Rommi 15:3 - Sumi Naga CL (Re-edited) Bible (BSI)

³ Kughengu Khristo ye Pa ampi pulou shimoe, ikemu ishi yepüake toi shike, “O thaigha chekemiw küthakügha tsa huno I shou ikughie.”

BAIBEL (BSI)

³ Kughengu Khristo ye pa likhi pagho apulou shimoe. Tishinike zuqhu kuchoyesulo ishi yepuani: “Khunoqono othaigha cheni keno panonguno thaighakeu ishou iluqi ikughie.”

Sümi Tiqhelimi Bible

³ Khristo ghí pa likhi pa pulou shimo ke, kughengu Kuchoyesü lo ishi yèpüani: “Timi no nongu thaigha keqo ye I shou ikughivae.”

Rommi 15:3 Iomraidhean Croise

LESHELE 69:20

Piküptha no I mlo hepho tsü kehu ni ye amlo ghuju shi ani. Küpüqhiyi tsü peniye I no laju, ikemu khumu aghi moe, alokughuno tsü peniye kemu khumu ithumlae.

LESHELE 69:9

Kughengu O ki ghenguno müamzü keu no I pitipüza, O thogha kemiw thokügha no I shou ikughivae.

MATTHEW 10:25

Akhopeu ye pa kükütsüu kimihi shilu keu no lukümkhae, tihutoi aqüaxeu ghi tishike. Timiqo no akibo mpeu vilo Beelzebul ipi kucheni aye, pa kibolomi kütami vilou ye kishi aje küsa tsünani kelae.

MATTHEW 26:39

Pa no kitila azüu wuno agi no ayeghi dape inikhu, “I Pu, shikulupu shi aye ajukhu hipau I launo ikhiluve tsülo; tishinamu I gho kumono o pulou shilo.”

MATTHEW 26:42

Itaghi, ghuthu akiniu Jisü no wuno ishi inikhu, “I Pu, ajukhu hipau I no shomo kelo ikhiluve tsümla aye, o pulou shilo.”

MATTHEW 27:44

Timi hekiqhimi pa gholo yeda püakeu pama ghi kütami gholono pa thaigha.

John 15:10

I no I Pu zakütsü papelu no Paw kikimiye lo kimepe ache ketoi, nongu no I zakütsü papelu aye Iw kikimiye lo anani.

John 15:24

Khunomu shichemo keu kümla I no panongu gholo shimo keaye panongu ye axine shikeu küküqü kühani cheke, ikemu itehi ye panongu no ithuluve akehu, ni eno I Pu nikujo mithi ani.

John 4:34

Jisü no panoqo vilo pi, “I chuqupu ye khuu no I puwu keno Pa pulou shini keu eno Pa kümla shiqhive tsüni keue.

John 5:30

“Ni ye I ka-agha loye kiumu shimlae. I no chilu no küghatha cheni, eno Iw küghakütha ye achipie, kughengu ni ye I gho-apulou kumono I puwu keu gho-apulou shicheni.

John 6:38

Kughengu ni ye I pulou shiniye kungugha lono iqighike kumoe, ikemu I puwu keu pulou shiniye ke.

John 8:29

Khuu I puwu keno Pa no I gholo ani, Pa ye I likhi qhive mphie kughengu I no alhokuthu pa lokiqipu shi acheni.”

2 Kor. 8:9

Kughengu nongu no Ampeu Jisü Khristow küpükini ithi anike Pa ye kinimi shi akeghi nongu ghenguno kumlhomi shive ke, tishianguno Pa qüagha vecheo nongu pelo kinimi shilu peniye ke.

FILIPIAMI 2:5

Khristo Jisü kükümsü ghola khikhi nonguw shilu keno, hi no nongu gholo alo,

FILIPIAMI 2:8

Eno timi lhoaye kimihi shino pa ampi kuchunipe akithi, ti ye Kros lo kithi, kutolo aghokulu shive.