Rommi 14:6 - Sumi Naga CL (Re-edited) Bible (BSI)

⁶ Khuu no atsala lakhi hu pini cheni keno Ampeu gigihu lono pini cheni. Thokha chuche keu ghi Alhou lau shikimthi tsücheni keke Ampeu gigihu lono chucheni, eno chuchemo keu ghi Alhou shikimthi püzü Ampeu gigihu lono chuchemoe.

BAIBEL (BSI)

⁶ Khuuno atsala hamiye akhoto kepi tipa tsala ikhilu cheni keno Ampeu gihu ghi ti ikhilu ani. Thwokha chu chekeu timi ghi Ampeu gihu-ghi chu cheni, kughengu pano shikimthikeu Alhou lau tsue. Khuuno thwokha kumtsu chu chemo keno pa ghi Ampeu gihu ghi chu chemo, eno shikimthikeu Alhou lau tsue.

Sümi Tiqhelimi Bible

⁶ Khuno no atsala hami ye akimchi kepi ikhilu cheni keno panongu ye Ampeu gihu ghi ikhilu cheni. Ashi chu chekemi ghí Ampeu gihu ghi chu cheni, kughengu panongu no Alhou shikimthi tsü cheni; eno ashi chu chemo kemi ghí Ampeu gihu ghi ashi le cheni, kughengu panongu ghí Alhou shikimthi tsü cheni.

Rommi 14:6 Iomraidhean Croise

IPEKULU 12:14

“Hipa tsala ye nongu ghenguno kümsümamo keu tsala lakhi shi nani, eno Ampeu lau tiqhetini lakhi shi nongu no hipau pechelo, tiqheli kümtsü lo ayezah lakhi shi nongu no hipau tiqhetini peni.

IPEKULU 12:42

Hi ye Ampeu no Egypt yeghi lono panoqo saipeghi niye khekuto keu ji ke; titoi Israelmi kümtsü no ighini keu tiqheli kutolo Ampeu gihu nike hipa jilo khekuto amasa keu shie.

IPEKULU 16:25

Moses no pi, “Ishi no ti chulo, kughengu ishi ye Ampeu lau ikhiphe tsükeu Sabbath tsala ke; nongu ye ishi ye aluza lo ti ithulumo nani.

ISAIAH 58:5

Timi lakhi no kümvü keu lono aqhokigheu shilu aye, Ni ye titoi kümvü keu ikhilutsü cheni ke kumo keshea? Ikemu nonguw kümvü keu ye ayeghübo no ihoiqi keshi, momu yeqhiyephi ngo ayevu shou ihozü keu no keshea? Nongu ye hitoi keu pesü kümvü keu momu Ampeu no ikhilutsü keu tsala kepi kümsü ani keshea?

ZEKHARIA 14:21

Jerusalem eno Judah lo ali kümtsü aqokitikhi Mpeu lau akimthe shi nani, tishianguno aghashi mlla kemi kümtsü no ighi no tipaqo lono ghiqhi mlla keu shi be-lho nani. Tipa ghuloki lo Aqokitikhi Mpeu kilo kilhikishimi kühave nani.

MATTHEW 14:19

Tileno timiqo vilo atsüni shou iqalo pi pa no azah tsüve. Ashopa pungu eno akha kini ikhipe pa no atsütsü lo jupuku no Alhou shikimthi tsü. Tishino pa no asho süphope pa khopemi tsüno akhopemi no tipaqo pesü timiqo kijetsü.

MATTHEW 15:36

pa no ashopa tsüni eno akha ikhipe shikimthi tsüno süphope pa khopemi tsü, eno akhopemi no tipaqo pesü aqokitikhi tsüe.

John 6:28

Tileno panongu no pa vilo iniju, “Alhou kümla shinike ghenguno ningu ye kiu shimasa kea?”

Galatiami 4:10

Nongu no atsala, aqhi, atusho eno ampe pini acheni.