Rommi 12:3 - Sumi Naga CL (Re-edited) Bible (BSI)

³ Kughengu Alhouw küpükini I tsükeu vecheo I no nongu lakhikhi vilo pi anike khumu aqü kiyeve ghi ampi pesü qhemghai kümsü kepu kumoe, ikemu tsükhüi shino Alhou no pütüta küpülü qhemi lono akümlapu piche keu vethalu kepue.

BAIBEL (BSI)

³ Kughengu Alhou wu kupukini itsukeu vechewo ino nongu kumtsu vilo hi pi ani: Nongu khumu alikhi akughapesu qhemghai kumsukepu kumoe, ikemu pututano aghibiu lono kumsukepu, Alhou no akupulu lakhikhi tsupuakeu qhemi lono pututa likhi pututa shou xathabeluve kepue.

Sümi Tiqhelimi Bible

³ Küpükini I tsüpüa keu vechewo I no nongu kümtsü vilo hi piani: Nongu ye nongu likhi nongu pesü ighono qhemghai kümsü kepu kumoe, ikemu nongu ye Alhou no aküpülü nongu kümtsü tsüpüa keu vechewo aghibiu xakütha lono nongu likhi nongu ghili kümsüju moayesa.

Rommi 12:3 Iomraidhean Croise

AHOLE 25:27

Akhingozü chilo chukeu ye alomo ketoi alikhi asala ajekipi phukeu ye alomoe.

AHOLE 26:12

Nongu ye timi khuana pa likhi pau no alokütsüue piche kemi ithi anio? Mbomzümi no pa nguno alau lajupu anie.

YETSAPIU 7:16

Ihulo amikucho shikevi momu alotsülo kevilo; Kushiye o likhi o kütsaveni kea?

MICAH 6:8

O timi, kiu no alo keno Ampeu no o vilo pivae; kuchou xakütha eno iqemokeu kikimiye piyeni keu eno aqhokigheu lono nongu Lhou gholo checheni keu nguno alau Pa ye o launo kiu avehupu shi ani kea?

Luke 18:11

Pharisee huno puthughope pa sala likhi hitoi inikhu: ‘Alhou, I no O shikimthi akeu no ni ye timi kütami toi süxa kuchumi, amikucho kumomi, salha-shupumi kumoe, momu hi zame küqhau toikeu mu kumoe.

John 3:34

Alhou no khuu puwu keno pa no Alhou tsa pesü pike, kughengu Alhou no Pa Ghungu kupukuno shi pa tsüe.

Rommi 1:5

Pa vecheo ningu no küpükini eno apostol kümlapu ithulu keu ye Pa je lono shiye kümtsü sasü aküpülü ghokulu lo ighi niye ke,

Rommi 11:20

Itsae. Tipaqo ye pano küpülükumo ghenguno icheve, ikemu nou ye aküpülü lono puthugholue. Ikehu qhezauve kevi, ikemu msaqhiyi lo.

Rommi 11:25

Athiküzümiqo, mthamini nongu lotsüu papeve nosa kehu ni ye nongu pelo küsü püakeu tuqhou hipau ithi mono apenishi amoe: itehi Israelmi mlo shikümka püakeu ye Jewkumomi kümtsü no ighi kuloqu lumoke dolo ghengu likhino ke.

Rommi 12:16

Lakhino lakhi sasü kuloni küghüvüi xülo. Tsütsüngoju kevilo, ikemu timi no kihimo kemi sasü kuloji lo. Khilemu o likhi nou no alokütsüu shiuve kevilo.

1 Kor. 15:10

Ikemu I no kiu keno, ti ye Alhouw küpükini vecheo ke, eno Paw küpükini I tsükeu ye adou shivemoe. Tishike kumono apostolmi kütami nguno alau I no mlache, kuchou no I no shiluke kumono I gholo akeu Alhouw küpükini noke.

1 Kor. 3:10

Alhou no küpükini I tsükeu kiqi lono, aki kishimi shitsami toi I no aboqha qhae, eno kütami no tipau shou shipuku ani. Pütüta no kishi shipuku ani keno kutokughoi lo.

1 Kor. 7:17

Ampeu no pichebe keu kiqi lono eno Alhou no kiu lo kuluve akeno milakhi khino tipau kiqi lono xülo. Akukuhou kümtsü lo hi ye I khuaye ke.

2 Kor. 10:13

Ikemu ningu ye aqü kiyeve ghi qhezani chemoe; ningu ye Alhou no kotha tsükeu bocho dolono qheza nani, tipa bocho ye nongu ghi süküqha ani.

2 Kor. 12:13

Ni ampi no nongu pünamo keu kumo aye, kiu lono akukuhou kütauqo nguno akimkheu shi nongu peithave kea? I kipimi hi qhitsülo!

2 Kor. 12:7

Ike akümzapu piyeküsü I lau ighikeu pesü I no qhezauve nosa kehu I phimpi lo asahu qhusü tsüe, ti ye Satan ghinimi lakhishi I heqhi peniye, tishianguno I pelo qhezape moniye ke.

Galatiami 6:3

Kughengu timi lakhino pa ye kiumu kumomu kiuala kepi kümsü aye, pa ye pa ampi pishiqhi anie.

Ephesiami 3:2

Alhou no Paw küpükini pesü nongu tsüniye I pichebe keu vehu nongu ghi chiluve aghi nanie pi kümsü ani,

Ephesiami 3:4

Nongu no hi philu kelo I no Khristow tuqhou jupililu akeu vethailo tolu nani.

Ephesiami 4:16

Pa launo aghi aphimpi kuchopu anhü vecheo ghokünape kime küqhatsü no thuwulu cheni. Kughou aphiau lakhikhi no pütüta kümlapu achipi lono shini keno aphimpi ye kikimiye lono pa ampi shiqhelu cheni.

FILIPIAMI 2:13

kughengu nongu kükümsü eno akümla kümtsü Alhou gho-apulou shi peniye nongu lolo mlatsü chekeu ye Pa ke.

Kolosiami 1:29

Hi ghenguno ni ye Khristo no I lolo sütsü keu kumto kümtsü pesü aghime shi mla cheni.

Kolosiami 2:13

Nongu khunoqo axine eno aphighüyiko ghamo keu lo thi ache keno, Alhou no ni xine kümtsü qhive tsüno Khristo gholono xüputhu tsüke,

1 Tim. 1:14

eno Khristo Jisü gholo akeu küpülü ngo kikimiye vecheo, ni Mpeuw küpükini no I shou yeli qole ikughi ke.

1 Tim. 2:15

Ikeghi totimi no aghibiu lono aküpülü, kikimiye, eno akimtheshi xü aye, panongu ye atianuli punu keu vecheo xaluve nani.

1 Tim. 2:9

titoi totimi pelo asa pilipu, ameshoyi momu mlapuchi eno amekusho phimini pepu penishi moe, ikemu kithikiyi eno ampi ghasülu no aghibiu phimini pepu penishi,

Titus 2:12

tino hipa tiqheli lo Alhou sümokeu küxü eno ayeghi lo pitipüza keu pheve no alikhi aghasükulu, amikucho, eno Alhou sükümsa küxü xülopi qophe ani,

Titus 2:2

Mucho layemi ye tsaqütsalei, gihuküzüpu, alikhi aghasükulu shimasae, aküpülü, kikimiye, eno kutuukulu lo mtsümishei masae.

Titus 2:4

eno topu lhotheqo pelo pano kimi eno atianuli kimiye penike qophe masae,

Titus 2:6

Tipaphi lono apumiqo vilo alikhi aghasü lopi hakitelo.

James 4:6

Ikemu Pa no küpükini alau tsü kehu Kuchoyesü no ishi pie, “Alhou no aqheküzami lakhave cheni ikemu aqhokighemi lau küpükini tsü cheni.”

1 Peter 1:13

Tighenguno, nongu kükümsü kutokughoi eno tsükhüi shino Jisü Khristo pephe piye kelo küpükini tsüniye akeu shou nonguw lajupu qhoi belo.

1 Peter 4:11

khuu no asheshu cheni keno Alhou Tsape pesü asheshulo; khuu no huthu cheni keno Alhou no tsü chekeu kumto pesü huthulo, tishianguno thokha lo Jisü Khristo vecheo Alhou jekipipu shilu penie. Alholo eno pülhapuju ajuküvü ngo aküka ye Paw ke, Amen.

1 Peter 4:7

Thokha kümtsü shekuho ye kupunuvae; tigheno akighini shikulupu shi alikhi aghasü eno tsükhüi lulo.

1 Peter 5:5

Tihutoi, nongu khunono alhothe keno kichimi qhoqhülo. Kümtsü no lakhino lakhi huthuni ke aqhokighe nanu pepulo, kughengu “Alhou ye aqheküzami mjochile cheni, ikemu aqhokighemi lau küpükini tsü chenie.”

1 Peter 5:8

Tsükhüi lo; jukuto lo. Nongu ghümi tüghami ye abongshuu no igha chekeshi khukhumu tsüqhi luveni ke phucheni.

3 John 1:9

Ni ye akukuhou lau kiuala yepuwu, ikemu Diotrephes, khuu no pa ampi pesü atüghüu shinishi cheni keno, pa no Alhouw kükagha ni u lo akeu kihitsü chemoe.