Rommi 12:8 - Sumi Naga CL (Re-edited) Bible (BSI)

⁸ khuu no hakite eno shikumtolu cheni keno, tipau peitha masa; khuu no tsü-jekini mlo ani keno, amlo qhaqhilei shino tsülu masa; khuu no saphekulupu kükagha ani keno, aghüiloqhiyi mla masa; khuu no kimiyekini kümla shicheni keno, aloviqhiyi shimasa.

BAIBEL (BSI)

⁸ Kutami hakitekepu shiaghiaye ninguye hakitekile masa; khuno qhasutsu kepu shini keno ililai qhasutsu masa. Timi khuno sakiphemi shinikeno ichhe-ime mla masa. Khuno timi kupuqhiyikeu kumla shinikeno aloviqhiyi shimasa.

Sümi Tiqhelimi Bible

⁸ tsalá shikumto nikeu shi aghí aye, shikumto moayesa; tsalá kütami kuphu kepu shi aghí aye, kupukuno shitsü moayesa; tsalá kütami saphe kepu shi aghí aye, tsaqütsalei saphe moayesa; tsalá kimiyekini pephe kepu shi aghí aye, amloqiqhiyi pephe moayesae.

Rommi 12:8 Iomraidhean Croise

BOTHUBO 18:19

Kughengu I no pa kisheluvae, pa no pa nuliqo azah tsü no achipiu mikucho eno kuchou xakütha shikeu vecheo Ampeu laghi lo cheche peniye eno tishikeu lono Ampeu no kiu Abraham vilo piqhi püani keno tipau pa lau süghilu peniye ke.”

LESHELE 112:9

Pa no ame lumono kümsano kijetsü cheni; pa no kumlhomi tsüke; pa chipiu mikucho ye alhokuthu acheni; pa kibo ye agigihu lono süqhe cheni.

LESHELE 37:21

Kixikilami ye nalu no tsüchile chemoe, ikemu amikuchomi ye michhi mono tsü cheni;

AHOLE 22:9

Tsü-jekini mlo ache kemi ye kumlhomi sasü achuqupu kijechu chenike ghenguno kümghatsü nani.

YETSAPIU 11:6

Inaqhe no apiti yisüve no avelau ye akümla lono o u süchileve kevilo, kughengu no ye hiu no keo huu no akivishi thuwu nani keno mthae, momu kinikujo mu akivi shive luvi.

YETSAPIU 9:10

Kiu kiu kümla lomu o kumto süno mlalo, kughengu nono wuche keu kithimi yeghi loye akümla, akükümsü, akighithi, alokütsü, kiumu kühae.

ISAIAH 32:5

Mbomzüu pesü akhotomie pimoae, momu amqükiniu ye gihuküzüpue pimoae.

ISAIAH 32:8

Ikemu gihuküzümi ye agigihupu kukughu shicheni, eno agigihupu lo puthugho cheni.

ISAIAH 64:5

Khunono achipiu shikeu lono alovi cheni keno Nono tipaqo pütsa cheni, O laghi zünike O kümsülu kemi Nono pütsa cheni. Nono ni shou amloide, ikemu ningu no axine shi auve, ningu ye ado kushuo ni xine lo auve kehu ni xalu nanima?

MATTHEW 25:40

Akükau no panoqo khochile nani, ‘Kuchou no I no nongu vilo piani, nongu no I thiküzü chelimi hipaqo gholo akitilau lau kiu shi keno, nongu ye I lau shive tsüae.’

Apostolmi 11:23

Kughou pa no ighi no Alhouw küpükini ithulu keno, pa mloqive eno panongu vilo itha mono Ampeu ghokulu shilopi pa no kümtsü shikumto,

Apostolmi 13:12

Tile kiu shive keno ithulu püzü angh no pülü luve, kughengu pa ye Ampeu ghili shika keu lo shishe akichiqhive.

Apostolmi 13:15

Moses Yezah eno Tungkupmi kaku phisü kethiu sinagog lo yepemi no pama lau atsape tsüpuwu, “Athiküzümi, nokujo no timiqo shikumto kepu tsa aghi aye pilo.”

Apostolmi 15:32

Judas ngo Silas pama ghi tungkupmi kehu atsa kutomo pesü pino küpülümi hakite eno shikumto tsü.

Apostolmi 20:2

Pa no tipa cheaxü qhalo wuno timiqo shikumto tsü, eno Greece lo ighive.

Apostolmi 20:28

Nongu ampi jukütsükiyi lo eno Aghungu Kimthe no nongu pesü khunoqo shou jukükütsümi shive akeno, aloji kümtsü jukuto lo. Alhou kukuhou kheu shilo, ti ye Pa no Pa ji pesü qhüluvae.

Apostolmi 4:36

Ikehu Levimi lakhi, Cyprus noghami Joseph ipikeu, khuu apostolmi no Barnabas (tipau kiqi ye shikumtokütsüu nu), ipi kutsü keno,

Rommi 12:13

Küpülümi vehupu lo qhasü tsülo eno pütüta ki lo shoinami sasükinimi shilo.

Rommi 13:6

Hi ghenguno nongu no zame ghi tsü cheni, kughengu yepemi ye hikithipu jukütsü chekemi Alhou ghinimi ke.

1 Kor. 12:28

Alhou no akukuhou lo hitoi süsü püani: atüghüu no apostolmi, akiniu tungkupmi, aküthüu akükütsümi; tishino akümzapu kümlami, tishino shikipivi gho akemi, akukuphumi, saphekulumi, eno amili jeli lono pikemi.

1 Kor. 14:3

Ikemu khuu no tungkuptsa piani keno, pa ye timi xaqhe, shikumto eno alokughuno tsünike picheni.

2 Kor. 1:12

Kughengu ni qheküzapu ye hi ke, ni lolo kiviküsa lotsü no ashepe tsü anike ningu ye ayeghi lo akikhi eno Alhou lau amlo tsüqhiyi shi, ayeghi lo lokütsü lono kumono Alhouw küpükini lono xücheni, eno akhoto no nongu lau tishi acheni.

2 Kor. 11:3

Ikemu apighi no mqümgha shino Eve pishiqhive ketoi nongu kükümsü ghi mtsümishei eno tsaqütsalei Khristo lau amlotsü chekeu lono saküghüzüve nosake ni ye msa ani.

2 Kor. 8:12

Kughengu pulopinyi keu aghi aye, milakhi no kühakeu kumo püzü kiu ani keno ti ikhilutsü nani.

2 Kor. 9:11

Nongu pelo ala thokha lo tsü-jekinimi shi penike ala thokha lono kinikülü shilupe nani, eno ni vecheo nongu no Alhou shikimthilu nani.

2 Kor. 9:13

Akümla hipau vecheo nongu no Khristo tsakiviu ikhilu no aghokulu shikeu lono Alhou juküvü shitsü eno puloniqhiyi timi kutomo sasü küsaje ke ghenguno kütami no Alhou sheqhe nani.

2 Kor. 9:7

Tsünishimo qhiyi momu tsülo pikeu lono kumono milakhi khino amlo lono xathalu keu kiqi lono tsülo, kughengu Alhou ye amlo qhaqhilei shino tsükemi kimiye cheni.

Ephesiami 6:5

Aqü-axemiqo, Khristo lau toi msaighü eno khokhoshi, tsaqütsalei ayeghi lo nongu mpemi gholulo.

ZAKINIU 15:14

Ampeu no o kümgha tsükeu ambe loji, athi, eno atsaizü pesü ililai pa ghenguno kuto tsülo.

ZAKINIU 16:11

Ampeu nongu Lhou no Pa je ghenguno kishetsü ke-a lo wuno Pa zülono nongu eno no tianuli, no qemi, Levimi, kachenami, mighimi, eno chimemi no phughi lo akemi sasü alovilo.

Kolosiami 3:22

Aqemiqo, thokha lo nonguw ayeghilo mpemi gholu lo, pano mlopiqi tsüniye aküa lo likhino mla kevilo, ikemu Ampeu sükümsa lono amlo tsüqhiyi shilo.

1 Thes. 2:3

Kughengu ningu tsape ye akumou momu mithekumo eno pishikiqhi lono kumoe,

1 Thes. 2:8

Nongu kimiyekütü ke ghenguno ningu no nongu lau Alhou tsakiviu pesü küsajeke likhi kumono ningu ampi ghi pesü tsünike azüvüke, kughengu nino nongu küpüqhiyi ithuluke.

1 Tim. 4:13

I no ighi moke kutolo aqo gholo Kuchoyesü phisü, shikumto eno shiküka lo o mlo tsüqhiyi lo.

1 Tim. 5:17

Akukuho lo kichimi, akhoto no akükütsü eno shiküka lo ichheime chekeqo, khunono akivishi ayepe cheni keno, panongu ye ajume küghüsü no ithulu küzüe.

1 Tim. 6:18

Panongu ye akivi mla masae, akivi kümla lo nibonilei masa, tsükinimi shimasa eno küsajeni keu lo kutope khemasae.

IBRIMI 10:25

timi khami toi shimono ningu ye kuho kumqo chekeu kughuchove moni, ikemu Atsala kupunu woche keu nongu no ithulu ani kehu ningu alaushi lakhino lakhi shikumtoni nolo.

IBRIMI 13:17

Now sakiphemi gholulo eno panongu qhoqhülo, kughengu pano ye Alhou lau kihikülai tsü nani kehu nongu küxü jukuto khe acheni. Pano pelo amlo samono aloviqhiyi mla pelo, tishimo aye nongu vehupu kiumu shimla nani.

IBRIMI 13:22

Athiküzümiqo, Iw shikumtotsa initsü lopi I no nongu hakite ani, kughengu ni ye ikhonhei shi nongu lau yepuwu anike.

IBRIMI 13:24

Now sakiphemi ngo küpülümi kümtsü petha tsülo. Italy lono ighi kemi no petha nongu tsüpuwu ani.

IBRIMI 13:7

Now sakiphemi khunono Alhou tsa pesü nongu vilo piche keno tipaqo kümsü lulo. Pano xüghola kümsü kutoju no pano küpülü papelo.