Rommi 2:10 - Sumi Naga CL (Re-edited) Bible (BSI)

¹⁰ ikemu Jewmi na Greekmi namu akivi mla kemi kümtsü ghenguno shekiqhe, agigihu, eno aloino keu anani.

BAIBEL (BSI)

¹⁰ Ikemu akivi mlakemi lakhikhi ghenguno sheqhekepu ngo gihukepu ngo alokiqi ishi anani, atughushi Judamiqo shou paghi eno Judakumomi ghi tipa shelo sholu nani.

Sümi Tiqhelimi Bible

¹⁰ ikemu khunoqo no akivi kümlà shi cheni keno panongu ghenguno ajuküvü, agigihu eno alokiqi anani: atüghishi Jewmi ghenguno, eno tithiu no Jewkumomi ghenguno anani.

Rommi 2:10 Iomraidhean Croise

JOB 22:21

“Alhou sasü külashi luvelo, eno iqüghai auvelo; tishianguno o lau akivi ighi nani.

LESHELE 15:2

Timi khuu no tichetighe küha, achipiu shicheni eno pa mlo lono kuchou tsa pi cheni keno;

LESHELE 29:11

Ampeu no aküka kumto pesü Paw timiqo tsü peniu! Ampeu no aloino keu pesü Paw timi kümgha tsü peniu!

LESHELE 37:37

Tukutiye küha kemi amichi shilo eno akümzümi ju püalo, kughengu külakishimi ghengu ye hithiu tsala kivi ani.

AHOLE 11:18

Kixikilami ye pishikiqhi jume qelu cheni ikemu khuu no amikucho xusüni keno mtsüqhei no asaxü ithulu cheni.

AHOLE 8:18

Küakini eno agigihupu, pepushu kulupu eno kighishe kulupu kini ye I gholo acheni.

ISAIAH 26:12

O Ampeu, Nono ni ghenguno aloinokeu puthuphe tsünani, kughengu Nono ni ghenguno thokha mlave tsüake.

ISAIAH 32:17

Achipiu mikucho huno aloino keu, iqüghai keu eno alholo pükhükibe mlaphetsü nani.

ISAIAH 48:18

Nongu no I yezah papeke aye lae! Tishike aye, nongu lokughuno no aghoki toi qoighini cheke, eno nongu mikucho no azü fukukucho toini cheke;

ISAIAH 48:22

“Kixikilami ghenguno aloino keu kühae,” Ampeu no pi.

ISAIAH 55:12

“Kughengu nongu ye alokivi lono ipeve nani ke; eno aloino keu lono saipeve nani; naghutoqo ngo atoghi nongu zülo akeqo no vekipighi ale phenani, eno aluza lo asübo kümtsü no panongu u kukhu nanie.

ISAIAH 57:19

eno panongu kichi lo shekiqhe sütsü nani. Ampeu no piani, Kupunu akemi, eno aghache lo akemi, aloino peniu, aloino peniu,” “eno I no pa shipivi nani.

JEREMIYA 33:6

Julo, I no ashiaji kivi eno shikipivi süghi nani, eno I no panongu shipivi no kupukuno küakini eno sükusho pephe piye nani.

AKIKIHI 6:26

Ampeu no Pa gi peqhepe nongu shou jupukulu no aloino keu nongu tsüpeniu.

MATTHEW 10:13

Eno akibo tipau lo ngoküzüpu shi aye, nongu no aloino keu inibe tsülo, ikemu akibo tipau no aküzüpu kumo aye, nongu kighini ikhichile luvelo.

Luke 1:79

aküzü eno akithi yekükhü lo akeqo lau aküvü tsü nani, eno aloino keu laghi lo ni pukhu kichetsü ghi wu nani.”

Luke 12:37

Aqemi khunono kutope khe ake lono ampeu ighi püzü ithuluni keno, pano kümghapue. Mtsüqheino I no nongu vilo piani, ampeu no chighiche khapu püzü aghulhu lüpa lo panoqo küghüqa no huthu nani.

Luke 19:42

ghi pi, “Noghi lae, kiu no külashilu cheni keno ishi nomu nou no ithike aye lae! Ikemu itehi ye o launo küsüvae.

Luke 22:14

Kughou atüqhüdo ighi keno, Jisü no aghulhu lüpa lo apostolmi sasü iqave.

Luke 9:48

eno panongu vilo pi, “Khukhumu I je lono itimi hitoi kemi ikhilu keu ye ni ikhilu ani, eno ni ikhilu keu ye khuu I puwu keno, Pa ikhilu ani. Kughengu nongu gholo khuu no aghulou keno, pa no akijeue.”

John 12:26

Khuu no I qeni keno pa ye I pape masae; I no khile ani keno I qemi ghi tile anani. Khuu no I qeni keno I pu no pa gihu nani.”

John 14:27

I no nongu gholo aloino keu qhitsü ani; Iw aloino keu I no nongu tsüani. Ayeghilomi no tsü chekeu toi nongu tsü anike kumoe. Nongu mlo kütakihi kevilo, momu msa kevilo.

John 16:33

I no nongu vilo hipau pikeu ye I lau kimepe akeu lono nongu ye aloino apeniye ke. Ayeghi lo nongu ye aghime kitikhi sholu nani, ikemu amlo mtolo; ni ye ayeghiqha theqhi luvae.”

Apostolmi 10:35

ikemu shiye kümtsü gholo khukhumu Pa sümsa eno achipiu shikeu ye ikhikulupu shicheni.

Rommi 14:17

Kughengu Alhou yekipe ye chuqu-kusho vehuke kumoe, ikemu Aghungu Kimthe no tsükeu achipiu-mikucho, külakishi eno aloviqhiyi keu ke.

Rommi 15:13

Nongu no pülü akeu lo lajupu tsü chekeu Lhou no alokivi eno aloino keu kümtsü pesü nongu shepichhi tsü peni, tishianguno Aghungu Kimthe küka vecheo nongu ye lajupu no qochili apenie.

Rommi 2:7

khunono kheakulu shi akivi kümla shikeu lono shekiqhe, agigihu, eno thimoni keu küxü phucheni keno, Alhou no lhokta küxü pesü panongu tsü nani;

Rommi 2:9

Jewmi paghi eno Greekmi ghi, khunono alhoksa mla cheni keno kümtsü ghenguno aghime kitikhi eno kushuküqha anani,

Rommi 5:1

Tighenguno, ningu ye aküpülü lono achipikaluve akehu, ni Mpeu Jisü Khristo vecheo ningu ye Alhou sasü külashi luvae.

Rommi 8:6

Ashi küdau amlo tsükeu ye akithipue, ikemu Aghungu küdau amlo tsükeu no aküxüpu eno alokiqipu ke.

Rommi 9:21

Alikiyiqiu ye aghani mqo lakhi pesü ali kütüta, lakhi no akhotopu lo eno lakhiu ye inapügha vehulo peitha kepu, mlapheni keu chipiu kühaveni keshea?

Rommi 9:23

Pa no hitoi shikeu ye Pa juküvü kinikülüshi akeu pesü khunoqo Pa no azünatha ghi ajuküvü küsajeni ke kuto püani keno, ti kimiyekini liqo, pelo ithi peniye ke,

Galatiami 5:22

Ikemu Aghungu xathi ye kikimiye, alokivi, aloino, kutuukulu, kimiyeqhiyi keu, akivi, pükhükulu,

Galatiami 5:6

Kughengu Khristo Jisü küdau ye aphighüyiko ghakeu na ghamo keu namu kihi amoe, ikemu kikimiye vecheo aküpülü lono mlakeu likhino ke.

FILIPIAMI 4:7

Eno Alhouw aloino keu khikhi timiw vethakulu nguno alau keno, tino Khristo Jisü küdau no nongu mlo eno nongu kükümsü khekuto anani.

1 Tim. 1:17

Lhokta Kükau, thimoniküau, ithukümla, Alhou Pa likhi akeu, Pa lau agigihu eno ajuküvü alhokuthu apelo! Amen.

IBRIMI 2:7

Nono pa pesü kungumi nguno kitila akuchuniu shivetsü; Nono ajekipi eno agigihu pesü pa qhopipe;

James 2:22

Nono ithulu anino pa küpülü ye pa kümla gholono mla ae eno pa kümla vecheo aküpülü shikupu tsüe;

James 3:13

Nongu gholo khuu no alokütsüu eno vethakuluu kea? Pa khuaye kivi vecheo mtshaivü keu lokütsü lono pa kümlaqo pephe piye pelo.

1 Peter 1:7

tishianguno nongu küpülü ye ghukimthepe athicho shilu peniye ke. Ameshoyi ye ami lono piti kimthe anamu pühave cheni, ikemu nongu küpülü ye ameshoyi nguno amekushou kehu Jisü Khristo pephe piye kelo shekiqhe, ajuküvü eno agigihu ithulu kepu shimasae.

1 Peter 5:4

Eno kughou Ambe Khetou ipeghini keno, nongu no aju idimo keu juküvüpu kütsükuqho ithulu nani.

SAMUEL ATUGHIU 2:30

Tighenguno Ampeu, Israel Lhou no asheshu ani: ‘I no o kibolomi eno o puasüqo kibolomi pelo pülhapuju I zülo ipeilo peniye ashoqhi shike,’ ikemu itehi ye Ampeu no asheshuvae: ‘I launo putosüve lo, kughengu khunono I gihuni keno I no gihu nani, eno khunono I thaighani keno tipaqo thaigha nani.