Rommi 5:17 - Sumi Naga CL (Re-edited) Bible (BSI)

¹⁷ Kughengu timi lakhi kipimi ghenguno akithi no qhasüpe ache aye, tinguno alaushi khunono Timi lakhiu, ti ye Jisü Khristo, vecheo Alhouw küpükini eno achipikalu kepu kümsagho kupukuno shi ithulu keno, pano no aküxüpu lo ayepe nani.

BAIBEL (BSI)

¹⁷ Adam xine ghenguno akithino qhasupe acheni. Ikemu Jisu Khristo vechewo Alhou no kupukini kupukunoshi tsukeu eno pa mikucho kumsagho shi-ghi tsukeu khunoqono ithuluve akeno, panoqono xuaphi lono Khristo vechewo qhasulu nani.

Sümi Tiqhelimi Bible

¹⁷ Kughengu tsalá, timi lakhi’w hekibide ghenguno akithí no timi kutomo shou ka cheghi aye, tinguno alau shi khunoqo no Alhou’w küpükini kupukuno shitsü keu eno achipiumikucho shikulupu kümsá ghò ithuluvea keno panongu ye hi timi lakhi Jisü Khristo vechewo panongu küxü lo khijehi axiné eno akithí shou theqhikulu shilu nani kea!

Rommi 5:17 Iomraidhean Croise

BOTHUBO 2:17

ikemu no ye akivi ngo alhoksa kighithi sübo loye chumoni, kughengu tipau chuke tsala lono no ye mtsüqheino thive nani.”

BOTHUBO 3:19

Nono ayeghi lo idewo moke kutolo o tsünhizü o gi lono ijiqi ghi no ye achuqupu chuni, kughengu tipau lono o lhophe; kughengu no ye ayeghimkhu eno ayeghimkhu lo idewove nani.”

BOTHUBO 3:6

Ikehu kughou atotiu no asübo huye achuqupu kivi, anhethi lo jukighilepu, eno alokütsü shilu kepu anie pi ithulu keno, li no tipau xathi ikhipe chuve, eno hami ikhipe li kimi, khuu ghi li gholo ngo akeno tsü, eno pa no chuve.

ISAIAH 61:10

Ni ye Ampeu launo shishe alovi nani; I ngulho no I Lhou sheqhe nani, kughengu külapuu no achineu toi jukivi kütsükuqho pu ketoi, eno külaliu no akughupu chikuqo ni ketoi, Pa no xakulupu phimini pesü I pipe; eno achipiu-mikucho pesü I phiküzü shitsü ke.

MATTHEW 25:34

Tileno Akükau no pa u ajeu akeqo vilo pi nani, ‘Ighilo, nongu I Pu no kümghatsü keqo, ayeghi boqha ghoke lono nongu ghenguno kutope püakeu yekipe mheghi ighilu lo.

John 10:10

Küpkami ye püka, heqhi eno kütsani ke ghengu likhino ighi cheni. I no ighi keu ye panongu pelo aküxü apeniye eno ti kupukuno shi apeniye ke.

Rommi 5:12

Ikehu, milakhi vecheo ayeghiqha lo axine ighi, tipau lono akithi ighive, eno timi kümtsü no axine shive keke akithi huno kümtsü shou ikughive—

Rommi 5:15

Ikemu kümsagho ngo akipimi küma ye aphiphi kumoe. Kughengu milakhi kipimi lono timi kutomo no thi püaghi aye, Alhouw küpükini eno Milakhiw kümsagho, ti ye Jisü Khristow küpükini lono tsükeu, huno alaushi timi kutomo ghenguno kupukuno shi ighivae.

Rommi 5:20

Ayezah ye akipimi kighisheni ke iloghi, ikemu khile axine kighishe keno küpükiniu no alau pofushi kithe,

Rommi 6:14

Kughengu nongu ye Ayezah qholo kumono küpükini qholou ani keke axine ye nongu qhasüve mo nani.

Rommi 6:23

Kughengu axine jume ye akithi, ikemu Alhouw kümsagho huno ni Mpeu Khristo Jisü küdau no lhokta küxü ke.

Rommi 8:39

ayeghi shou akeu na aqhou akeu namu, pulhoküsü thime kümtsü gholo kiu nomu ni Mpeu Khristo Jisü vecheo Alhouw kikimiye niw shiluve keu launo ningu küghüxave tsümla nani.

1 Kor. 15:49

Ningu no ayeghimkhu no lhokeu timi jukimihi pepu aketoi kungugha lono ighikeu Timi jukimhi ghi pepu nani.

1 Kor. 4:8

Nongu ye nongu no lunishi keu kümtsü auvae! Nongu ye kinimi shivae! Ningu sümono nongu ye kükami shivae! Nongu no kaluke aye ningu ghi no gholo aküka küsajeni cheke!

FILIPIAMI 3:9

püzü pa laumi shilu niye ke, ti ye I mikucho, Ayezah pelu keu lono ighikeu kumono aküpülü vecheo Khristo launo ighikeu, khikhi aküpülü shou bepe acheni keno achipiu-mikucho ti Alhou launo ighikeu huke.

1 Tim. 1:14

eno Khristo Jisü gholo akeu küpülü ngo kikimiye vecheo, ni Mpeuw küpükini no I shou yeli qole ikughi ke.

2 Tim. 2:12

nino puqhekulu shi aye, ningu ghi pa gholo ka nani; nino pa milive aye, pa ghi ningu milive nani;

James 2:5

I qhuu athiküzümiqo, inilo, Alhou no ayeghi lo kumlhomi kishelu no aküpülü lo kinimi shilupe eno Pa kimiyekemi tsüni keu shi piqhi püakeu kükaqha mheghi kiyighimi shilupe kekumo keshea?

1 Peter 2:9

Ikemu nongu ye kishekiphe lagha, Akükau chine kümlami, akimthe shiye, Alhou no Pa kütsashi pükhalu keu timiqo ke, tishikeu lono Khuu no aküzü lono nongu kuphepe Paw akichiqhipu küvü lo sailo keno, nongu pelo Pa kighiche kümla sheshu peniye ke.

Piyeküsü 1:6

Pa Lhou eno Apu huthu peniye ningu pesü achinemi kükaqha lakhi toi shitsü keno, Pa lau alholo eno pülhapuju ajekipi eno aküka apelo. Amen.

Piyeküsü 20:4

Tishino I no kükalakhüqo ithulu, eno küghathabe kepu kükagha pesü khuno tsüpüa keno panoqo no tile iqa aghi. Itaghi timi khunoqo Jisü shepekishi ghenguno, Alhou tsa shekushu ghenguno, tüghashi momu tipau julho mllamo eno pano kishe lo momu au lo amchipu shimoke ghenguno ghiqhi khave keno, tipaqo ngulho I no ithulu. Panongu ye xüchile luve no Khristo gholo ampe qhethonhe ayepe thuve.

Piyeküsü 20:6

Khunono xüchilekulu atüghüu lo küsaje luni keno akümghapu eno akimthepue. Akithi akiniu ye hipaqo shou aküka kühavae, panongu ye Alhou eno Khristo chinemi shi nani eno Pa gholo ampe qhethonhe ayepe nani.

Piyeküsü 22:5

Tile ye putho kühave nani. Panongu ye akulu momu khetsünhe küvü avehupu shimoae, kughengu Ampeu Alhou no pano küvü shi nani eno panongu no pülhapuju eno alholo ayepe cheuve nani.

Piyeküsü 3:21

Ni ghi theqhilu no I Pu kükalakhü lo Pa sasü iqa ketoi, khuu no theqhi luni keno, I no pa sasü I kükalakhü lo iqani ke puloza tsü nani.