Rommi 5:18 - Sumi Naga CL (Re-edited) Bible (BSI)

¹⁸ Tighenguno, akipimi lakhi huno timi kümtsü sawo aghimepu lo ikhiphetsü ketoi amikucho kümla lakhi no timi kümtsü khaqhi pheve no aküxüpu tsü cheni.

BAIBEL (BSI)

¹⁸ Ikehu, hebidekeu xine lakhino timi kumtsu kileqhive ketoi timi lakhino achipikalukeu ghushoghili no timi kumtsu akipimi tsumokeu eno akuxupi ani.

Sümi Tiqhelimi Bible

¹⁸ Tighenguno, timi lakhi’w hekibide vechewo timi kümtsü kiléqhive keu toi, achipiu kümlà lakhi vechewo timi kümtsü pelo achipikalu pe eno aküxü aluve pe ke.

Rommi 5:18 Iomraidhean Croise

ISAIAH 53:11

Pa ngulho no ghichheghime shi akeu dolono Pa no juno aghapiqilu nani; I qeu, achipiu huno Pa lokütsü vecheo, timi kutomo pelo achipiu shilupe nani, eno Pa no tipaqo kipimi puluve tsünani.

John 1:7

Pa ye thopi shi aküvü ghili ashepe shiniye ighi, tishianguno kümtsü no pa vecheo pülülu peniye ke.

John 12:32

Kughou ayeghi lono ni ikhiqhe luveni keno, I no timi kümtsü I lau sünhe luve nani.”

John 3:26

Panongu no John lau wuno pi, “Rabbi, Jordan kukuu milakhi o gholo akeu, khuu vehu nono thopi shi keno—julo, pa ye baptiz shitsü ani eno kümtsü no pa lau wuve ani.”

Apostolmi 13:39

eno khikhi Moses Yezah no kuqho phemlave keno, pa vecheo pülülu kemi kümtsü tipaqo launo kuqho phevae.

Rommi 3:25

Khristo no axine pevekulupu ghakishi shikeu aküpülü lono ikhilu peniye Alhou no Pa pephetsü. Hi ye Alhou chipiu-mikucho piyeni kehue, kughengu Paw kheakulu vecheo Pa no püzüu xineqo juzüve tsüe.

Rommi 4:25

Alhou no ni xine ghenguno Jisü pesü akithipu lo ikhiphetsü püzü ningu pelo achipikalu penike xüputhuve ke.

Rommi 5:12

Ikehu, milakhi vecheo ayeghiqha lo axine ighi, tipau lono akithi ighive, eno timi kümtsü no axine shive keke akithi huno kümtsü shou ikughive—

Rommi 5:15

Ikemu kümsagho ngo akipimi küma ye aphiphi kumoe. Kughengu milakhi kipimi lono timi kutomo no thi püaghi aye, Alhouw küpükini eno Milakhiw kümsagho, ti ye Jisü Khristow küpükini lono tsükeu, huno alaushi timi kutomo ghenguno kupukuno shi ighivae.

Rommi 5:19

Kughengu timi lakhiw hekibide ghenguno kutomo pesü axinemi shivepe ketoi Timi lakhiu ghokulu ghenguno kutomo pesü achipikalupe nani.

Rommi 6:14

Kughengu nongu ye Ayezah qholo kumono küpükini qholou ani keke axine ye nongu qhasüve mo nani.

1 Kor. 15:22

Adam vecheo timi kümtsü thive ketoi Khristo gholono kümtsü püxüve nani.

IBRIMI 2:9

Ikemu Jisü khuu ado hami ghenguno kungumi nguno akuchuniu shivetsü keno ningu no ithulu ani, akithi ghime ghenguno itehi ajekipi eno agigihu kütsükuqho pu akeu ye Alhouw küpükini vecheo pa no kümtsü ghenguno akithi miche kepu shive kehue.

2 Peter 1:1

Jisü Khristo qeu eno apostol, Simeon Peter no, Ni Lhou eno ni Xakuluu Jisü Khristo mikucho lono khunono ni sasü kümghülu ghi aküpülü ye ithuluve akeno panoqo lau ye ani:

1 John 2:20

Ikemu nongu ye Akimtheu huno nukishelu püani, eno kümtsü no kuchou kighithi ani.