Rommi 4:16 - Sumi Naga CL (Re-edited) Bible (BSI)

¹⁶ Ikehu pikiqhitsa ye aküpülü shou bepe ani, tishikeu lono tino küpükini shou bepe no Abraham laghami—ti ye Ayezah pelu kemi likhi kumono pa küpülü küsajelu kemi ghi, kümtsü no ithulu peniye ke, kughengu aküpülü lo pa ye ningu kümtsü papu ke,

BAIBEL (BSI)

¹⁶ Highenguno Alhou no piqhipuakeu huye akupulu shou bepe anie, hipa ghola lono piqhipuakeu huye Alhou wu kupukini shikeu shou bepeniyeke eno pa laghami kumtsu lau mutsuqhei tishini putsa ipi niyeke. Tiye Ayezah papelukemiqo likhi kumono Abraham toi pulukemiqo lau ghike. Kughengu Abraham ye akupulu lalo ningu kumtsu papuhke.

Sümi Tiqhelimi Bible

¹⁶ Tighenguno, Alhou’w pikiqhi ye aküpülü vechewo ighi cheni, tishianguno pikiqhi ye küpükini vechewo Abraham nuli-kughukoqo kümtsü lau mütsümishei shilu peniye ke—tiye ayeza papelu chekemiqo lau likhi kumo, ikemu Abraham küpülü toi aküpülü aghí kemiqo lau ghí ke. Abraham ye ningu kümtsü papù ke.

Rommi 4:16 Iomraidhean Croise

ISAIAH 51:2

Nongu pasü Abraham eno nongu punu keu Sarah kümsü julo; kughou I no pa kulu keno, pa ye thili ke, tishikeu lono I no pa kümgha tsüno kughuko tsüniye ke.

Luke 19:9

Jisü no pa vilo pi, “Ishi no xakulupu akibo hipau lo ighivae, kughengu pa ghi Abraham laghami ke.

Rommi 15:8

I no nongu vilo piani ke Khristo ye Alhou mikucho piyeni ye Jewmi qeu shive, tishianguno püzüu apuasüqo lau pikiqhitsa tsükeu ye xüaphi kepi iqhikumto tsüniye ke,

Rommi 3:22

Jisü Khristo lau aküpülü akeu vecheo pülülu kemi kümtsü Alhou lau achipikalu peniye ke. Ikehu tile kiyeqü keu kühae:

Rommi 3:30

kughengu Alhou ye lakhi likhi keke—Pa no aphighüyiko ghave kemi lau pano küpülü pesü achipiu shitsü nani, eno aphighüyiko ghamo kemi no aküpülü vecheo achipiu shitsü nani.

Rommi 4:11

Pa ye ghamphi lonomu aküpülü vecheo achipiu shi xüche kehu ti mekha keu shi aphighüyiko kügha michipu ithulue. Ti ye khunono aphighüyiko ghamo namu pülüni keno Abraham pelo panoqo papu shipeni keu kimji lono ke, tishikeu lono panoqo ghi achipikaluve kemie pi kihi tsüniye ke;

Rommi 5:1

Tighenguno, ningu ye aküpülü lono achipikaluve akehu, ni Mpeu Jisü Khristo vecheo ningu ye Alhou sasü külashi luvae.

Rommi 9:8

Hipau kiqi ye Alhou nuli kepi kihi luni keu ye ajilo kiyighiqo no kumoe, ikemu pikiqhitsa kiqi lono ighi kemiu noke.

Galatiami 3:14

tishianguno Khristo Jisü launo Jewkumomi lau Abraham kükümgha ighi peniye eno aküpülü vecheo ningu no piqhi püakeu Ghungu ithulu niye ke.

Galatiami 3:16

Pikiqhitsa ye Abraham ngo pa tikughuko lau shike. Ti ye kutomo lau pipuku ghi, “Eno atikughukoqo lau” ipimoe, ikemu milakhi, ti ye Khristo, lau pipuku ghi, “Eno o tikughuko lau” ipike.

Galatiami 3:22

Ikemu Kuchoyesü no thokha kümtsü axine kütsügha qholo süghivae, tishianguno Jisü Khristo lau aküpülü akeu vecheo pikiqhitsa huye khunono pülü keno pano tsüniye ke.

Ephesiami 2:5

nino ni xine lo thi akeghi Khristo gholono aküxüpu kughulhove tsü—nongu ye küpükini lono xaluvae—

Ephesiami 2:8

Kughengu nongu ye aküpülü vecheo küpükini lono xaluvae; eno hi ye nongu ampi ka-agha lono kumoe; ikemu Alhou no tsükeu gho ke,

Titus 3:7

tishikeu lono Paw küpükini vecheo ningu pesü achipikalupe no lhokta küxü lajupu lo amheghi kiyighimi shilu peke.

2 Peter 1:10

Tighenguno aküsamiqo, nongu kukulu eno kishekulu hu mtsüqhei lupe kepushi alau aghüthi küxü shilo, kughengu nongu no ameküapu hipaqo pepimhe aye nongu ye khilemu ikiqivemo nani.