Rommi 2:14 - Sumi Naga CL (Re-edited) Bible (BSI)

¹⁴ Jewkumomi khunono Moses Yezah pechemo keghi pano lotsü no hakite keu lono Ayezah lo akeu shini keno, Ayezah huno panow kumo aghi namu pano ghengu ghi ake.

BAIBEL (BSI)

¹⁴ Judakumomi ye Ayezah pecheghimoe, ikemu kughou panonguno aghoapulou lono Ayezah lo kiu ahza tsukeno shiaye, Ayezah pighi aghimo namu, panoqo ghenguno tino ayezah lakhi shivae.

Sümi Tiqhelimi Bible

¹⁴ (Kuchou lo ye, kughou Jewkumomi khunoqo ayeza küha kemu alhoaye lono ayeza lono shilo pikeu shini cheni keno panongu ye ayeza küha namu tino pano likhi pano ghenguno ayeza lakhi shive cheni.

Rommi 2:14 Iomraidhean Croise

Apostolmi 10:35

ikemu shiye kümtsü gholo khukhumu Pa sümsa eno achipiu shikeu ye ikhikulupu shicheni.

Apostolmi 14:16

Wovekeu tiqheli loye Pa no shiye kümtsü pelo pütüta lalo chepe.

Apostolmi 17:30

Mthake ghuloki loye Alhou no jukümghale ighivae, ikemu itehi ye Pa no aqha kuchopu lo timi kümtsü vilo xaide lopi azah tsü ani,

Rommi 1:32

Alhou mikucho zakütsü kiqilo khunono hikithipu shicheni keno thive küzüe pi ithi apülaghi panongu no hipaqo shike likhi kumono kütami no shi aghike lo ghi pano kupulo tsü cheni.

Rommi 2:12

Khunono Ayezah nguno khalau no axine shive akeno Ayezah nguno khalau no pühave nani, eno khunono Ayezah qholono axine shive akeno Ayezah vecheo küghathabe nani.

Rommi 2:15

Panow kivi-küsa lotsü no thopi shino Ayezah lo akeu ye pano mlo lo yepüanie pi panongu no piye cheni, eno küqüve kelo akipimi tsü, momu achipiu loye süsholu kepu shicheni,

Rommi 2:27

Ikehu khukhumu aphighüyiko ghamo namu Ayezah pelu cheghi keu huno, no aye papelu no ayiko ghi ghave akemu Ayezah hexa chekeu kileve nani.

1 Kor. 11:14

Kiptimi no asa kushuo puaye ti ye pa shipünha anie pi alhoaye lonomu nongu shika mla keshea?

1 Kor. 9:21

Ayezah nguno khalau akemi saghi lunike ni ye Ayezah nguno khalau akemi gholo ye panoqo toi xüke (kuchou lo ni ye Alhou yezah nguno khalau kumono Khristo yezah qholo xükemi).

Ephesiami 2:12

tipa ghuloki lo nongu ye Khristo launo kütüta shi ache, Israelmi gholo kuloji mlano inami shi ache, eno Alhouw Puloshoqhi piqhi püakeu lono tüsümi shi ayeghi lo lajupu küha eno Alhou kühano achekeu kümsülu lo.

Ephesiami 2:3

ningu kümtsü ghuthu lakhi loye tipaqo gholo pitipüza ashi pulou shiche, aphimpi eno akükümsü no mine keu ghakiqipu shiche, eno ashi lomi toi ningu lhoaye no aloghu puni keu tianuli shi ache.

ZAKINIU 4:7

Kughengu Ampeu ni Lhou no kugho kughomu nino kukelo ni phivilo aketoi khuno shiye kije no alhou titoi ke ani kea?

FILIPIAMI 4:8

Ashekhashi athiküzümiqo, kiu no kuchou, kiu no gihuküzüpu, kiu no achipiu, kiu no tsüghükhüi, kiu no juviqhiyi, kiu no ashepe tsüküzü keno, akighiche eno sheqhe küzüpu aghi aye, thime tipaqo shou kümsü puku alo.