Rommi 1:8 - Sumi Naga CL (Re-edited) Bible (BSI)

⁸ Atüghüshi, nongu kümtsü ghenguno I no Jisü Khristo vecheo I Pu Alhou shikimthi ani, kughengu ayeghiqha kümtsü lo nongu küpülü ghili kügha anike.

BAIBEL (BSI)

⁸ Atughushi nongu ghenguno Jisu Khristo vechewo iLhou shikimthi ani, kughengu ayeghiqha kumtsulo nongu kupulu ghili chilu ani.

Sümi Tiqhelimi Bible

⁸ Atüghishi I no nongu kümtsü ghenguno Jisü Khristo vechewo I Lhou shikimthi ani, kughengu ayeghiqha kuchopu lo nongu küpülü ghili kügha ani.

Rommi 1:8 Iomraidhean Croise

MATTHEW 24:14

Eno kungugha yekipe tsakiviu hipau pesü ayeghiqha kümtsü lo sheshu nani, tino shiye kümtsü lau thopi shi nani, tishino ashekha tsala ighi nani.

Luke 2:1

Tipa ghuloki lo Caesar Augustus launo ayeghiqha kümtsü lo timiqo pelo aje yesülu penike xaküthaza kiye puwu.

Apostolmi 11:28

Panongu gholo Agabus ipikeu no puthugho no ayeghiqha kümtsü lo püqümiye kije chenie pi Aghungu vecheo pichho tsü (hi ye Claudius ghuloki lono shikupuve).

Apostolmi 28:22

Ikemu ningu ye o kükümsü kiu keno o launo chiluni shi ani, kughengu aqha kümtsü lo hipa mqo pipüsa akeu nino ithi anie.”

Rommi 10:18

Ikemu I no hi ighiju ani, panongu ye chilu mphi kea? Itsa, chiluva thono, kughengu “Panongu sütsa ye ayeghiqha kümtsü lo külhavae, pano tsa ye ayeghi shekha tovae.”

Rommi 16:19

Nongu no aghokulu shiche keu ye kümtsü kighithi kehu ni ghi nongu shou amloqi cheni, ikemu ni ye nongu pelo kiu no akivi keno tipau lo alotsü kithelu eno alhoksa loye kiumu mthamithe keu shive penishie.

Rommi 6:17

Ikemu Alhou shikimthi akeu ye nongu khunoqo ghuthu lakhi lo axine qüaxemi shi ache keno, itehi ye nonguu no amlo lono ipeghi püzü agholuqhiyi akükütsü tsa nongu lau apasü shi shikave keu ikhiluvae,

1 Kor. 1:4

Jisü Khristo vecheo Alhouw küpükini nongu tsükeu ghenguno, ni ye alhokuthu Alhou shikimthi acheni,

2 Kor. 2:14

Ikemu Alhou shikimthi, Pa no Khristo gholono alhokuthu ningu sasü aghü tolu no shekujo woche keshi cheni eno ningu vecheo Khristo kighithi xokütsüngü aqha kümtsü lo veküpha cheni.

Ephesiami 1:15

Nongu küpülü Ampeu Jisü lau akeu eno nonguw kikimiye küpülümi kümtsü lau akeu I no chiluve akehu hipau kimji ghenguno,

Ephesiami 1:16

ni ye I kighini kümtsü lo nongu ghenguno shikimthi tsünikeu tave mono kümsülu acheni.

Ephesiami 3:21

tiqheli kümtsü lo ashekha-aghile küha akukuhou vecheo eno Khristo Jisü gholono Pa lau ajekipi apelo! Amen.

Ephesiami 5:20

Alhokuthu lo thokha kümtsü ghenguno ni Mpeu Jisü Khristo je lono Apu Alhou lau shikimthi tsülo,

FILIPIAMI 1:11

Jisü Khristo launo ighikeu mikucho xathi huno nongu shepichhi pe Alhou juküvü eno shekiqhe shilu penie.

FILIPIAMI 1:3

I no nongu kümsülu ke kümtsü lo I Lhou shikimthi acheni,

Kolosiami 1:3

Kughou nongu ghenguno inikhuni keno, ningu ye alhokuthu ni Mpeu Jisü Khristo Papu Alhou shikimthi acheni,

1 Thes. 1:2

Nongu kümtsü ghenguno nino alhokuthu Alhou shikimthi, ningu kighini lo tamono nongu jeku acheni,

1 Thes. 2:13

Hi ghengu ghi nino tamono Alhou shikimthi ani, ike kughou nongu no ni launo Alhou tsa ikhilu keno ti ye timi tsa kumoe ikemu nongu küpülümi lolo mla akeu Alhou tsa kuchou kepi nongu no ikhilue.

2 Thes. 1:3

Athiküzümiqo, ningu ye alhokuthu nongu ghenguno Alhou shikimthi tsü akepu, ti ye achipi ke, kughengu nongu küpülü ye alau thuiku ani, eno lakhino lakhi lau kikimiye akeu ikowolu ani.

2 Tim. 1:3

I no putho-pucho lo akighini shike kümtsü, I mlo mtsümishei shino, ni eno I puasüqo no qe chekeu Alhou shikimthi ghi o kümsülu acheni.

Philemon 1:4

I no akighini shikelo alhokuthu o kümsülu eno I Lhou shikimthi acheni,

IBRIMI 13:15

Jisü vecheo ningu tamono Alhou lau shekiqhe ghakishi tsüni nolo, ti ye akichi lono pa je piphe tsüni keue.

1 Peter 2:5

aküxüpu tuquqo toi nongu ampi pesü aghungulo chineki shiqhetsü, akimthe chine kümlapu shilupe, eno Jisü Khristo vecheo aghungulo ghakishi pesü Alhou lau ikhikulupu shi mllalu peke.

1 Peter 4:11

khuu no asheshu cheni keno Alhou Tsape pesü asheshulo; khuu no huthu cheni keno Alhou no tsü chekeu kumto pesü huthulo, tishianguno thokha lo Jisü Khristo vecheo Alhou jekipipu shilu penie. Alholo eno pülhapuju ajuküvü ngo aküka ye Paw ke, Amen.