Niye ilikhi ikumla kughutha ghi ithikuthumoe. Kughengu ino shinishi akeu ino shichemoe, ikemu ino shinishimo keu ino shicheni.

Sümi Tiqhelimi Bible

¹⁵ I no kiu shi ani keno ni ye vethalu chemoe. Kughengu I no kiu shinishi cheni keno tipau shichemoe, ikemu I no kiu shinishi chemo keno tipau shi cheni.

Rommi 7:15 Iomraidhean Croise

KUKAMI ATUGHIU 8:46

“Tsala panongu no O zülo axine shive aye—kughengu axine shimo keu timi khumu kühae—eno Nono panongu shou amlo ideve no pano ghümi tsüve, tishikeu lono panongu ye akughumi shisü ala sheshu lona akupunu lonamu, pano ghümi yeghi lo wuve aye,

LESHELE 1:6

kughengu Ampeu no amikuchomi laghi ithi ani, ikemu kixikilami laghi ye pühave nani.

LESHELE 101:3

Kiukiumu ameküküha thime pesü I nhethe lo qhimo nani. Khunono ikiqive akeno pano kümla ye I no mithi ke; tino I sünhe luve pemo nani.

LESHELE 119:104

O zakütsü vecheo ni ye vethakulu ithulue; tighenguno kichile laghi kümtsü I no mithi ke.

LESHELE 119:113

Amlo kini kupumi ye I no mithi ke, ikemu ni ye O yezah kimiye cheni.

LESHELE 119:128

Tighenguno ni ye O kükütsü kümtsü achipiu kepi kihi cheni; kichile laghi kümtsü I no mithi cheni.

LESHELE 119:163

Ni ye kichile mithi eno aphimqhü cheni, ikemu O yezah ye I no kimiye.

LESHELE 119:32

Kughou Nono I mlo shikuloghi tsüni keno, I no O zakütsüqo laghi lo cheche nani!

LESHELE 119:40

Julo, ni ye O zakütsüqo khekulho shi ani; O chipiu mikucho vecheo I püxü tsülo!

LESHELE 19:12

Khuu no alikhi akipimi phulu nani kea? Tuqho-tugho kipimi lono I xaphe lulo.

LESHELE 36:4

Pa lüpa lo akelo pa ye aküküpna kuchughu cheni; pa ye alaghi kivi kumo lo pa ampi kitimepe acheni; pa ye alhoksa milive chemoe.

LESHELE 65:3

Kughou akipimi no ni mhoqhiveni keno Nono niw hekibide qhukimthe tsü cheni.

LESHELE 97:10

O nongu Ampeu kimiye chekemi, alhoksa mithilo! Pa no Paw akimthemi küxü pükhalu cheni; Pa no küsaküghami u lono panoqo xalu nani.

AHOLE 13:5

Amikuchomi ye kichile mithi cheni ikemu kixikilami no akukujopu eno küthaküghapu süghi cheni.

AHOLE 8:13

Ampeu sükümsa kiqi ye alhoksa mithini keu ke. Ni ye aqheküza, akülaki, eno alhoksa laghi ngo sabideve keu tsapi mithi cheni.

YETSAPIU 7:20

Mtsüqheino ayeghi lo timi khumu amikucho shi akivi mlano axine shimo kemi kühae.

AMUS 5:15

Alhoksa mithi eno akivi kimiyelo, khagho lo achipiu xakütha puthuphelo; tishi aye Ampeu, aqokitikhi Lhou no Joseph lagha lo ghükulumi kimiyeqhiyi lunani.

NAHUM 1:7

Ampeu ye aloe, shiluküsa tsala lo sükusho-a; khunono Pa ije cheni keno Pa no ithi ani.

Luke 11:48

No puasüqo no pithive tsü keqo thigho nongu no shiqhe keu kiqi ye nongu ghi no puasüqow thopimiae eno pano kümla ye achipie pi no kütsü küngü tsü ani.

John 15:15

Itehi ni ye nongu pesü aqemi ipi moae, kughengu aqemi ye pa mpeu no kiu shicheni keno mthae; ikemu I no nongu pesü aküsami shivae, kughengu I Pu launo chilu keu kümtsü I no nongu vilo pivae.

Rommi 12:9

Kikimiye ye mtsümishei shilo. Alhoksa mithilo, eno kiu no akivi keno tsüqülu lo.

Rommi 14:22

Nono Alhou lau aküpülü achekeu ye Alhou ngo nokujo dolo qhilo. Timi khuu no pa ampi shou küghatha bemo kepushi achipi lono mlaithani keno akümghapue.

Rommi 7:16

Ikehu I no kiu shinishi chemo keno shiuve cheghi aye, Ayezah ye aloe pi ni ghi pulo auvae.

Galatiami 5:17

Kughengu ashi lo kimne ye Aghungu sasü küla ani, eno Aghungu pulou ye ashi sasü küla ani, kughengu hi küma ye lakhino lakhi kumgho kile acheni, ti ye nono shinishi keu launo lakhape qhiniye ke.

2 Tim. 2:19

Ikemu Alhouw akumto boqha ye puthugho ani. Eno ti ye amchipu ishi ani: “Khunono Ampeuw keno, Pa no ithi ani,” eno “khunono Ampeu je pini keno, panongu kümtsü alhoksa lono putosüve lo.”

IBRIMI 1:9

Nono achipiu mikucho kimiye eno küsakügha mithike ghenguno O Lhou, Alhou, no alopivitsü chekeu thazü pesü O küsami züuno O nukishelu ke.”

James 3:2

Kughengu ningu kümtsü ala kutomo lo pimive cheni. Khuana no pa tsapi lo khilemu shipimi cheghi moaye, pa ye kupukulumi, pa phimpi kuchopu ghasükulumi ke.

Jude 1:23

ami lono kütami süxaphepe xalulo; sükümsa shi khami lau kimiyekini piyelo, ikemu ashi pulou lono aphimini lo axine hedave keu ye mithilo.