Rommi 2:25 - Sumi Naga CL (Re-edited) Bible (BSI)

²⁵ Kughengu nono Ayezah gholu cheghi aye aphighüyiko kügha ye ame ani, ikemu nono Ayezah hexa aye o phighüyiko kügha ye ghamoke paphiae.

BAIBEL (BSI)

²⁵ Nonguno Ayezah papelu aye aphighu yiko ghave chekeu avehupu, ikemu nonguno Ayezah gholumo aye, khilemu aphighu yiko ghamo kepushi ake.

Sümi Tiqhelimi Bible

²⁵ Nongu Jewmiqo no ayeza papelu aye aphighüyiko-küghá lo ameküa ani, ikemu nongu no ayeza hebide aye, nongu ye aphighüyiko ghamo kemi Jewkumomi toivea ke.

Rommi 2:25 Iomraidhean Croise

JEREMIYA 4:4

Ampeu lau nongu phighüyiko ghalo, nongu mlo yiko ikhivelo, Judah ngo Jerusalem lo küami; tikumo aye no lhoksa ghenguno I loghu no ami toi khunomu ghapinhe mla kepushi piti nani.”

Apostolmi 7:51

“Nongu kuthovi keqo, amlo eno akini kilimo kemi, no puasüqo toi nongu ye alhokuthu Aghungu Kimthe mjochile cheni.

Rommi 2:13

Kughengu Alhou zülo ye Ayezah chikulumi no kumono pekupulu kemiu no achipikalu nani.

Rommi 2:23

No Ayezah pükhüpe qheza chekeu huno Ayezah hexa keu lono Alhou gihu move cheni.

Rommi 2:26

Tishi aye, khuana aphighüyiko ghamo keu no Ayezah lo azah tsü püakeu pelu cheghi aye, pa no ghapüaghi monamu ghaveke paphishi pa kihi nani ke kumo?

Rommi 2:27

Ikehu khukhumu aphighüyiko ghamo namu Ayezah pelu cheghi keu huno, no aye papelu no ayiko ghi ghave akemu Ayezah hexa chekeu kileve nani.

Rommi 2:28

Kughengu khunomu ashou likhino Jewmi kepi pimlae, tikumo no aphighüyiko kügha ye ashou aphi lo vehuke kumoe.

1 Kor. 7:19

Kughengu aphighüyiko ghana monamu kihi amoe, ikemu Alhou zakütsü pelukeu no akhotou ke.

Galatiami 6:13

Kughengu khunono aphighüyiko ghave akeno panoqou ghi Ayezah pelu chemoe, ikemu panongu ye nongu pelo aphighüyiko ghave penishi ani, tishikeu lono nongu phiashi vecheo qheza niye ke.

Galatiami 6:15

Kughengu aphighüyiko ghana ghamo namu kiumu akiqi kühae, ikemu lhoxü kithe shiluve keu no akhotou ke.

ZAKINIU 30:6

Ampeu nongu Lhou no nongu eno no polo kughukomi mlo kishekimthe nani, tishikeu lono nongu no amlo eno angulho kuchopu pesü Ampeu nongu Lhou kimiye eno xülu nani.