Rommi 11:22 - Sumi Naga CL (Re-edited) Bible (BSI)

²² Tighenguno tsükhüi shino Alhouw kimiyekini eno Pa yiküsa ithilo: axine lo ikiqive kemi lau ye ayiküsa, ikemu nongu no Paw kimiyekini qholo ake tivilo Pa ye nongu lau kimiyeqhiyi anani. Tikumo aye, nongu ghi micheve nani.

BAIBEL (BSI)

²² Alhou ye kishi kimiyekini eno mughachhoi keno hileno ithi: iluqivekemiqo lau paye mughachhoi, ikemu nongu lau kimiyekeu ae, tsala nonguno pawu kimiyekinilo cheche aye ta, ikemu tikumoaye nongu ghi micheve nani.

Sümi Tiqhelimi Bible

²² Tighenguno Alhou ye kiutoi küpüqhiyi eno ayiküsa keno kümsülulo: pa ye veqhive kemi lau ayiküsa shi cheni, ikemu nongu no paw küpüqhiyi keu lo cheche aye nongu lau küpüqhiyi keu anani. Tishimo aye, nongu ghí miché peve nani.

Rommi 11:22 Iomraidhean Croise

LESHELE 31:19

O, O sümsa chekemi ghenguno khikhi akivi Nono pekütsü püani keno, O launo sükusho luche kemi ghenguno mla püakeu ye timi zülo kishi kupukuno shi ani kelae!

ISAIAH 66:14

Nongu no hipaqo ithulu nani eno nongu mlo no alovi nani; nongu phi lo aghiqo no atsüni toi thuwu nani; tileno Ampeu küka ghili Pa qemiqo no ithive nani, eno Ampeu no Pa ghümi shou Pa mlokiqi kumo puku nani.

EZEKEL 18:24

Ikemu kughou amikuchomi no pa chipiu mikucho lono tsüghüsü idewove no kuchou xakütha shimo eno kixikilami no shiche keu paphi shi aphikümqhüpu shini keno, pa ye xülu nani keshea? Pa no amikucho kümla shi keqo kiumu kümsülu tsümo nani; pa no pishikiqhi kiu shi keno tipau kipimi xapu akeu eno axine shive keu ghenguno pa ye thinani.

EZEKEL 3:20

Itaghi, amikuchomi lakhi no pa mikucho lono tsüghüsü achipi kumo shive eno I no pa zülo apukhu küpsüpu qhivetsü aye, pa ye thive nani. Kughengu nono pa kütüghü move keke pa ye pa xine ghenguno thive nani, eno pa mikucho kümla pa no mlapüa keqo ye kümsülu tsümo nani, eno pa ji ghenguno no ye kihikülai tsümo nani.

Luke 8:15

Ikemu khikhi ayeghi kivi lo ilolu keno, tipaqo ye Atsa chilu püzü panow kuchou eno akivi mlo lo tsatsai qhiluve chekemi, ikehu pano ye kheakulu shikeu lono axathi pithilu cheni.

John 15:2

I loka khijehi axathi pithi moni keno Pa no micheve cheni eno axathi pithikeu loka kümtsü alau pithi penike Pa no kixiphe cheni.

John 8:31

Ikehu Jewmi khunono Jisü pülülu keno tipaqo vilo pa no pi, “Nongu no I tsa papelu aye nongu ye kuchou no I khopemi,

Apostolmi 11:23

Kughou pa no ighi no Alhouw küpükini ithulu keno, pa mloqive eno panongu vilo itha mono Ampeu ghokulu shilopi pa no kümtsü shikumto,

Apostolmi 14:22

Hi kümtsü lo akhopemi mlo shikumto tsüno aküpülü lo cheche penike pama no pi, “Aghime kitikhi kutomo vechesü ningu ye Alhou yekipe lo ilo masae.”

Rommi 11:21

Kughengu alholo loka Jewmi thotsü Alhou no ghümove ke Pa ye nongu ghümo nani pütsae.

Rommi 2:7

khunono kheakulu shi akivi kümla shikeu lono shekiqhe, agigihu, eno thimoni keu küxü phucheni keno, Alhou no lhokta küxü pesü panongu tsü nani;

1 Kor. 15:2

Nongu no adou lono pülü püaghimo aye, I no nongu kütsü piyekeu tsa nongu no mtotoi tsüqülu keu lono nongu xalu nani.

Galatiami 6:9

Ningu akivi mlani keu lo aghüthisüve moni nolo, kughengu ningu no azüzü mono mla aye ado achipi lono xolu nani.

1 Thes. 3:5

Hi ghenguno kughou I no kutuu mlave keno, ni ye ghukujuu no nongu ghuju sawuve no ni kümla adou shive nosa keu kümsa lono nongu küpülü ghili ithini ye Timothy puwuke.

1 Thes. 3:8

Nongu no Ampeu lau mtotoi puthugho aghi aye ningu ye xü ani.

IBRIMI 10:23

Ningu ithamo no nino laju piphe chekeu mtotoi tsüqü peni nolo, kughengu khuu no piqhi püani keno Pa ye pükhükulupu ke.

IBRIMI 3:14

Kughengu ningu no abothu lo ni mlo kuloghi shiche ketoi ashekha kutolo mtotoi tsüqü pelu aye ningu ye kümtsü Khristo lau kulojilu kemi ake.

IBRIMI 3:6

ikemu Khristo ye Anu lakhi shi Alhou kibo shou pükhükulupu shike. Eno tsala ningu no mtotoi niw lajupu lo amlo kuloghi shi aye ningu ye Alhou kike.

1 John 2:19

Panongu ye ni gholono ipeve kemi, ikemu azüu nomu niqomi kumoe, kughengu niqomi keaye ni gholo kuloji aghini cheke. Ikemu panongu no ipeve keu lono pano ye niqomi kumo kepi mtsüqheive peniye ke.

Piyeküsü 2:5

Tighenguno no ye khileno ikiqive akeno kümsü lulo; xaidelo, eno atüghü lo nono kiu mlache keno tipau shilo. Nono xaidemo keloye, I no o lau ighi no o kulukibepu hu tipa-a lono ikhivetsü nani.