Rommi 16:17 - Sumi Naga CL (Re-edited) Bible (BSI)

¹⁷ Athiküzümiqo, I no nongu ghutu anike khunono kijetha cheni eno akülü tsa nongu shikave keqo kumono bidelau tsa pesü aküküpna shicheni keno, tipaqo launo putosüve lo.

BAIBEL (BSI)

¹⁷ Athikuzumiqo, ino nongu qhuiniju anike, khunoqono kijethakile eno timi kupulu kutakihi acheni, eno khunoqono nonguno akukutsu ithuluvekeu hu mujochile ishi cheni keno jukutolo, eno panoqo launo putosuvelo.

Sümi Tiqhelimi Bible

¹⁷ Athiküzümi eno achelimiqo, timi khunoqo no kijetha keu süghi cheni eno nongu pelo axiné lo ilove peniye shi cheni keno tipaqo jukuto penike I no nongu qhüiniju ani. Panongu ye nongu no akükütsü ithiluve keu lono bidelau kütsü cheni ke. Panoqo lau no putosü alo.

Rommi 16:17 Iomraidhean Croise

MATTHEW 18:17

Pa no tipaqo tsa ini tsümo aye akukuhou vilo pilo. Eno pa no akukuhou tsa ghi initsü move aye, pa pesü ayekümthami momu asüqha küqhami toi peithalo.”

MATTHEW 18:7

“Axine lo ghuju sawuve keu ghenguno ayeghiqha hasapue! Kughengu ghukuju ye ighi masa nani, ikemu khuu vecheo ghukuju ighini keno pa haküsapue!

MATTHEW 7:15

“Kichile tungkupmi khunoqo ashou ye ambe yiko xapu ikemu alou ye tüngtügha yiküsa toi ighi cheni keno, nongu ye tipaqo jukutolo.

Luke 17:1

Jisü no pa khopemi vilo pi, “Axine lo ghuju sawuve kepu tüqhüdo ighini pütsae, ikemu khuu vecheo ti süghini keno ahasapue!

Apostolmi 15:24

Ningu gholo khami no nino azah tsümo keghi wuno atsa hami pesü nongu pünaqhi eno kütakihi anie pi nino chilue.

1 Kor. 11:18

Atüghüshi, kughou nongu no kuhoni keno nongu gholo kijethakile akeu I no chiluvae; eno tile kuchou hami aghi nani,

1 Kor. 3:3

kughengu nongu ye ashi lono xüaphi ke. Nongu gholo anhekushu eno mtomshu akelo ti ye ashi eno ayeghi gholau no xü aphike kumo?

Galatiami 2:4

Kughengu kichile thiküzümi no tuqhou no nino Khristo lau ililai xüakeu lo puju iloghi, tishikeu lono ni sasü akütsügha lo saghini ye shike.

FILIPIAMI 3:17

Athiküzümiqo, I kimihi shilo, eno nino kichekipiye shi püatsü keu kiqi lono xücheghi kemi shou jupukulo.

Kolosiami 2:8

Khristo kükütsü ghola kumono timi süqe kighithi, abokümsa pishikiqhi, timi no pekishe chekeu khuaye momu tsütsü yeghi ghawu no nongu tshüluve pemoni ke jukuto lo.

2 Thes. 3:6

Athiküzümiqo, itehi ningu no Ampeu Jisü Khristo je lono azah nongu tsü ani, khunono akipichi shi xücheni eno nongu no ni launo ikhilu keu kükütsu kiqi lono xüchemo keno, panongu launo tsüghüve lo.

1 Tim. 1:3

I no Macedonia lo wuche kelono o vilo Ephesus lo ngo aghilo pike, kughengu tishikeu vecheo o pelo timi khami no akülü kütau shika akeu lakha peniye,

2 Tim. 3:5

ju keloye Alhou sükümsami toi kemu Alhou küka milive kemi. Timi hitoi keqo launo putosü lo.

Titus 3:10

Timi khuu no kijetha niye xukuthoni keno, ghuthu lakhi eno akiniu pa ghutu lo, tithiu ye kiu lomu pa akhoto shikevilo,

1 John 2:19

Panongu ye ni gholono ipeve kemi, ikemu azüu nomu niqomi kumoe, kughengu niqomi keaye ni gholo kuloji aghini cheke. Ikemu panongu no ipeve keu lono pano ye niqomi kumo kepi mtsüqheive peniye ke.

Jude 1:19

Ayeghi küxü lo amlo kütsümi, Aghungu Kimthe küha kemi hipaqo no kijetha keu süghi cheni.