Rommi 3:25 - Sumi Naga CL (Re-edited) Bible (BSI)

²⁵ Khristo no axine pevekulupu ghakishi shikeu aküpülü lono ikhilu peniye Alhou no Pa pephetsü. Hi ye Alhou chipiu-mikucho piyeni kehue, kughengu Paw kheakulu vecheo Pa no püzüu xineqo juzüve tsüe.

BAIBEL (BSI)

²⁵ Alhou no Jisu Khristo ikhiphepe tsukeuno pa kithino axine pevekulupu shipeniyeke, tiye timino pa lau akupulu bekeu vechewono hitoi shikeuye pano kishi timi pelo pa lau achipikalu kepu keno piyekeu ke. Kughengu wovekeu loye Alhou no kheakulushi timi xine juzuve tsucheke,

Sümi Tiqhelimi Bible

²⁵ Alhou no Khristo pesü aghakishi kümlagho lakhi shi ikhiphe pesü tsü, tiye pa jì pele keu vechewo—eno tiye aküpülü lono ikhilu peniye ke. Alhou no hipau shikeu ye itodolo pa chipiumikucho pephe-piye niye ke, kughengu paw küsüqhikulu lono timiqo no wove keu lo axiné shive keu aghime tsümove no juzüve tsüke.

Rommi 3:25 Iomraidhean Croise

LESHELE 119:142

O chipiu mikucho ye alhokupuju achipi ke, eno O yezah ye kuchou ke.

LESHELE 22:31

Panongu no ighi no Pa chipiu mikucho pesü timi punu niye akeqo vilo sheshu nani, kughengu Pa no hipau shive tsüae.

LESHELE 40:10

Ni ye Ow xakulu pesü I mlo lo küsü püamoe; O pükhükulu eno Ow xakulu ghili I no sheshuve tsüae; ni ye ahoho kije lo Ow iqemokeu kikimiye eno pükhükulu ghili pesü küsüpe püamoe.

LESHELE 50:6

Kungugha no Pa chipiu mikucho sheshue, kughengu Alhou ampi no küghaküthau ke!

LESHELE 97:6

Kungugha no Pa chipiu mikucho pesü sheshu ani eno shiye kümtsü no Pa juküvü ithuluke.

LESHELE 98:2

Ampeu no Paw xakulu ithiluve peke; Pa no shiyeqo zülono Pa chipiu mikucho pepheke.

ISAIAH 53:11

Pa ngulho no ghichheghime shi akeu dolono Pa no juno aghapiqilu nani; I qeu, achipiu huno Pa lokütsü vecheo, timi kutomo pelo achipiu shilupe nani, eno Pa no tipaqo kipimi puluve tsünani.

ACHINE 16:10

ikemu Azazel sala qhibelu keu ye Ampeu zülo aküxü no tsüno timi xine lochile tsü penike asayeqha lo Azazel lau puwuveni.

ACHINE 16:15

“Tishino pa no timiqo ghenguno axine kümllagho shi ane ghiqhi no aji pesü nhaqhiphi thiu ilo no amshitsü ji pesü shike toi kimiyekini lakhü shou eno agizüu küzüteni.

John 6:47

Kuchou no I no nongu vilo piani, khukhumu pülü keu no lhokta küxü ani.

Apostolmi 14:16

Wovekeu tiqheli loye Pa no shiye kümtsü pelo pütüta lalo chepe.

Apostolmi 17:30

Mthake ghuloki loye Alhou no jukümghale ighivae, ikemu itehi ye Pa no aqha kuchopu lo timi kümtsü vilo xaide lopi azah tsü ani,

Apostolmi 2:23

Alhouw mtsümishei keu küpüghü eno azünatha kighithi kiqi lono Jisü hipau pesü nongu u lo süvetsü, eno nongu no aye kümthami u lono pa yedave no pithive.

Apostolmi 3:18

Ikemu Alhou no kiu Paw tungkupmi kümtsü vecheo azünatha Paw Khristo ye aghime shinani, ipi keno, Pa no ti shikupuve tsüe.

Apostolmi 4:28

Nono azünatha kughu püakeu panongu no shike.

Rommi 2:4

Ikeo no ye Paw ivüilai keu, kutuukulu eno kheakulu kupukuno shi akeu huye xaidekulu lalo o sawu nike ghengunoe pi mthano küthathai ani kea?

Rommi 3:26

Ti ye ishi tiqheli lo ghi Pa chipiu-mikucho piyeni kehue, tishianguno Pa ye achipiu, eno khukhumu Jisü lau aküpülü aghi keu pesü achipiu shi tsüniye ke.

Rommi 5:1

Tighenguno, ningu ye aküpülü lono achipikaluve akehu, ni Mpeu Jisü Khristo vecheo ningu ye Alhou sasü külashi luvae.

Rommi 5:11

Tinguno alau, ni Mpeu Jisü Khristo ghenguno ningu ye Alhou lau külashilu kehu nino Pa vecheo Alhou lau aloviqhiyi acheni.

Rommi 5:18

Tighenguno, akipimi lakhi huno timi kümtsü sawo aghimepu lo ikhiphetsü ketoi amikucho kümla lakhi no timi kümtsü khaqhi pheve no aküxüpu tsü cheni.

Rommi 5:9

Ikehu itehi ye Pa ji vecheo ningu ye achipikaluve akeke Pa ye Alhou loghu lono kishita alaushi ni xalu nani kelae!

1 Kor. 5:7

Nongu ye kuchou no kholaqhi sümokeu sho kehu kholaqhi aqau ye shikimtheve lo tishianguno asho kukunu kithe shinani. Kughengu niw Hechekulu mbe Khristo ye küghape aghashivae.

2 Kor. 5:21

Khristo ye axine kühae, ikemu ni ghenguno Pa pesü axine kughulhove tsü, tishianguno Pa küdau no ningu pelo Alhou chipiu mikuchomi shilu peniye ke.

Ephesiami 1:7

Khristo ji vecheo ningu ye pa lau no xachilekulu eno axine qhikütsü ithulu. Paw küpükini ililai akeu kiqi lono

Ephesiami 2:13

Ikemu Khristo Jisü laumi shilu keu lono nongu khunoqo ghuthu lakhi lo putou ache keno, itehi ye Khristo ji vecheo aphivilo sasü ighivae.

1 Tim. 1:15

Hi ye pükhübekulupu eno ikhikulupu tsae: Khristo Jisü no axinemi xalu nike ayeghi lo ighikeu gholo ni ye axinemi kümtsü nguno alhoksau ke.

IBRIMI 10:4

Kughengu amshitsü ji ngo ane ji ye khilemu axine ikhive tsümlae.

IBRIMI 11:14

Kughengu timi khunono hitoi picheni keno pano ye pano ghakhu phucheni kepi ithithaive cheni.

IBRIMI 11:17

Aküpülü lono Abraham ye pa peju kelo, pa nu Isaac pesü mlla, Alhouw pikiqhi ithukuluu huno pa nu lakhi akeu pesü mllani ye shi,

IBRIMI 11:7

Aküpülü lono Noah ye ithumla aphi keu vehu Alhou no pa kütüghü kelo pa kibolomi xalu niye msaighü qhiyi ashukaki mlae. Hipau vecheo pa no ayeghiqha kipimi piye eno aküpülü vecheo amikucho ithulu chekeu mheghi kiyighiu shilue.

IBRIMI 9:28

Khristo ghi timi kutomo xine puluve tsünike ghuthu lakhi pa ampi pephe tsüve kethiu ghuthu akiniu ipeghi nani. Ti ye axine peve tsüniye kumono pa khekulho shi akeqo xalu nani.

IBRIMI 9:5

Abohu shou Alhou juküvü cherubim no achishibo sükhope kimiyekini lakhü khonhape ache. Itehi ye hipaqo vehu kishekulu shi pikhamlae.

1 John 1:10

Tsala nino ningu ye axine shimphie pi aghi aye, ninguu no Alhou pesü akimkiu shive tsüae, eno Pa tsa ye ni lolo kühae.

1 John 2:2

Pa no ni ghenguno axine kümllagho shive tsüe, ni ghengu likhi no kumo püzü ayeghiqha kümtsü xine ghengu ghike.

1 John 4:10

Kikimiye ye hipau lo ani: ningu no Alhou kimiye ke kumono Pa no ningu kimiye eno Pa Nu pesü ni ghenguno axine kümllagho shive penike puwue.

Piyeküsü 1:5

eno pükhükulupu thopiu, akithi lono xüputhu tüghüu, ayeghi lo kükami shou Yepeu, Jisü Khristo launo ighikeu pesü nongu tsü ani. Khuu no ningu kimiye cheni, eno Pa ji vecheo axine lono ningu kuqhophepe

Piyeküsü 13:8

eno Ambeti Khuu ghiqhive keno Paw aküxüpu kaku lo khunoqo je ayeghiqha boqha ghomphi lono yepuku püaghimo keno tipaqo thaqhü no tüghashi mlla nani.

Piyeküsü 20:15

Khukhumu aküxüpu kaku lo aje ye püaghimo keu ye amiyizü lo vesüve.

Piyeküsü 5:9

Panongu no ale kithe hitoi phe, “Nono liküküzü kaku ikhilu no michida xükho küzüe, kughengu No ye ghiqhive, eno Nono O ji pesü ashiaye, atsa jeli, timi mqo eno shiye kümtsü xachile sawo Alhou tsü,