Rommi 14:11 - Sumi Naga CL (Re-edited) Bible (BSI)

¹¹ kughengu ishi yepüani, “Ampeu no pi, Ni xüküau zülo kümtsü no qhoqhünhe nani, eno ashiaye kümtsü no Alhou sheqhe nani.”

BAIBEL (BSI)

¹¹ Kuchoyesulo ishi yepuani: “Ampeu no ishi pi, ino xuanikeke timi kumtsu izulo qhoqhunhe nani, eno niye Alhou kepi timi kumtsuno akishe tsu nani.”

Sümi Tiqhelimi Bible

¹¹ Kuchoyesü lo ishi yèpüani: “Ampeu no pi, ‘Ni ye xüani keke timi kümtsü no I zülo qhoqhünhe nani; eno timi kümtsü no ni ye Alhou kepi shuphe nani.’ ”

Rommi 14:11 Iomraidhean Croise

LESHELE 72:11

Kükami kümtsü pelo pa zülo qhoqhünhe pelo, eno shiye kümtsü pelo pa qe pelo!

ISAIAH 49:18

Nongu nhethi tsükhope julo; panongu kümtsü kumqo ani eno nongu lau cheni. Ampeu no piani, ‘I no xüake toi, nongu no hupaqo kümtsü tünatunu pu akeshi pepu nani; külaliu no li chila tshüpu keshi nongu no tshüpu nani.

JEREMIYA 22:24

“I no xüake toi, Ampeu no asheshu, Jehoiakim nu, Judah kükau Coniah no I u ajeu jedapu anguthi shiaghi namu, I no no ikhive nani,

EZEKEL 5:11

Tighenguno Ampeu no asheshu, I no xü aketoi, nonguw aphikümqhüpu eno kuchhube kütsüla kümla vecheo nongu no I chineki shikitiqevae, tighenguno Ni ye Iw kikimiye ikhichile luveni eno amloighi nongu jumo momu akipimi qhitsümo nani.

ZEFANIA 2:9

Tighenguno, Ni hi xü anike,” aqokitikhi Mpeu, Israel Lhou no asheshu, “Moab no Sodom eno Ammonmi no Gomorrah toive nani, apüghüli eno amti kuchhuki shive no alholo ghenguno pighive nani. Iw timi ghükulumi no panoqo lepuwuve nani eno Iw timi lo ghükulumi no pano mheghi shive nani.”

AKIKIHI 14:21

Ikemu I juküvü no ayeghi kümtsü yepüvü anani ke Ni Xüküau no hi piqhi ani,

AKIKIHI 14:28

Panoqo vilo pilo, ‘Ni Xüküau Ampeu no shuphe ani, nongu no kiu I shou pipukuve akeno I no nongu lau shitsüni:

MATTHEW 10:32

Tishiaye khukhumu aqha zülono I je piphetsü keu ye ni ghi I pu khuu kungugha lo ani keno, Pa zülono piphetsü nani,

Rommi 10:9

kughengu nono Jisü ye Ampeu kepi o kichi lono piphelu eno Alhou no akithi lono Pa xüputhu kepi o mlo lono pülülu aye, no ye xaluve nani.

Rommi 15:9

tishino Jewkumomi pelo Alhouw küpükini ithulu ke ghenguno Pa juküvüpu shi peniye ke. Ti ye ishi yepüa keu kiqi lono, “Ikehu I no Jewkumomi gholono O sheqhe eno O je shipilini.”

1 John 4:15

Khukhumu Jisü ye Alhou Nu kepi piphetsü keu ye Alhou lau kimepe ani eno Alhou no pa lolo ani.

2 John 1:7

Kughengu ayeghiqha lo pishikiqhimi, khunoqo no Jisü Khristo ye ashi phimpi xapusü ighie pi ikhilu chemo keno, tipaqo kutomo ipeghivae. Titoi kemi no pishikiqhimi eno kichileu Khristo ke.

Piyeküsü 5:14

Aküxüküa lhoxü bidi no, “Amen!” ipi, eno layemiqo no pishiqho luve no mllae.