Rommi 6:17 - Sumi Naga CL (Re-edited) Bible (BSI)

¹⁷ Ikemu Alhou shikimthi akeu ye nongu khunoqo ghuthu lakhi lo axine qüaxemi shi ache keno, itehi ye nonguu no amlo lono ipeghi püzü agholuqhiyi akükütsü tsa nongu lau apasü shi shikave keu ikhiluvae,

BAIBEL (BSI)

¹⁷ Alhou shikimthi akeuno nonguye ghuthu lakhiye axine quaxemi kemu itehiye nongu lau apasushi akukutsu tsukeulo nongu mlo kuchopu tsuno agholue.

Sümi Tiqhelimi Bible

¹⁷ Ikemu Alhou shikimthi ani, kughengu nongu no axiné qüaxemiqo shi ache namu nongu ye nongu mlo lono ipeghino akükütsü jeli apasü shi nongu tsü keqo ikhilu no tipau ghokulu shiluvea ke.

Rommi 6:17 Iomraidhean Croise

EZRA 7:27

Ningu puasü Lhou, Ampeu sheqhelo, Pa no Jerusalem lo Ampeu ki akeu pesü juviqhiyi tsüniye hitoi keu pesü akükau mlo lo sütsü ke,

LESHELE 18:44

Panongu no I sütsa chilu khavi I gholue; inaghami no I lau ipu-itsa ighi.

Apostolmi 11:18

Panongu no hi chilu kelo inaqhoive, eno Alhou sheqhe ghi pi, “Tishiaye Alhou no Jewkumomi lau ghi aküxüpu lo wulu kepu xaidekulu tsüvae.”

Apostolmi 28:15

Tile küpülümi no kughou ningu ghili chilu keno, Appius Lhikishi-a ngo Aghüzüki Küthü kutolo ningu sasü kusho niye ighi. Panongu ithulu kelo, Paul no Alhou shikimthi tsüno pa mlo kuloghi shikithelu.

Rommi 1:5

Pa vecheo ningu no küpükini eno apostol kümlapu ithulu keu ye Pa je lono shiye kümtsü sasü aküpülü ghokulu lo ighi niye ke,

Rommi 1:8

Atüghüshi, nongu kümtsü ghenguno I no Jisü Khristo vecheo I Pu Alhou shikimthi ani, kughengu ayeghiqha kümtsü lo nongu küpülü ghili kügha anike.

Rommi 15:18

Kughengu ni ye hipa tsa nguno alau kütau ye pimoae: Jewkumomi pelo aghokulu lo ighilu peniye Khristo no I vecheo mlae, ti ye—atsapi eno akümla,

Rommi 16:26

ikemu itehi ye tipau lhapheve no tungkupmi kiyeqo vecheo Lhokta Lhou zakütsü kiqi lono shiye kümtsü lau kilethivae, tishikeu lono timi kümtsü pelo aküpülü lono aghokulu küxü lo ighilu peniye ke—

Rommi 2:8

ikemu aghükha shi alikhi asala phu eno kuchou gholumo püzü amikuchokumo gholu chekemi ghengu ye aloghu eno axukighide anani.

1 Kor. 1:4

Jisü Khristo vecheo Alhouw küpükini nongu tsükeu ghenguno, ni ye alhokuthu Alhou shikimthi acheni,

1 Kor. 14:6

Tishiaye athiküzümiqo, I no nongu lau amilikithe tsa pisü ighi no nongu vilo piyeküsü, akighithi, tungkuptsa, momu akükütsütsa hami pimo aye, ni ye kishi nongu vehupu shiluni kea?

2 Kor. 2:14

Ikemu Alhou shikimthi, Pa no Khristo gholono alhokuthu ningu sasü aghü tolu no shekujo woche keshi cheni eno ningu vecheo Khristo kighithi xokütsüngü aqha kümtsü lo veküpha cheni.

Ephesiami 1:16

ni ye I kighini kümtsü lo nongu ghenguno shikimthi tsünikeu tave mono kümsülu acheni.

1 Thes. 3:9

Nongu ghenguno nino ni Lhou zülo shishe alokivi shilu keu lo ningu ye kishi Alhou shikimthi tsüni kea?

2 Thes. 1:3

Athiküzümiqo, ningu ye alhokuthu nongu ghenguno Alhou shikimthi tsü akepu, ti ye achipi ke, kughengu nongu küpülü ye alau thuiku ani, eno lakhino lakhi lau kikimiye akeu ikowolu ani.

2 Tim. 1:13

Khristo Jisü gholo aküpülü eno kikimiye akeu vecheo, nono I launo chilu püakeu kuchou tsaqo papelo.

Philemon 1:4

I no akighini shikelo alhokuthu o kümsülu eno I Lhou shikimthi acheni,

IBRIMI 11:8

Aküpülü lono Abraham ye hithiu pa mheghi shiniye akeu yeghi lo Alhou no wu peniye kukelo agholue. Pa ye khila wucheni keno mtha keghi aghokulu shi wuve.

IBRIMI 5:9

Pa pesü kupukülai shitsü kelo pa no pa gholu kemi kümtsü ghenguno lhokta xakulupu puki shive,

1 Peter 1:22

Nongu no kuchou lau aghokulu shikeu vecheo aküsami dolo kimiyekile nike nongu ampi shikimtheve akehu, amlo tsüghükhüi shino kuchou no lakhino lakhi kimiye kilelo,

1 Peter 2:9

Ikemu nongu ye kishekiphe lagha, Akükau chine kümlami, akimthe shiye, Alhou no Pa kütsashi pükhalu keu timiqo ke, tishikeu lono Khuu no aküzü lono nongu kuphepe Paw akichiqhipu küvü lo sailo keno, nongu pelo Pa kighiche kümla sheshu peniye ke.

1 Peter 3:1

Tihutoi anipunoqo, nongu kimi qhoqhülo, tishianguno khami no Atsa gholu cheghimo namu, atsapi lono kumono pano nipuqow süqesüli vecheo tipaqo züluve nani,

1 Peter 4:17

Kughengu Alhou kibolomi launo huthusü küghakütha shikepu ghuloki shivae; eno ningu launo huthulu aye, Alhou tsakiviu pülü chemo kemi ghengu ye kiu visavili ipeghi nani kea?

2 John 1:4

Apu no ningu azah tsüke toi nongu tianuli khami no kuchou küdau cheche keu ithulupe ni ye shishe alovivae.

3 John 1:3

Kughou athiküzümiqo no ighi püzü nono kuchou küxü lo puthugho achekeu pesü ashepe shi keno, ni ye shishe alovive, kughengu mtsüqheino no ye kuchou küdau checheni ke.