Rommi 5:2 - Sumi Naga CL (Re-edited) Bible (BSI)

² Pa vecheo ningu ye aküpülü lono Alhouw küpükini khipa shou ningu no itehi puthugho ani keno tighi ithulue, ikehu ningu ye Alhou juküvü küsajeni keu lakuju lo aloviqhiyi acheni.

BAIBEL (BSI)

² Hi kupukini khile ninguno puthugholu ani keno pa vechewo ilolukepu shiveke. Ikehu ninguye Alhou jukuvu kusajenikeu lakuju akeulo ninguye alokivishini nolo.

Sümi Tiqhelimi Bible

² Jisü Khristo vechewo ningu pelo aküpülü lono ningu no itehi puthugho akeu küpükini lo ilolu pe ke. Ikehu ningu ye Alhou juküvü küsaje nikeu lajupu akeu lo alovini nolo.

Rommi 5:2 Iomraidhean Croise

LESHELE 17:15

I ghengu ye, I no achipiu mikucho lono O gilo juni; kughou I no ithughini keno, O kimihi lono I ghapiqi luni.

LESHELE 73:24

Ow mijekütsü no I la kichetsü, eno ashekha lo Nono ajuküvü lono I saluve nani.

AHOLE 14:32

Kixikilami ye pa lhoksa kümla no pa xakuluve cheni, ikemu timi kuchomi ye pa kithi lo ghi sükusho acheni.

HABAKUK 3:18

ni ye Ampeu jupe alovi nani; I xakulu Lhou lau I no alovini.

MATTHEW 25:21

Pa mpeu no pi, ‘Aghile shivae, akivi eno pükhübekulu qeu; no ye kitila lomu pükhübekulu shike I no o pelo kutomo shou ampeu shipeni. O mpeu lokivi gholo sülo.’

John 10:7

Ikehu Jisü no itaghi panoqo vilo pi, “Kuchou no I no nongu vilo piani, ni ye ambeqo hukikha ke.

John 10:9

Ni ye ahukikha ke. Khunono I vechesü iloni keno pa ye xaluve nani eno ipe-ilo luno atsüni kümtsha-a phulu nani.

John 14:6

Jisü no pa vilo pi, “Ni ye alaghi, kuchou eno aküxü ke, I veche moke loye khunomu Apu lau ighimlae.

John 5:24

Kuchou no I no nongu vilo piani, khunono I tsa chilu no I puwu keu pülüni keno lhokta küxü anani. Pa ye küghakütha lo ilomo nani, ikemu akithi lono aküxü lo wuluvae.

Apostolmi 14:27

Pama no ighi no akukuhou kukumqo püzü Alhou no pama peitha keu pesü sheshu, eno Jewkumomi lau kishi Alhou no aküpülü hukikha khaqhi tsü keno lhepiye.

Rommi 11:20

Itsae. Tipaqo ye pano küpülükumo ghenguno icheve, ikemu nou ye aküpülü lono puthugholue. Ikehu qhezauve kevi, ikemu msaqhiyi lo.

Rommi 12:12

Lajupu küdau juno alovilo, aghime lo kheakulu shilo, akighini lo pükhükulupu shilo.

Rommi 14:4

No ye khuue pi kütami qeu shou küghathabeni kea? Pa no achipishi aghina monamu pa mpeu likhino pi nani. Eno pa ye Ampeu no kuphutsü keu lono puthugholu nani.

Rommi 15:13

Nongu no pülü akeu lo lajupu tsü chekeu Lhou no alokivi eno aloino keu kümtsü pesü nongu shepichhi tsü peni, tishianguno Aghungu Kimthe küka vecheo nongu ye lajupu no qochili apenie.

Rommi 2:7

khunono kheakulu shi akivi kümla shikeu lono shekiqhe, agigihu, eno thimoni keu küxü phucheni keno, Alhou no lhokta küxü pesü panongu tsü nani;

Rommi 3:23

kughengu kümtsü no axine shive no Alhou juküvü lono ikiqive,

Rommi 5:5

eno lajupu hipau ye ni lokümthsüve tsü chemoe, kughengu Aghungu Kimthe ningu lau puwutsü keu huno Alhouw kikimiye pesü ni lolo sütsüke.

Rommi 8:1

Tighenguno itehi ye khunono Khristo Jisü laumi shive akeno, panoqo ye kileqhive kepu kühavae.

Rommi 8:24

Kughengu ningu ye hipau lajupu lono xalue. Ikemu laju akeu ithuluve aye ti ye lajupu kumovae. Kughengu khuu no pa no ithulu akeu laju cheni kea?

1 Kor. 15:1

Athiküzümiqo, I no nongu lau atsakiviu pikülha keu, khikhi nongu no ikhilu no tipa shou puthugho ani keno ti pesü nongu kütü ani.

2 Kor. 3:18

Eno ningu khunoqo agi nhamo no Ampeu juküvü ithulu cheni keno, kümtsü ajuküvü lakhi lono lakhiu kutolo Pa jukimihi lo kilisüve tsü ani. Kughengu hi ye Ampeu khuu Aghungu keno, Pa launo ighi anike.

2 Kor. 4:17

Kughengu hi ado ikhonhei aghimepu sholu akeu huno ningu ghenguno kiunomu kimghi mla keu lhokta juküvü kutotsü ani,

Ephesiami 2:18

Kughengu ningu amqo kinikujo pa vecheo Aghungu lakhi lono Apu pesü ningu kütsa shilue.

Ephesiami 3:12

pa laumi shikeu eno pa lau aküpülü akeu vecheo ningu ye ighümo no amlo kumtoshi Pa zülo wulu cheni.

Ephesiami 6:13

Tighenguno Alhou ghünanu kümtsü pepulo, tishianguno alhoksa tsala lo nongu ye ithamo no puqhekulu shi mjochilelu nani.

2 Thes. 2:16

Itehi ye ni Mpeu Jisü Khristo ampi, eno ni Pu Alhou, khuu no ningu kimiye no küpükini vecheo lhokta lokughuno eno lajupu kivi ni tsü keno,

IBRIMI 3:6

ikemu Khristo ye Anu lakhi shi Alhou kibo shou pükhükulupu shike. Eno tsala ningu no mtotoi niw lajupu lo amlo kuloghi shi aye ningu ye Alhou kike.

IBRIMI 6:18

tishianguno ala kinikujo lo Alhou ye akimkiu shivemla kehu ningu khunoqo no Pa ijeluve akeno mtotoi shi lajupu ni zülo qhitsü keu tsüqülu peniye ke.

1 Peter 3:18

Kughengu Khristo ghi ni xine ghenguno ghuthu lakhi imeve, ningu sasü Alhou lau ighi niye amikuchou no amikucho kumomi ghenguno imeve, ashi küdau ye pithive kemu aghungu lono xüputhuve,

Piyeküsü 21:11

ti ye Alhou juküvü no chhitoi, akughupu tu toi yebide, eno jaspertu toi tsüghükhüi ke.

Piyeküsü 21:23

Aphughi ye tipau shou yepüvü kepu khetsünhe momu aqhi mu avehupu shimoe, kughengu Alhou juküvü no yepüvü ae, eno Ambeti no tipau kulubo ke.

Piyeküsü 21:3

Kükalakhü lono asütsa kuloghi lakhi no pikeu I no chilu, “Julo, Alhou no achekeu Phiki huye timi gholo auvae. Pa no panongu sasü xü nani eno panongu no Paw timi shi nani, eno Alhou ampi no panongu Lhou shi pano gholo xünani.

Piyeküsü 3:21

Ni ghi theqhilu no I Pu kükalakhü lo Pa sasü iqa ketoi, khuu no theqhi luni keno, I no pa sasü I kükalakhü lo iqani ke puloza tsü nani.