Rommi 3:19 - Sumi Naga CL (Re-edited) Bible (BSI)

¹⁹ Ningu no ithive ake Ayezah no kiu pi ani keno ti ye Ayezah qholo akemi vilo pi ani, tishianguno atsa kipipu kühano akichi lakhave tsü, eno ayeghiqha kuchopu Alhou lau kihikülai tsükulupu shiniye ke.

BAIBEL (BSI)

¹⁹ Ninguno ithi anike, Ayezahlo pi puakeu kumtsu Ayezah qholo akemiqo vilo pi anike, tishianguno timino jekukivi shichekeu kumtsu hakhave no ayeghiqha kumtsu Alhou kughakutha qholo saghiniye ke.

Sümi Tiqhelimi Bible

¹⁹ Ningu no ithi akeu no ayeza lo kiu-kiu pi püaghi namu tiye ayeza qholo akemiqo vilo piani, tishianguno timi no jekukivi shi chekeu kümtsü ghaküyiqüve no ayeghiqha kümtsü Alhou lau kihikülai tsüpe niye ke.

Rommi 3:19 Iomraidhean Croise

JOB 5:16

Ikehu kumlhomi ye lajupu ani, eno achipikumo no akichi kujukha luve cheni.

LESHELE 107:42

Süchomi no ti ithulu no alovi, eno kixikilami no pano kichi kujukha luve.

LESHELE 63:11

Ikemu akükau ye Alhou lau no alovi nani; Alhou je lono tushoqhi kemi kümtsü no Pa sheqhe nani, Kughengu akimkimi kichi ye lakhave tsü nani.

EZEKEL 16:63

tishikeu lono no ye kümsülu eno kujove nani, eno kughou nono mlave keqo kümtsü ghenguno I no o qhukimtheni keno o kukujo vecheo no ye itaghi khilemu o kichi xükho move nani.”

John 15:25

Ikemu panongu Yezah lo yepüakeu tsa ye shikupu masae: ‘Jekujeli kühamu panongu no I mithike.’

John 8:9

Ikemu kughou panongu no hipa tsa chilu keno panongu gholo kichimi no atüghü shino lakhikhi no wokhave, eno Jisü likhi atotiu no pa zülo puthughope aghive.

Rommi 1:20

Kughengu ayeghiqha lhoke lono Alhouw ithukümla lho, ti ye Paw lhokta küka eno akimthe lhoaye, huye pulhosü keu thimeqo lono mtsümishei ithikuthulu ighivae. Ikehu panongu ye ajeku kiumu kühavae.

Rommi 3:2

Kuchou no pithuni keloye ala kümtsü lono thono, Alhou tsape ye Jewmi lau tsü paghie.

Rommi 3:23

kughengu kümtsü no axine shive no Alhou juküvü lono ikiqive,

Rommi 3:4

Kiu gholau nomu kumoe! Ishi yepüake ketoi, kümtsü no kimkimi shivemu Alhou ye kuchou shi nani, “O shou küghathabe kelo nono tolu, eno o tsapi lono o pesü achipiu shilu peniye ke.”

Rommi 3:9

Tishi aye kiu pini kea? Ningu Jewmiu pavi anio? Moe, kiu lonomu kumoe. Kughengu ningu no pi ighive ketoi Jewmi ngo Jewkumomi kümtsü axine qholo ani,

1 Kor. 1:29

tishianguno Alhou zülo timi khumu qheza pemo niye ke.

Galatiami 3:10

Khunono Ayezah pelu keu shou pükhü cheni keno pano ye müsüinivae; kughengu ishi yepüani, “Khunono Ayezah Kaku lo yepüakeu kümtsü pape moni eno tipaqo mla moni keno müsüinivae.”

Galatiami 4:21

I vilo pilo, nongu khunoqo ayezah qholo anishi cheni keno, nongu ye ayezah tsa iniju chemo keshea?

Galatiami 4:5

khunoqo ayezah qholo akeno panongu qhüchile luniye ke, tishikeu lono ningu ghi anuli kuchou shi saputhulu peniye ke.

Galatiami 5:18

Ikemu Aghungu no o sache aye, no ye Ayezah qholo kumoe.

SAMUEL ATUGHIU 2:9

“Pa no Paw pükhükulumi khekuto nani, ikemu kixikilami ye aküzü lono hapupove nani, kughengu timi ye akumto lono tokulu shimo nani.