Rommi 15:18 - Sumi Naga CL (Re-edited) Bible (BSI)

¹⁸ Kughengu ni ye hipa tsa nguno alau kütau ye pimoae: Jewkumomi pelo aghokulu lo ighilu peniye Khristo no I vecheo mlae, ti ye—atsapi eno akümla,

BAIBEL (BSI)

¹⁸ Niye kutau kiumu piakepu kuhake, ikemu imlo kumtoshi pikulupu akeuye Khristo no ipeitha puzu, atsapilo, akughuthalo, amchipu, akumzapu shikeulo eno Aghungu Kimthe kuka ishi lono Judakumomi Alhou ghokululo saphe piyelupeke.

Sümi Tiqhelimi Bible

¹⁸ I no pi eno müla keu vechewo Khristo no Jewkumomiqo pelo Alhou ghokulu lo saighilu pe nikeu lo tokulu shilu keu nguno alau kütau kiumu pimoe.

Rommi 15:18 Iomraidhean Croise

AHOLE 25:14

Agho tsünie pi atsa qhive no tsümove keu ye tsütsüghu süghimo keu khüngküsü ngo amülhü toike.

MATTHEW 25:16

Aqemi khuu ghüka 5,000 ithulu keno pa no mtazü wuno tipaqo pesü kimje, eno ghüka 5,000 ala kimje luve.

Mark 16:20

Tithiu akhopemi no ashou akuaqha kümtsü lo sheshu wu, eno Ampeu no panoqo gholo mla eno amchipuqo vecheo atsape ye kuchoue pi alau iqhikumto tsüe.]]

Apostolmi 14:27

Pama no ighi no akukuhou kukumqo püzü Alhou no pama peitha keu pesü sheshu, eno Jewkumomi lau kishi Alhou no aküpülü hukikha khaqhi tsü keno lhepiye.

Apostolmi 15:12

Tile kumqo akemi kümtsü no iqünheive, eno Alhou no Barnabas ngo Paul vecheo Jewkumomi gholo amchipu ngo akümzapu shikeu pama no pi akelo tsaqüi ini.

Apostolmi 15:4

Kughou panongu no Jerusalem lo ighi keno, akukuhomi, apostolmi, eno layemi no alokivi shi panongu sasü, eno Alhou no panongu pesü kiu shilupe keno kümtsü lhepiye.

Apostolmi 21:19

Panongu sasü petha shive kethiu, pa no Alhou no pa vecheo kishi Jewkumomi gholo mlatsü keno apasü shi lakhikhi no lhepiye.

Apostolmi 26:20

Ikemu Damascus lo paghi sheshu, tishino Jerusalem, Judea cheaxü kümtsü lo, eno Jewkumomi lau ghi Alhou lau xaide, eno tipau kiqi lono akümla lono piye lopi sheshue.

Rommi 1:5

Pa vecheo ningu no küpükini eno apostol kümlapu ithulu keu ye Pa je lono shiye kümtsü sasü aküpülü ghokulu lo ighi niye ke,

Rommi 16:26

ikemu itehi ye tipau lhapheve no tungkupmi kiyeqo vecheo Lhokta Lhou zakütsü kiqi lono shiye kümtsü lau kilethivae, tishikeu lono timi kümtsü pelo aküpülü lono aghokulu küxü lo ighilu peniye ke—

Rommi 6:17

Ikemu Alhou shikimthi akeu ye nongu khunoqo ghuthu lakhi lo axine qüaxemi shi ache keno, itehi ye nonguu no amlo lono ipeghi püzü agholuqhiyi akükütsü tsa nongu lau apasü shi shikave keu ikhiluvae,

2 Kor. 11:31

Ampeu Jisü Papu Alhou khuu alholo akümghapu keno, Pa no ithi anike ni ye miki amoe.

2 Kor. 12:6

I no qhezani shiaye, ni ye küghüzümi shivemo nani, kughengu ni ye kuchou tsa pi nani; ikemu I no süchileve cheni, tishianguno khuu pelomu ni ithulu chekeu momu I ghili chilu chekeu nguno alau kümsü penishi moke.

2 Kor. 3:5

Ningu ampi no ningu ye hi shikulupu anie pi pükha amoe, ikemu nino shikulupu akeu ye Alhou launo ke,

2 Kor. 6:1

Pa gholo mlaküqha kemi shi nino nongu qhüiniju anike adou lono Alhouw küpükini ithulu kemi shi kevilo.

Galatiami 2:8

(Kughengu khuu no Peter pesü aphighü yiko ghave kemi lau apostolmi kümla shipe keno, Pa no ni ghi pesü Jewkumomi lau mlawu peke),

Kolosiami 3:17

Nongu no kiukiu mla namu, atsapi eno akümla lo Ampeu Jisü je lono Apu Alhou shikimthi ghi thokha shilo.

2 Thes. 2:17

Pa no akümla eno atsa kivi pesü nongu mlo lokughuno tsüno shikumto tsü apeniu.

IBRIMI 11:8

Aküpülü lono Abraham ye hithiu pa mheghi shiniye akeu yeghi lo Alhou no wu peniye kukelo agholue. Pa ye khila wucheni keno mtha keghi aghokulu shi wuve.

IBRIMI 5:9

Pa pesü kupukülai shitsü kelo pa no pa gholu kemi kümtsü ghenguno lhokta xakulupu puki shive,

James 1:22

Atsa chikulu likhi shive no nongu ampi pishiqhi kevi, ikemu atsa tho akümlami shilo.

1 John 3:18

Atianuliqo, ningu atsapi lo likhino shimoni, ikemu akümla eno kuchou lono kikimiye piyeni nolo.

Jude 1:9

Ikemu kughou kungumi tou Michael no tüghami sasü Moses sükumo kohakishi akeno, pa ye küthaküghapu tsa pimono ishi pi, “Ampeu no o lomipi nani.”