Rommi 4:17 - Sumi Naga CL (Re-edited) Bible (BSI)

¹⁷ ti ye ishi yepüake toi, “I no o pelo ashiaye kutomo papu shilupe.” Kithimi xüputhu eno kiumu küha keu lono kümtsü pulhosü keu Lhou—Khuu Abraham no pülüche keno, Pa zülo ningu ye Abraham tianuliqo ke.

BAIBEL (BSI)

¹⁷ Kuchoyesulo pikeu hutoi, “Ino opelo ashiayeh kutomo papuh shiveapeke.” Ikehu Abraham no puluchekeu Lhou zuloye piqhipuakeu huye tishini putsae. Alhou hipauye kithimi puxuve cheni eno kiumu kuha namu pano piaye aghive cheni.

Sümi Tiqhelimi Bible

¹⁷ Kughengu hitoi yèpüani: “I no O pesü shiye kutomo papù lakhi shitsü ke.” Alhou zülo Abraham ye ningu papù ke. Abraham no pülü chekeu Lhou ye kithimi aküxü tsü chekeu eno püzüu küha no akeqo lhophe chekeu Lhou ke.

Rommi 4:17 Iomraidhean Croise

BOTHUBO 17:16

I no li kümghatsü nani, tinguno alau ghi, I no li vecheo anu lakhi o tsü nani. I no li kümghatsü nani, eno li ye shiyeqo paza shi nani; li launo ashiaye kükamiqo ipeghi nani.”

BOTHUBO 17:20

Ishmael ghengu ye, I no o tsa chiluvae; julo, I no pa kümghave tsüae eno pa pelo shishe athi pithilu eno kughukolu penani. Pa ye yepemi chighikini papu shi nani, eno I no pa pesü shiye kije lakhi shitsü nani.

BOTHUBO 28:3

Akughushu Lhou no o kümghatsü peni eno o pelo athi pithilu eno kughukolu peniu, tishianguno no ye lighimi timi shilu peni.

ISAIAH 43:6

I no ahuumi vilo, Phevelo, ipi nani eno apeumi vilo, Khatha püa kevilo, ipi nani; I nuli putou akeqo saghilo, I ngaqo ayeghi shekhauno saghilo,

ISAIAH 44:7

I toike khuu ani kea? Pa pelo sheshu pelo. I no khaghi lomi lhoke ghuloki lono ishi kutolo, panongu pelo sheshu pelo eno I zülo süghiju pelo. Panongu pelo asheazü vehu piputoju pelo.

ISAIAH 48:13

I u no ayeghi boqha qhae, eno I u ajeu no atsütsü sükhope qhike; kughou I no tipaqo kuni keno, tipaqo no kümtsa puthughope ngoluve cheni.

ISAIAH 49:12

Julo, hipaqo ye aghacheu no ighi nani; ahuu eno kulolau no ighi nani; eno Syene yeghi lono ighi nani.”

ISAIAH 51:2

Nongu pasü Abraham eno nongu punu keu Sarah kümsü julo; kughou I no pa kulu keno, pa ye thili ke, tishikeu lono I no pa kümgha tsüno kughuko tsüniye ke.

ISAIAH 55:12

“Kughengu nongu ye alokivi lono ipeve nani ke; eno aloino keu lono saipeve nani; naghutoqo ngo atoghi nongu zülo akeqo no vekipighi ale phenani, eno aluza lo asübo kümtsü no panongu u kukhu nanie.

MATTHEW 3:9

Eno kümsükuju lono, ‘Abraham no ningu papu,’ ipi nongu ampi vilo kevilo, kughengu I no nongu vilo piani, Alhou ye atu hipaqo mu pesü Abraham tianuli shi saputhulu nani.

John 5:21

Kughengu Apu no kithimi xüputhu no aküxü tsü ketoi, Anu ghi aküxü pesü khuno tsünishi keno tsü nani.

John 5:25

“Kuchou no I no nongu vilo piani, kithimi no Alhou Nu sütsa chilu, eno pa sütsa chilu kemi no xüluni keu ghuloki wocheni, eno ti ye ighivae.

John 6:63

Aküxü tsü chekeu ye Aghungu noke; ashi ye kiumu shimlae. I no nongu vilo pivekeu tsa no aghungu eno aküxüpu ke.

Rommi 3:29

Ikeo Alhou ye Jewmi Lhou likhi kea? Pa ye Jewkumomi Lhou ghi ke kumo? Iyei, Jewkumomiw ghi ke,

Rommi 4:18

Pa vilo, “O lagha ye kutomo shi nani” ipi püake toi pa ye lakujupu küha mithe keghi lajuqhiyi ashiaye kutomo papu shi nani kepi pülülue.

Rommi 4:2

Kughengu Abraham ye akümla lono achipikalu püaghi aye, pa ye Alhou zülo ye kumo kemu qhezalu kepu kiuala aghini cheke.

Rommi 8:11

Tsala akithi lono Jisü xüputhu keu Ghungu no nongu lolo aghi aye, Khuu no akithi lono Khristo Jisü xüputhu keno, Pa Ghungu nongu lolo akeu vecheo Pa no nonguw thiveni keu phimpi lo ghi aküxüpu tsü nani.

Rommi 9:11

punu mphi lono keke kivi-küsamu ithimphi lou no—Alhou no kishelu keu kimji ye akümla lono kumono Pa no kulu keu lono kepi ishokibe pewolu peniye—

Rommi 9:26

“A-a khileno, ‘Nongu ye Iw timi kumoe,’ ipi püa keno, tileno panoqo vilo, ‘aküxüpu Lhou nuliqo,’ ipi kunani.”

1 Kor. 1:28

Ayeghi lo akhotopu thimeqo pesü avehu kühave tsüniye Alhou no chuninhei eno jukünatha kemi, eno avehu kühakeu thimeqo kishelu,

1 Kor. 15:45

Ishi yepüake toi: “Timi atüghüu Adam ye aküxüküa shi lhoke”; ikemu ashekhau Adam ye aküxüküa Ghungu ilhouve.

1 Tim. 6:13

Thokha kümtsü aküxü tsükeu Lhou zülono, eno Pontius Pilate zülo pikiphe kije shi püakeu Khristo Jisü zülono I no azah o tsü ani,

IBRIMI 11:12

Ikehu thiveke kumlho timi lakhi launo atsütsü lo ayepu eno azüghi mkülo asaye jehi atianuli kughukolue.

IBRIMI 11:3

Atsütsü ayeghi ye Alhou tsa vecheo lhophe kepi ningu no aküpülü lono vethalu cheni, tishikeu lono kiu ithulu ani keno ti ye ithukulu thime lono lhoke kumoe piniye ke.

IBRIMI 11:7

Aküpülü lono Noah ye ithumla aphi keu vehu Alhou no pa kütüghü kelo pa kibolomi xalu niye msaighü qhiyi ashukaki mlae. Hipau vecheo pa no ayeghiqha kipimi piye eno aküpülü vecheo amikucho ithulu chekeu mheghi kiyighiu shilue.

1 Peter 2:10

Ghuthu lakhi lo nongu ye Alhouw timi kumono ae, ikemu itehi nongu ye Alhouw timi shivae; ghuthu lakhi lo nongu ye kimiyekini ithumla no ache, ikemu itehi nongu ye kimiyekini ithuluvae.

2 Peter 3:8

Ikemu kimiye chekeqo, kuchou vehu lakhi hi juzüve kevilo, Ampeu zülo atsala lakhi ye ampe qhethonhe paphi, eno ampe qhethonhe ye atsala lakhi paphie.