Rommi 12:1 - Sumi Naga CL (Re-edited) Bible (BSI)

¹ Tighenguno athiküzümiqo, Alhouw kimiyekini vecheo I no nongu hakite ani, nongu phimpi pesü aküxüpu kümllagho shi Alhou lau akimthe eno ikhikulupu shi tsülo, hi no nonguw aghungulo kümlla kuchou ke.

BAIBEL (BSI)

¹ Ikehu ithikuzumiqo, Alhou wu qhuivulayi keu kutomo ningu lau akeu vechewono ino nongu vilo hi qhuiniju ani: Nongu phi-mpi pesu Alhou lau akuxuno mllakeugho shi-ghi qhitsulo, pa kumlapulo akimtheshi peitha penike eno pano ikhilu kuzupushi tsulo. Hino kuchou shi nonguno mlla kepue.

Sümi Tiqhelimi Bible

¹ Tighenguno athiküzümi eno achelimiqo, Alhou’w kimiyekini vechewo I no nongu qhüiniju ani: nongu phimpi pesü aküxü no mülá keu kümlagho shi akimthe eno Alhou pulou lono ikhiphe pe tsülo. Alhou mülá nikeu lo hino kuchou eno achipiu ke.

Rommi 12:1 Iomraidhean Croise

LESHELE 116:12

Pa no I la shitsü keu kümtsü ghenguno ni ye kiu pesü Pa tsüni kea?

LESHELE 19:14

I kichi lono piqhikeu tsa eno I mlo lo kümsükutho keu O zülo ikhikulupu shipelo, O Ampeu, I tuqu eno I xachilekuluu.

ISAIAH 56:7

tipaqo ye I no I kimthe toghi lo saighi nani, eno I kighini ki lono alokivi nongu tsü nani eno nongu no akümlla-khache lo, akipti kümllagho ngo aghakishi kümllagho tsükeu ikhilutsü nani; Kughengu I ki ye ashiaye kümtsü ghenguno akighini ki ipi ku nani.”

JEREMIYA 6:20

Sheba lono müsüghüta, momu ayeghi putou no axo kivi ighi keu ye I ghenguno kiu avehupu ani kea? O kipti kümllagho ye ikhikümlapu, momu o ghakishi ye I lopu shimlae.

HOSIYA 14:2

Atsa pesü Ampeu lau idewo eno Pa vilo pilo, “Axine kümtsü ikhive tsülo; kiu no alo keno ikhilu tsülo, eno ni kichi lono tushoqhi ketoi nino amshitsü pesü tsüni.

AKIKIHI 7:21

akipti kümllagho ghenguno amshitsü, ambetsü, ampe lakhi mbetsü, lakhikhi;

Luke 7:47

Tighenguno I no o vilo piani, li xine kutomo huye li no kupukuno shi kimiyelu kehu qhive tsüae. Ikemu khuno lau aghulo likhi qhitsüni keno, pano ye aghulo likhi kimiye cheni.”

Rommi 12:2

Hipa yeghi xüghola sasü kimshive kevi, ikemu nongu kükümsü püxü kithelu keu vecheo aküxü pekili lulo, tishianguno nongu no chhejuke lono kiu no Alhou lopu, kiu no akivi, ikhikulupu eno kupukülai keno kimchilu nani.

Rommi 15:16

Alhou tsakiviu kümlapu lo achinemi lakhi shi Jewkumomi lau Khristo Jisü tsapeu shi peniye ke, tishianguno panongu ghi Aghungu Kimthe vecheo shikimtheve no akümllagho toi ikhikulupu shi peniye ke.

Rommi 15:30

Athiküzümiqo, ni Mpeu Jisü Khristo eno Aghungu kikimiye vecheo I no hakite ani: I no aghimeküsa shi akelo nongu kighini lono I züqhushi Alhou lau khu tsülo;

Rommi 2:4

Ikeo no ye Paw ivüilai keu, kutuukulu eno kheakulu kupukuno shi akeu huye xaidekulu lalo o sawu nike ghengunoe pi mthano küthathai ani kea?

Rommi 6:13

Nongu phiau pesü axine lo tsüve ghi amikuchokumo ghenguno peitha kevilo, ikemu akithi lono aküxü lo süghive kemi toi Alhou lau nongu küxü ikhiphe tsülo, eno nongu phiau pesü amikucho ghenguno peitha penike tsülo.

Rommi 6:16

Tsala nongu no aghokulu qüaxemi lakhi toi khuana lau nongu mpi ikhiphe tsü aye, nongu ye pa qeu shivae pi mtha keshea? Nongu no khuu gholu ani keno ti ye axine lo sawuve chekeu akithi keo, achipikalu keu lo sawu chekeu aghokulu keno, hiküma dolo lakhi shi aghi nani.

Rommi 6:19

Nonguw vethakulu no mikhelo kehu ni ye tipau gholau no pi anike. Ghuthu lakhi lo nongu no niqhinilai keu eno Ayezah kiphikumo küdau nongu phiau pesü aqüaxemi shi tsükelo tiuno alau Ayezah kiphikumo lo sailove cheke toi, itehi ye nongu phiau shikimthe pe akimthepu lo peithalu kepushi Alhou chipiu qüaxemi shi ikhiphe tsülo.

Rommi 9:23

Pa no hitoi shikeu ye Pa juküvü kinikülüshi akeu pesü khunoqo Pa no azünatha ghi ajuküvü küsajeni ke kuto püani keno, ti kimiyekini liqo, pelo ithi peniye ke,

1 Kor. 1:10

Athiküzümiqo, ni Mpeu Jisü Khristo je lono I no nongu qhüiniju anike nongu kümtsü no pulo küqhalulo, nongu gholo kijethakile kevi, ikemu akükümsü lo eno küghakütha lo küqhakulu shilo.

2 Kor. 10:1

Ni, Paul ampi no Khristo kümtsha küghüvü pesü nongu qhüiniju ani—kughou nongu sasü kinheqhe kusholuni keno ni ye ivünhei ikemu nongu launo putosüve aye mghachhoi!—

2 Kor. 4:1

Tighenguno, Alhouw küpükini vecheo akümlapu saje hipau ningu tsü kehu, ningu ye amlo hauve chemoe.

2 Kor. 4:16

Tighenguno ningu ye amlo hauve chemoe. Ni phiashi ye tsüma aya kemu ni lolo ye tsalakipetsü akithe shivetsü ani.

2 Kor. 5:20

Ikehu ningu ye Khristo ghenguno lashikami, Alhou no ningu vecheo ghutu ake kumlhoke. Ningu no Khristo züqhushi nongu hakite anike Alhou sasü alupekili luvelo.

2 Kor. 6:1

Pa gholo mlaküqha kemi shi nino nongu qhüiniju anike adou lono Alhouw küpükini ithulu kemi shi kevilo.

Ephesiami 4:1

Ikehu ni, Ampeu ghenguno akughumi, huno nongu ghutu ani, khipa lalo cheche penike Alhou no nongu kuluve akeno nongu ye aküzüpu shi chechelo,

Ephesiami 5:10

Kiu no Ampeu lopu shilu cheni keno pükapütsa no vethalulo.

ZAKINIU 14:2

Kughengu nongu ye Ampeu Alhou lau akimthemi, Pa no ayeghi lo ashiaye kümtsü gholono Paw timi shipenike nongu kishelue.

FILIPIAMI 1:20

kughengu I mlo alouno laju achekeu ghi ni ye kiu lonomu kujovemo nani, ikemu thosülo toi itehimu akumto shino xüna thinamu, Khristo pesü I phimpi lono agigihupu shitsü niye ke.

FILIPIAMI 2:17

Tsala I küxü ji huno atsaizü kümllagho toi nongu küpülü ghakishi kümllagho shou lepuku kepu shive namu, ni ye amloqi nani eno nongu gholo alovi küqha nani.

FILIPIAMI 4:18

Nongu no I tsüpuwu keu eno tinguno alau ghi ithuluvae. Nongu no Epaphroditus launo agho tsüpuwu keu ithulu ke ni ye lukümkha shivae, ti ye axokütsüngü kümllagho, Alhou lau ikhikulupu eno Pa pulou ghakishi ke.

1 Thes. 4:1

Ashekha shi athiküzümiqo, Ampeu Jisü je lono nino nongu qhüiniju eno hakite ani, nongu no ni launo kishi Alhou lopu shi xükepu keno ithuluve ketoi, ti ye nongu no itehi xüake toi, itaghi tinguno alau shi xülo.

1 Thes. 4:10

eno kuchou loye Macedonia qha kümtsü lo nongu no timi kümtsü lau tishi cheni. Ikemu athiküzümiqo, nongu pelo hipau alau shi apenike nino nongu hakite ani,

1 Thes. 5:12

Nino nongu qhüiniju ani, athiküzümiqo, khunono nongu gholo ime mlaitha, eno Ampeu je lono nongu kütsüshika cheni keno panongu gihulo,

1 Tim. 2:3

Hi no aloe eno ni xakuluu Alhou pulou ke,

1 Tim. 5:4

Ikemu chimemi lakhino atianuli momu atilimi aghi aye, tipaqo pelo pano kibolomi lau paghi akümla kivi mla kepu ithi pelo, eno pano puaza lau akümla kivi mla chilelu pelo, kughengu hi no Alhou pulou ke.

Philemon 1:10

I no I nu Onesimus, khuu I no akughushi akelono papu shilu keno, pa ghenguno o qhüiniju ani.

Philemon 1:9

tishimu kikimiye ghenguno, ni ye o qhüinijuni keu shivae—ni Paul, layemi lakhi eno itehi Khristo Jisü ghenguno akughumi shi akeu—

IBRIMI 13:22

Athiküzümiqo, Iw shikumtotsa initsü lopi I no nongu hakite ani, kughengu ni ye ikhonhei shi nongu lau yepuwu anike.

1 Peter 2:20

Kughengu nongu no küqüve ke ghenguno nongu heqhi kelo puqhelu akeu ye kiu akivi ani kea? Ikemu achipiu shike ghenguno ghime kelo nongu no puqhelu aye, ti ye Alhou nhethe lo akümghapue.

1 Peter 2:5

aküxüpu tuquqo toi nongu ampi pesü aghungulo chineki shiqhetsü, akimthe chine kümlapu shilupe, eno Jisü Khristo vecheo aghungulo ghakishi pesü Alhou lau ikhikulupu shi mllalu peke.