Rommi 5:21 - Sumi Naga CL (Re-edited) Bible (BSI)

²¹ ikehu, axine no akithipu lo ayepe ketoi, küpükini no Alhou mikucho vecheo ni Mpeu Jisü Khristo küdau no lhokta küxü tsünike ayepe nani.

BAIBEL (BSI)

²¹ Ikemu, axineno akithi peitha puzu qhasuke toi, Alhou kupukinino achipikalu keu peitha puzu qhasupe lhokta kuxulo ni Mpeu Jisu Khristo vechewo nisasu wu cheni.

Sümi Tiqhelimi Bible

²¹ tishianguno axiné no akithí vechewo ka keu toi, ningu Mpeu Jisü Khristo vechewo lhokta küxü süghi nike ghenguno Alhou’w küpükini pelo achipiumikucho vechewo kalu peniye ke.

Rommi 5:21 Iomraidhean Croise

MATTHEW 25:46

Panongu ye alho ghimepu lo ilove nani, ikemu achipikaluve keqo ye lhokta küxü lo wu nani.”

John 1:14

Atsa huno ashi shive no ningu gholo xü, eno ningu no Pa juküvü ithuluvae, ti ye Apu gholo Anu lakhi likhi akeu, küpükini ngo kuchou no chhitoi keu juküvü ke.

John 10:28

I no lhokta küxü panongu tsüe, panongu ye khilemu pühave monani, eno khunomu I u lono panoqo süxaluve mlae.

Rommi 4:13

Kughengu Abraham no ayeghiqha ighilu nanie pi pa eno pa laghami lau pikiqhitsa tsükeu ye Ayezah lono kumono aküpülü vecheo Alhou lau achipikalu keu lono ke.

Rommi 5:12

Ikehu, milakhi vecheo ayeghiqha lo axine ighi, tipau lono akithi ighive, eno timi kümtsü no axine shive keke akithi huno kümtsü shou ikughive—

Rommi 5:14

Ikeghi Adam lono Moses kutolo timi khunono Adam xine toi keu kumo namu pimive keno kümtsü shou akithi no qhasüpe aye peche. Adam ye athiu khuu ighi niye akeno Milakhi kumlho shiae.

Rommi 5:17

Kughengu timi lakhi kipimi ghenguno akithi no qhasüpe ache aye, tinguno alaushi khunono Timi lakhiu, ti ye Jisü Khristo, vecheo Alhouw küpükini eno achipikalu kepu kümsagho kupukuno shi ithulu keno, pano no aküxüpu lo ayepe nani.

Rommi 6:12

Tighenguno axine pelo nonguw thiveni keu phimpi qhasüpe ashi ghakiqipu shini keu gholu auvepe kevilo.

Rommi 6:14

Kughengu nongu ye Ayezah qholo kumono küpükini qholou ani keke axine ye nongu qhasüve mo nani.

Rommi 6:16

Tsala nongu no aghokulu qüaxemi lakhi toi khuana lau nongu mpi ikhiphe tsü aye, nongu ye pa qeu shivae pi mtha keshea? Nongu no khuu gholu ani keno ti ye axine lo sawuve chekeu akithi keo, achipikalu keu lo sawu chekeu aghokulu keno, hiküma dolo lakhi shi aghi nani.

Rommi 6:23

Kughengu axine jume ye akithi, ikemu Alhouw kümsagho huno ni Mpeu Khristo Jisü küdau no lhokta küxü ke.

Rommi 8:10

Ikemu Khristo no nongu lolo aghi aye, axine ghenguno ashi phimpi ye thive kepu shimu, nongu no achipikaluve keu vecheo Aghungu no aküxüpu tsü nani.

Titus 2:11

Kughengu Alhouw küpükini ye timi kümtsü xakulupu ghenguno ipeghivae,

IBRIMI 4:16

Tighenguno ningu amlo kumtoshi küpükini kükalakhü kupunu wuni nolo, tishianguno ningu no kimiyekini ithulu eno avehupu shive kelo küpükini phulu nani.

1 Peter 5:10

Nongu no ado kitila imeve kethiu, kikimiye küpükini kümtsü akeu Lhou, Khuu no Khristo vecheo Paw lhokta juküvü lo nongu kuluve akeno, Pa ampi no nongu pesü atho puthotsü, aküpülü iqhikumto tsü, aküka tsükithe, eno aboqha kumto lo shosü nani.

2 Peter 1:1

Jisü Khristo qeu eno apostol, Simeon Peter no, Ni Lhou eno ni Xakuluu Jisü Khristo mikucho lono khunono ni sasü kümghülu ghi aküpülü ye ithuluve akeno panoqo lau ye ani:

1 John 2:25

Eno hi ye Khristo no ningu lau piqhikeu shoqhi—lhokta küxü huke.