Rommi 4:11 - Sumi Naga CL (Re-edited) Bible (BSI)

¹¹ Pa ye ghamphi lonomu aküpülü vecheo achipiu shi xüche kehu ti mekha keu shi aphighüyiko kügha michipu ithulue. Ti ye khunono aphighüyiko ghamo namu pülüni keno Abraham pelo panoqo papu shipeni keu kimji lono ke, tishikeu lono panoqo ghi achipikaluve kemie pi kihi tsüniye ke;

BAIBEL (BSI)

¹¹ Abraham no aphighu yiko gha mphi lonomu pa kupulu Alhou lau akeu lono Alhou lau achipikaluve keu michi momu chishidapuku keu michi lakhi shighi aphighu yiko ghae. Tipau kimjiye Abraham pelo aphighu yiko ghamokemi pinamu pulu aghikemiqo eno tishi keu lono Alhou lau achipikalukeu panoqo lau kihipukuve kemiqo papuh shipeniye ke.

Sümi Tiqhelimi Bible

¹¹ Eno pa ye aphighüyiko-küghá shimphi züu no aküpülü vechewo achipiumikucho chishida keu michi shi aphighüyiko-küghá ikhilu ke. Tishiaye, pa ye aphighüyiko ghamo namu pülü chekemiqo kümtsü papù ke, tishi keu vechewo panoqo pelo achipiu mikuchomi kepi kihi kulupu shipe niye ke.

Rommi 4:11 Iomraidhean Croise

BOTHUBO 17:24

Kughou Abraham no ampe lhotoku toku shi akeno pa ye tileno aphighüyiko ghae.

LESHELE 47:9

Abraham Lhouw timiqo toi ashiaye kükapumi no hekütsü. Kughengu ayeghi züto ye Alhou u lo ani; Pa ye chuqumghai süqhepe anie!

IPEKULU 12:13

Nongu no aki khipaqo lo ngo ani keno tile aji nupe püakeu huno nongu ghenguno amchipu ke. Kughou I no aji ithuluni keno, I no heche wuve nani, eno I no Egypt kütsa kelo, kiu püsa mu nongu kütsa nike ikughimo nani.

IPEKULU 31:13

“No ye Israelmi pütsa no pilo, ‘Kümtsü nguno alau Iw Sabbath ikhiluni, kughengu hi ye Ni eno nongu dolo tiqheli kümtsü lo amchipu lakhi ke, tishianguno nongu no Ni, Ampeu no nongu shikimthelu kepi ithi penie.

IPEKULU 31:17

Hi ye Ni eno Israelmi dolo alholo amchipu ake, kughengu atsala tsügho lono Ampeu no atsütsü ngo ayeghi lhoke, eno atsala akütsüniu lo Pa no akulhoqhi eno aghüthi püxü kithelu ke.’”

EZEKEL 20:12

Tinguno alau, I no Ni eno panoqo lau amchipu lakhi shi Iw Sabbath panoqo tsü, tishikeu lono Ni ye Ampeu, panongu qhukimthe tsükeu kepi ithi peniye ke.

EZEKEL 20:20

eno Iw Sabbath akimthe shi qhilo tishianguno tino Ni eno nongu dolo amchipu lakhi shi anani, eno nongu no Ni ye Ampeu nongu Lhou kepi ithi nani.

MATTHEW 16:16

Simon Peter no khochile, “No ye aküxüpu Lhou nu Messiah ke.”

MATTHEW 8:11

I no nongu vilo piani, kutomo no kipelau eno kulolau no ighi no kungugha yekipe lo ilo Abraham, Isaac, eno Jacob gholo chunike iqa nani,

Luke 19:9

Jisü no pa vilo pi, “Ishi no xakulupu akibo hipau lo ighivae, kughengu pa ghi Abraham laghami ke.

John 3:33

Khunono pa tsape ikhilu keno Alhou ye kuchou kepi mtsüqhei ithivae.

John 3:36

Khunono Anu pülüni keno lhokta küxü ani; khunono Anu gholu moni keno aküxü ithumla nani, ikemu pa shou Alhou loghu anani.

John 6:35

Jisü no panoqo vilo pi, “Ni ye aküxüpu shoke, khunono I lau ighini keno müzüthi monani, eno khunono I pülüni keno khilemu tüghüthi monani.

John 6:40

Kughengu I Pu pulou ye hike: khunono Anu shou jupuku no pa pülübeni keno kümtsü pelo lhokta küxü apeniye ke, eno I no ashekha tsala lo pa xüputhu nani.”

John 6:47

Kuchou no I no nongu vilo piani, khukhumu pülü keu no lhokta küxü ani.

John 8:33

Panongu no pa khochile, “Ningu ye Abraham laghami eno khuno qüaxemi mu shimphi. Ike kishino no ye ‘Nongu khaqhiphe nani’ ipi ani kea?”

Rommi 10:11

Ti ye Kuchoyesü no piani, “Khuu no Pa pülüni keno shikujove monani.”

Rommi 10:4

Kughengu Ayezah kimji ashekhau ye Khristo ke, tishianguno khukhumu pülü keu pelo achipikalu peniye ke.

Rommi 10:6

Ikemu aküpülü vecheo achipikaluni keu tsalo ye ishi ani, “O mlo lono ishi pi kevilo, ‘Khuu no atsütsü lo ikuni kea?’” (ti ye Khristo saiqighi niye)

Rommi 3:22

Jisü Khristo lau aküpülü akeu vecheo pülülu kemi kümtsü Alhou lau achipikalu peniye ke. Ikehu tile kiyeqü keu kühae:

Rommi 3:26

Ti ye ishi tiqheli lo ghi Pa chipiu-mikucho piyeni kehue, tishianguno Pa ye achipiu, eno khukhumu Jisü lau aküpülü aghi keu pesü achipiu shi tsüniye ke.

Rommi 3:30

kughengu Alhou ye lakhi likhi keke—Pa no aphighüyiko ghave kemi lau pano küpülü pesü achipiu shitsü nani, eno aphighüyiko ghamo kemi no aküpülü vecheo achipiu shitsü nani.

Rommi 4:10

Imaye, kishi kihitsü kea? Ti ye pa no aphighüyiko ghamphi lono keo tithiu no kea? Ghave kethiu no kumoe, tipa züuno ke.

Rommi 9:30

Imaye ningu ye kiu pini kea? Jewkumomi khunono Alhou lau achipikalu kepu phumono ache keno, tipaqo no ithuluvae, ti ye aküpülü vecheo achipikalu keu tsa piani;

Rommi 9:33

ti ye ishi yepüake toi, “Julo, I no Zion lo apukhu küpsüpu, küpxa kepu tuqu sho püani; ikemu khukhumu Pa pülübe keu ye shikukujo monani.”

Rommi 9:6

Ikemu panongu ghenguno Alhou tsa ye adou shiveke kumoe. Kughengu aji lono Israelmi shi aghi kemi kümtsü no Israelmi kekumoe,

2 Kor. 1:22

eno ningu shou Pa michipu sütsü no ningu tsüniye akeu tsütha ghi Pa Ghungu ningu mlo lo sütsüe.

Galatiami 3:22

Ikemu Kuchoyesü no thokha kümtsü axine kütsügha qholo süghivae, tishianguno Jisü Khristo lau aküpülü akeu vecheo pikiqhitsa huye khunono pülü keno pano tsüniye ke.

Galatiami 3:29

Eno nongu no Khristow ipi aye, nongu ye Abraham polo kughukomi, pikiqhitsa kiqi lono amheghi kiyighimi ake.

Galatiami 3:7

Tishiaye khunono aküpülü ani keno panongu no Abraham tianuliqo kepi ithilo.

Galatiami 5:5

Kughengu ningu ye Aghungu vecheo aküpülü lono achipikani ke khekulho shi laju ani.

Galatiami 6:16

Khunono hipa khuaye lono checheni keno, aloino keu eno kimiyekini no pano shou, eno Alhouw Israelmi shou apeni.

Ephesiami 1:13

Kughou nongu no nongu xakulupu tsakiviu kuchou tsape chilu püzü Khristo lau pülübelu keno, Paw shilu keu michishi piqhi püakeu Ghungu Kimthe pesü nongu shou puku tsüe.

Ephesiami 4:30

Alhou Ghungu Kimthe no qhüchilekulu tsala ghenguno nongu shou amchipu chishidave akehu nongu ye Pa shikulosü kevilo.

ZAKINIU 30:6

Ampeu nongu Lhou no nongu eno no polo kughukomi mlo kishekimthe nani, tishikeu lono nongu no amlo eno angulho kuchopu pesü Ampeu nongu Lhou kimiye eno xülu nani.

FILIPIAMI 3:9

püzü pa laumi shilu niye ke, ti ye I mikucho, Ayezah pelu keu lono ighikeu kumono aküpülü vecheo Khristo launo ighikeu, khikhi aküpülü shou bepe acheni keno achipiu-mikucho ti Alhou launo ighikeu huke.

IBRIMI 11:7

Aküpülü lono Noah ye ithumla aphi keu vehu Alhou no pa kütüghü kelo pa kibolomi xalu niye msaighü qhiyi ashukaki mlae. Hipau vecheo pa no ayeghiqha kipimi piye eno aküpülü vecheo amikucho ithulu chekeu mheghi kiyighiu shilue.

2 Peter 1:1

Jisü Khristo qeu eno apostol, Simeon Peter no, Ni Lhou eno ni Xakuluu Jisü Khristo mikucho lono khunono ni sasü kümghülu ghi aküpülü ye ithuluve akeno panoqo lau ye ani:

Piyeküsü 9:4

Khunono akishe lo Alhouw michida küha keno tipaqo kumo aye ayeghi lo atsüni küxü momu asübo jeli kiumu shipüsa pemoni ke azah panoqo tsüpüa.