Rommi 12:11 - Sumi Naga CL (Re-edited) Bible (BSI)

¹¹ Akipichi shi kevino aghüthi püxülo, anguagha xüthilei shino Ampeu qelo.

BAIBEL (BSI)

¹¹ Azukinilo ghuthi suve mono, angu-agha thibuyimono Ampeu qe alo.

Sümi Tiqhelimi Bible

¹¹ Azükini shini keu lo khilemu kughuchove kevilo, ikemu aghungu lono minemighei ghi Ampeu qe lo.

Rommi 12:11 Iomraidhean Croise

IPEKULU 5:17

Ikemu pa no pi, “Nongu ye akipichi, nongu ye akipichi ke; tighenguno nongu no pi, ‘Ni pelo wuno Ampeu lau aghakishi tsülu pelo.’

AHOLE 10:26

Akipichimi sawo akümla shipe keu ye akiqhi zü yepusü ahumqü keshi eno amchhi no anhethi phoqhi akeshie.

AHOLE 13:4

Akipichimi no minemighei anamu kiumu ithumla no akelo azükinimi ye kupukuno shi ithulu cheni.

AHOLE 18:9

Khunono pa kümlapu lo pichi cheni keno, pa ye shiküpsau thiküzüu ke.

AHOLE 22:29

Kütshakügha kümlami ithi anima? Pa ye timi no ithimo kemi zülo kumono kükami zülou puthugho nani.

AHOLE 31:15

Tsütho mphi lono li no akibolomi ghenguno ithu achuqupu kuto eno li qelimi kümlapu kughutsü cheni.

YETSAPIU 9:10

Kiu kiu kümla lomu o kumto süno mlalo, kughengu nono wuche keu kithimi yeghi loye akümla, akükümsü, akighithi, alokütsü, kiumu kühae.

ISAIAH 56:10

Pa ghukhemi ye anhethi ichevae; panongu kümtsü akighithi kühavae; panongu kümtsü atsü ighamo keu toike; panongu ye atsü toi ihozü no asamo pumo keu no apulou kethono kütami ghemlavae.

MATTHEW 24:12

Ayezah kiphikumo no ihulove kehu timi kutomo no kikimiye mkomghaive nani.

MATTHEW 25:26

Tile pa mpeu no pa vilo pi, ‘No kixikila eno akipichi qeu! No ye I no shosümo namu ghilehu cheku eno apiti vesümo namu xolu chekeu ithi ani ya?

Apostolmi 18:25

Pa ye Ampeu laghi lo akivishi shika puthuve kemi. John baptizkishi likhi ithi keghi aghungu lono azükini shi akehu, pa ye Jisü ghili mtsümishei pesü pikülha eno shika ae.

Apostolmi 20:19

shishe aqhokighe eno anhezü kipiji shino Ampeu huthu, eno Jewmi no kuchughu keu vecheo ighono I pishipuju püani.

1 Kor. 7:22

Kughengu khuu aqüaxemi shiake lono Ampeu lau kulu keno, pa ye Ampeu no kuqhopheve kemiae. Titoi khuu no kuqhophe keu lo ake lono kulu keno pa ye Khristo qüaxemi shivae.

Ephesiami 4:28

Hinguno hilau ye küpkami no aküpka qhivelo, tishi nike züqhu ichheime mu aphiau pesü amikucho lono mla chulo, tishikeu lono khuana avesa akeu lau küsajelu nani.

Kolosiami 4:1

Ampemiqo, achipiu eno aghibiu lono nongu qemi peitha lo, nongu ghi kungugha lo Ampeu anie pi ithilo.

1 Tim. 5:13

Tinguno alau panongu ye akipichimi shive no aki atsütsü iqhoiqi anikeu shikalu cheni, eno akipichi likhi kumono, adou lono mighimghai kütami xishi-jekuuve cheni.

IBRIMI 12:28

Tighenguno ningu süküghütha mlakeu yekipe ithulu ke ghenguno shikimthi ani nolo, tishikeu lono msaighü qhiyi Alhou lau ikhikulupu kümlla shini nolo,

James 5:16

Tighenguno lakhi no lakhi lau nongu xine piphelo eno lakhi no lakhi ghenguno inikhu lo, tishianguno nongu ye viluve nani. Amikuchomi kighini ye aküka kije ani kughengu tino mlaitha achenie.

1 Peter 1:22

Nongu no kuchou lau aghokulu shikeu vecheo aküsami dolo kimiyekile nike nongu ampi shikimtheve akehu, amlo tsüghükhüi shino kuchou no lakhino lakhi kimiye kilelo,

1 Peter 4:8

Kümtsü nguno alau, kikimiye no axine kutomo nhavetsü cheni kehu aghüiloqhiyi lakhino lakhi kimiye kilelo.

Piyeküsü 2:4

Ikemu Ni ye o shou xube kepu hi ani, no ye o kikimiye atüghüu hu phevae.