Rommi 6:19 - Sumi Naga CL (Re-edited) Bible (BSI)

¹⁹ Nonguw vethakulu no mikhelo kehu ni ye tipau gholau no pi anike. Ghuthu lakhi lo nongu no niqhinilai keu eno Ayezah kiphikumo küdau nongu phiau pesü aqüaxemi shi tsükelo tiuno alau Ayezah kiphikumo lo sailove cheke toi, itehi ye nongu phiau shikimthe pe akimthepu lo peithalu kepushi Alhou chipiu qüaxemi shi ikhiphe tsülo.

BAIBEL (BSI)

¹⁹ Timi lhoaye lono nonguno tomo-chhimokeu akeu ghenguno niye inapugha tsa peitha-ghi piani. Ghuthu lakhilo nongu phi-mpi ikhipe tsupuzu mithekumo jeli eno kusakugha qeu shichepeke toi itehiye akimthe vehupu shipenike nongu phi-mpi achipikalu kepushi ikhipe tsulo.

Sümi Tiqhelimi Bible

¹⁹ Timi lhoaye lo tomo-chhimo keu achekeu nongu gholo akeu ghenguno ni ye tsalakipe küxüw kiche-kipiye peitha ani. Nongu no nongu likhi nongu pesü mithekumo ngò küsakügha qüaxe shi ikhiphe pe tsü cheke toi, itehi ye nongu likhi nongu pesü achipiumikucho qüaxemi shi ikhiphe pe tsülo eno tishi keu vechewo akimthe küxü lo xülo.

Rommi 6:19 Iomraidhean Croise

ACHINE 13:40

“Milakhi no akütsü lo eno akishe lo asa ipive no aboghe ishove keu ye mithemo keu kumoe, pa ye mithe anie.

MATTHEW 4:23

Jisü no Galilee qha kümtsü lo wuno sinagog lono timiqo shika, kungugha yekipe tsakiviu pesü sheshu, eno aküsü aghime jeli kümtsü shipivi tsü.

Rommi 15:1

Ningu khunoqo no aküpülü lo mtotoi ani keno, ningu ampi pulou kumono miqemlei akeqo no ikiqive kelo xaqhe masa kepu ani.

Rommi 3:5

Ikemu ni mikuchokumo no Alhou chipiu-mikucho mtsümishei piyelu cheghi aye, ningu ye kiu pinia? Alhou no ni shou aloghu pukuni keu ye achipi kumoe pi nanio? (Ni ye timi gholau no pi anike.)

Rommi 6:13

Nongu phiau pesü axine lo tsüve ghi amikuchokumo ghenguno peitha kevilo, ikemu akithi lono aküxü lo süghive kemi toi Alhou lau nongu küxü ikhiphe tsülo, eno nongu phiau pesü amikucho ghenguno peitha penike tsülo.

Rommi 7:23

ikemu I phiau lou ye aye lakhiu no I mlo alou akeu Yezah sasü kichighi acheni, eno I phiau lo axine yezah akeu lau I küghape akughu shive cheni.

Rommi 8:26

Tihutoi ningu no miqemlei akelo Aghungu no ni kuphutsü cheni. Kughengu ningu ye kishi inikhu kepu keno mthae, ikeghi Aghungu ampi no atsa lono pikhamla keu mlo ghuju ghügha lono ningu ghenguno qhüiniju tsü cheni.

1 Kor. 5:6

Nongu qheküza ye aloke kumoe. Kholaqhi kitila no asho kunu püakeu kuchopu inguvepe chekeu nongu ye mtha keshea?

1 Kor. 6:11

Nongu gholo khami ye titoi cheke. Ikemu Ampeu Jisü Khristo je lono eno ni Lhou Ghungu vecheo nongu qhuve no shikimthepe achipikalu ke.

1 Kor. 9:8

Ni ye timi kükagha lono hipaqo piani keshea? Ayezah lo ghi atho piani kekumo?

Galatiami 3:15

Athiküzümiqo, timi küxü lono I no kimghi piyeni: timi dolo puloshoqhi thotsü mlave kethiu ye nuxave mla momu süküqha mlae.

IBRIMI 12:15

Alhouw küpükini lono tsüghüve monike kutokupuilo. Kukhukimji sütsünibo toi ipeghi no tipau tüghü no kütami shipüsalu nosake kutokupuilo.

IBRIMI 4:15

Kughengu ningu ye ni kutokumo vetha tsümlani keu chinetou anike kumoe, ikemu alaghi kümtsü lono ningu toi ghükeju kemu axine shipüamo keu chinetou anie.