Rommi 3:11 - Sumi Naga CL (Re-edited) Bible (BSI)

¹¹ khunomu vethalu chemoe; milakhimu Alhou phu chemoe.

BAIBEL (BSI)

¹¹ Milakhimu ithikeu kuhae, milakhimu Alhou phukemi kuhae.

Sümi Tiqhelimi Bible

¹¹ vethakulumi lakhimu kühae; Alhou phu chekemi lakhimu kühae.

Rommi 3:11 Iomraidhean Croise

LESHELE 53:2

Alhou no timi nuliqo gholo vethakulumi, Alhou phuche kemi lakhimu aghini kemo keno kungugha lono jupiqi acheni.

LESHELE 53:4

Khunono alhoksa mla cheni keno akighithi kühae, khuu no ashopa chu aketoi Iw timi tsakhave eno Alhou vilo inikhu move kea?

LESHELE 94:8

Vethalu lo, O aghüzü anikhami! Mbomzümiqo, kughono nongu ye alotsü luni kea?

AHOLE 1:22

“Itikütüpa chekeqo! Nongu ye khitohi itikütüpa anania? Alokütsü junu chekemi ye khitohi küthakügha tsapi lo alovi eno mbomzümi ye khitohi alokütsü jumithi anani kea?

AHOLE 1:7

Ampeu sükümsa no akighithi hukuthu ke; mbomzümi no alokütsü ngo akükütsütsa jukünatha cheni.

ISAIAH 27:11

Alokaqo no thive no icheve kelo totimiqo no ti ghepe ami shiani. Timi hipaqo ye kimchikulupu küha kehu panongu lhokeu ye panoqo kimiyeqhiyi monani; Pa ye panoqo saphuni chemoe.

ISAIAH 31:1

Israelmiw Akimtheu, Ampeu pükhümo momu inijumo no Egypt lo khurkulu kutomo aghikeu eno khurshimi no ighono mtotoi aghikeu pükhüpe akukuphu lakuju lono tilau iqi kemi hasapue!

ISAIAH 55:6

“Ampeu phulu kepushi ake lono, Pa phulu lo; Pa no kupunupe ake lono, Pa kuluve lo.

ISAIAH 65:1

Ni ye I phujumo kemi pelo Ni ithuluve penike kheae, Ni ye I phumo kemi pelo I phulu penike khe ake. I no shiye I je lono kumo kemi vilo pi, “Ni hile ani, Ni hile ani.”

ISAIAH 9:13

Ikemu timiqo no aqokitikhi MPEU, pano ghime keu lau xaidemo eno inijumoe.

JEREMIYA 4:22

“Kughengu Iw timiqo ye küghüzümi; panongu ye Ni ithi amoe; panongu ye akükümsü küha keu tianuliqoe; panongu ye vethakulu kühae. Panongu ye alhoksa kümla lo alotsüe! Ikemu kishino akivi mlani keno panongu ye ithimoe.”

HOSIYA 4:6

Iw timiqo ye akighithi mikheke ghenguno kütsavae; kughengu nongu no akighithi milive ke, I chinemi shipe monike I no nongu milivae. Eno nongu no nongu Lhou yezah kümsümave akeke Ni ghi nongu tianuliqo kümsümave nani.

HOSIYA 7:10

Israel qheküza no pano zülo ashepe shitsü akeghi panongu ye Ampeu pano Lhou lau ideighi moe, tike kumono Pa phumove ke.

MATTHEW 13:19

Kughou khuana no Ayekipe Tsa chilu püzü ithikuthu moveni keno, alhoksau no ighi no pa mlo lo yisü mlano akeu piti süxape wuve cheni. Hi no khikhi alaphe lo vesülu keno apiti huke.

Rommi 1:22

Alokütsümie pi pükha ghi panongu ye mbomzümi ilhouve,

Rommi 1:28

Panongu no Alhouw kuchou ghili ithini keu pulomo keke panongu pelo shimo kepu shiauve peniye Alhou no shiküpsapu pe pano kükümsü shipuqove tsü.

Rommi 3:10

ti ye ishi yepüakeu kiqi lonoe: “Khunomu amikucho kumoe, milakhimu kühae;

Rommi 3:12

Kümtsü no tsüghüvae; küqhano ame küha khavae; khunomu akivi shimoe, milakhimu kühae.”

Rommi 8:7

Ashi küdau amlo tsükeu ye Alhou ghümi shivae, kughengu ti ye Alhou Yezah qhoqhü luamoe; kuchou no ti ye qhoqhü lumo nani.

Titus 3:3

Kughengu ghuthu lakhi lo ningu ampi ghi mbomzü, aghelumo kemi, pishikiqhimi, eno ashiaji lo kimne jeli qemi shiche, eno timi kiphikumo, anhekushu lono kütami kimthipu eno lakhi no lakhi mithi keu lono ningu do puwovae.

1 John 5:20

Ningu no ithi akeu ye Alhou Nu no ighi püzü vethakulu pesü ningu tsü püani, tishianguno Khuu no kuchou keno ningu no ithi peniye ke, eno ningu ye Khuu no kuchou keno Pa lau, Pa Nu Jisü Khristo lau kimepe anie. Pa ye kuchou Lhou eno lhokta küxüe.