Rommi 2:2 - Sumi Naga CL (Re-edited) Bible (BSI)

² Khunono hitoi shicheni keno Alhouw küghakütha ye achipi lono pano shou ikughi chenie pi ningu no ithi ani.

BAIBEL (BSI)

² Timi hikithipu shikichemi shou kughathabe aye Alhou ye achipishi anie pi ninguno ithi acheni.

Sümi Tiqhelimi Bible

² Ningu no ithi akeu no Alhou’w küghakütha ye kuchou shou bepe no thime hikithipu shi chekemiqo shou küghathabe cheni.

Rommi 2:2 Iomraidhean Croise

BOTHUBO 18:25

Tikithipu shi amikuchomi pesü küsaküghami gholono pithiveni keu ye O launo putosüve lo, tishive aye amikuchomi ye küsaküghami paphi shivae! Ti ye O launo putosüve lo! Ayeghi kümtsü shou Xaküthau ye achipiu shimoni keshea?”

JOB 34:23

Kughengu Alhou ye timi tsa küghathani ke Pa zülo ighi peni keu do kihithatsü chemoe.

LESHELE 145:17

Ampeu ye Pa laghi kümtsü lo amikucho eno Pa kümla kümtsü lo kimiyekini ke.

LESHELE 9:4

Kughengu Nono I chipiu tucho tsüe; Nono aküka lakhü lo iqa no achipiu xakütha tsüke.

LESHELE 96:13

Ampeu zülo alephe nani, kughengu Pa no ayeghi shou küghathabe nike cheni. Pa no achipiu mikucho lono ayeghiqha shou eno Paw pükhükulu vecheo timiqo shou küghatha nani.

LESHELE 98:9

Ampeu zülo ale phepe lo, kughengu Pa ye ayeghiqha shou küghathabe nike ighi ani. Pa no achipiu mikucho pesü ayeghiqha shou eno aghibiu lono timiqo shou küghatha nani.

ISAIAH 45:19

Ni ye aküzü yeghi lono tuqhou no pi püanike kumoe; Ni ye Jacob kughukomi vilo, ‘Adou lono I phulo,’ ipimoe. Ni Ampeu ye kuchou tsa picheni; Ni ye kiu no achipi keno ti sheshu cheni.

ISAIAH 45:21

Sheshu no no chipiu tsa pilo; panongu dolo kighinikile pelo! Khuu no asheazü shi pikea? Khuu no khaghino sheshu kea? Ti ye Ni Ampeu noke kumo? I nguno alhou kütau kühae; I nguno amikucho Lhou eno Xakuluu khumu kühae.

JEREMIYA 12:1

O Ampeu, O lau muchho kelo No ye achipiu shicheni; tishimu I vehu pesü O qhüinijuni. Kushiye kixikilami no kinikülü shicheni kea? Kushiye pishikiqhimi kümtsü no ikoishelu cheni kea?

EZEKEL 18:25

“Ikeghi nongu no pi, ‘Ampeu laghi ye achipi kumoe.’ Itehi inilo, O Israel laghami: I laghi ye achipiu kumo keshea? Nongu laghiqou no achipikumo ke kumo?

EZEKEL 18:29

Ikeghi Israel laghami no pi, ‘Ampeu laghi ye achipi kumoe.’ O Israel laghami, I laghiqo ye achipikumo keshea? Nongu laghiqo no achipikumo ke kumo?

DANIEL 4:37

Itehi ni, Nebuchadnezzar no kungugha Kükau sheqhe eno agigihu tsü ani, kughengu Pa kümla kümtsü kuchou eno Pa laghi ye achipi; khunono no aqheküza lono checheni keno Pa no kuchunive cheni.

ZEFANIA 3:5

Ampeu ye li lau achipikumo shimono achipiu mikucho shike; ina atsütsü Pa ye tamono Pa chipiu xakütha pephe piye cheni; ikemu achipikumomi ye akukujo ghi ithi chemoe.

Apostolmi 17:31

kughengu Pa no timi lakhi kishe püakeu vecheo amikucho lono ayeghiqha shou küghathabe nike atsala kihithavae; eno hi ye shinani pütsae pikeu shi Pa no timi hu akithi lono xüputhue.”

Rommi 2:1

Tighenguno O timio, no khuu kütami shou küghathabe cheni keno, no ye ajeku kiumu kühavae. Kughengu no küghaküthau huno panoqo toi shicheni püzü itaghi küghathabe aye, o likhi o peve auvae.

Rommi 2:3

Imaye, no khuu hikithipu shiche pülaghi kütami shou küghathabe acheni keno, no ye Alhouw küghakütha lono pokalu nani küghashi anio?

Rommi 2:5

Ikemu o mlo kümka eno kuthovi keu lono no ye aloghu tsala ghenguno, ti ye kughou Alhouw achipiu küghakütha pepheni keno, o sala aloghu pekike ayae.

Rommi 9:14

Tishi aye ningu ye kiu pini kea? Alhou sheamzü lo achipikumo anio? Kiu gholau nomu kumoe!

Piyeküsü 16:5

Tileno azüghi jukütsü akeu kungumi no ishi pikeu I no chilu, “O Akimtheu, Khuu acheni eno acheghi keno, Nono achipiu kehu küghakütha hipaqo süghie.

Piyeküsü 19:2

kughengu Paw küghakütha ye kuchou eno achipie; Pa no kütüqhaliu khuu ngosükümla lhoaye pesü ayeghi shipixi chekeno, li shou küghathabe tsü, eno li shou Pa qemi ji pele keu mkhü lutsüe.”