Rommi 16:25 - Sumi Naga CL (Re-edited) Bible (BSI)

²⁵ Itehi ye I tsape, I no Jisü Khristo ghili pikülha chekeu vecheo nongu shikumtokütsü Lhou sheqhe ani; ti ye ado kushuo tuqhou shi küsü püache keu tsa pephe piyeni keu kiqi lono ke,

BAIBEL (BSI)

²⁵ Itehiye ino Atsakiviu eno Jisu Khristo ghili pikulhache keu kiqi lono nongu shikumtolu chekeu lau eno mzamghaleyi pephepiyekeu khikhi tiqheli kushuwa kutolo kusupe acheke,

Sümi Tiqhelimi Bible

²⁵ Itehi ye I no pikülha chekeu tsakiviu lono piche keu toi, Alhou khuu no nongu pelo tolu pe keno ajuküvü kümtsü pe pa tsülo. Jisü Khristo ghili kükütsü sütsa hipau no nongu Jewkumomiqo ghenguno Alhou’w tuqhou küsüpüa chekeu pephe-piye anike, hiye tiqheli kushuwa kutólo küsüpe püa chekeu lakhi ke.

Rommi 16:25 Iomraidhean Croise

LESHELE 78:2

Kimghikipiye lono I kichi xükho no pini; khaghi lo aküzü tsaqo I no lhepiyeni,

DANIEL 2:22

Pa no thonhei eno küsü püakeu thimeqo pephe cheni; aküzü lo akeu Pa no ithi ani, eno aküvü ye Pa gholo acheni.

AMUS 3:7

“Kughengu Ampeu Alhou ye Pa qemi tungkupmi lau Paw tuqhou pephe piyemo keloye kiumu shichemoe.

MATTHEW 13:17

Kughengu I no kuchou no nongu vilo piani, nongu no kiu ithulu ani keno tungkupmi ngo amikuchomi kutomo no ithuluni shiche kemu ithumlave, eno kiu chilu ani keno panoqo ghi chiluni shiche kemu chimlave ke.

MATTHEW 13:35

Hi ye tungkupu no kiu pipüa keno shikupu niye ke: “I no kimghikipiye lono pinike I kichi xükhoni; ayeghi boqha gho kelono kiu küsü püache keno I no pini.”

MATTHEW 20:7

Panoqo no pa khochile, ‘Khunomu ajume ningu piqe nike ghaighi moe.’ Ikehu pa no pi, ‘Tishiaye nongu ghi atsailu lo hulo.’

Apostolmi 20:32

Itehi ye Alhou lau eno Paw küpükini tsa lo nongu kulhuqhi tsü ani, tino nongu xaqhelu nani eno Paw shiluve kemi gholo nongu mheghi ighilu penani.

Apostolmi 9:20

Tithiu pa no mtazü sinagog lono Jisü ghili sheshu, “Pa ye Alhou Nue.”

Rommi 11:25

Athiküzümiqo, mthamini nongu lotsüu papeve nosa kehu ni ye nongu pelo küsü püakeu tuqhou hipau ithi mono apenishi amoe: itehi Israelmi mlo shikümka püakeu ye Jewkumomi kümtsü no ighi kuloqu lumoke dolo ghengu likhino ke.

Rommi 14:4

No ye khuue pi kütami qeu shou küghathabeni kea? Pa no achipishi aghina monamu pa mpeu likhino pi nani. Eno pa ye Ampeu no kuphutsü keu lono puthugholu nani.

Rommi 16:24

(Ni Mpeu Jisü Khristow kimiyekini no nongu kümtsü gholo apeniu, Amen.)

Rommi 2:16

I no atsakiviu pikülha chekeu kiqilo, kughou Alhou no Khristo Jisü vecheo timiw tuqhou jeli shou küghathabeni keno, tipa tsala lo hitoi shi nani.

1 Kor. 1:23

ikemu ningu no Khristo yedave keu kütsü cheni, ti ye Jewmi ghenguno apukhu küpsüpu eno Jewkumomi ghenguno mbomzü vehu,

1 Kor. 2:7

Ikemu ningu no Alhouw tuqhou eno küsü püakeu lokütsü picheni, ti ye mulhou no Alhou no ningu juküvüpu ghenguno kughuve tsüke.

1 Kor. 4:1

Ningu ye Khristo qemi eno Alhouw tuqhou jukükütsümi kepi nongu ye kihitsü kepue.

2 Kor. 4:3

Tsala ningu tsakiviu no nha püaghi namu, ti ye khunoqo pühauve chea keno tipaqo lau likhi küsüve ake.

2 Kor. 4:5

Kughengu ningu ye ningu ampi sheshu chenike kumoe ikemu Jisü Khristo ye Ampeu kepi sheshu cheni eno Jisü ghenguno nongu qemi shi acheni.

Galatiami 2:2

Piyeküsü I tsükeu kiqi lono I no wuno (akhotomi ipi chekeqo vilo lomoshi) Jewkumomi gholo pikülha chekeu tsakiviu pesü pi, tishianguno ni ye adou lono pochemo momu po püamoe pi thebei shiniye ke.

Ephesiami 1:9

Paw tuqhou kukughu khikhi Khristo vecheo kimshitsü keno Pa no ningu lau kilethi tsüke.

Ephesiami 3:11

Hi ye Paw lhokta kimji ni Mpeu Khristo Jisü launo shikupu tsükeu kiqi lono ke,

Ephesiami 3:9

eno thime kümtsü pulhosü keu Lhou lau tiqheli kümtsü lo küsü püache keu tuqhou kukughu ye kiu keno timi kümtsü zülo pephe tsüniye ke,

Ephesiami 6:19

I ghengu ghi inikhu tsüalo, tishianguno Alhou no I kichi xükho tsüno atsa I tsü eno mtotoi shi tuqhou tsakiviu pikülhalu peni,

Kolosiami 2:2

tishianguno panongu mlo shikumtolu, kikimiye lo ghoküqha luno Alhouw tuqhou kighithi, ti ye Khristo, thebei eno kupukuno shi ithikuthulu penie.

Kolosiami 4:3

Tipau gholono ni ghengu ghi inikhu tsülo, tishianguno atsakiviu ghenguno Alhou no ni lau ahukikha khaqhi tsüno Khristow tuqhou pesü sheshulu peni, hi ghenguno ni ye akughu shi ani.

1 Thes. 3:13

tishianguno ni Mpeu Jisü no Pa küpülümi sasü ighi kelo, Pa no nongu mlo pesü ni Pu Alhou zülo tukutiye küha no akimthe shitsü peni.

2 Thes. 2:14

Ningu tsakiviu vecheo hipau lo nongu kulue, tishikeu lono nongu pelo ni Mpeu Jisü Khristo juküvü ithulu peniye ke.

2 Thes. 3:3

Ikemu Ampeu ye pükhükulupu ke. Pa no alhoksa lono nongu iqhi kumto eno khekuto tsü nani.

2 Tim. 1:9

kughengu Pa no ni xalu eno kulu keu ye, ni kümla ghenguno kumoe, ikemu Pa kimji eno küpükini Pa no, ado-aghuloki huthu mphi züuno, Khristo Jisü vecheo, ni tsükeu ghenguno ke,

2 Tim. 2:8

David laghami, Jisü Khristo, akithi lono xüthughive keu hu, I no Atsakiviu lono pikülha chekeu kümsülu lo,

Titus 1:2

Kuchou kighithi hi no khilemu miki chemo keu Lhou no aghuloki huthu mphi züuno piqhi keu lhokta küxü lajupu panongu tsü nani,

IBRIMI 7:25

Ikehu khunono pa vecheo Alhou lau ighini keno, pa ye tipaqo qhoi xakulupu shi nani, kughengu panoqo ghenguno Alhou lau qhüiniju tsünike pa ye alhokuthu xüacheni.

1 Peter 1:20

Pa ye ayeghi boqha ghomphi lono nukisheve kemu nongu ghenguno ashekha ghuloki lono pephe piye,

1 Peter 5:10

Nongu no ado kitila imeve kethiu, kikimiye küpükini kümtsü akeu Lhou, Khuu no Khristo vecheo Paw lhokta juküvü lo nongu kuluve akeno, Pa ampi no nongu pesü atho puthotsü, aküpülü iqhikumto tsü, aküka tsükithe, eno aboqha kumto lo shosü nani.

Piyeküsü 10:7

ikemu kungumi akütsüniu no pa fuko küighani keu ghuloki lono Alhouw tuqhou küsü püakeu shikupu nani, ti ye Pa qemi tungkupmi lau kütüghü püakeu kiqi lono ke.”