Rommi 1:30 - Sumi Naga CL (Re-edited) Bible (BSI)

³⁰ alatsa kipimi, Alhou kimthimi, timi thaigha kichemi, aqheküza akülakimi, alhoksa kiyiqimi ke, apuaza gholumo kemi,

BAIBEL (BSI)

³⁰ eno timi thaighakemi. Panonguye Alhou kimthimi, eno timi phimokemi, aqhekuza akulakimi, kusakugha iqikiphemi, apu aza ghokulukumomi,

Sümi Tiqhelimi Bible

³⁰ pipütha chekemi, Alhou kimthimi, ayiküsami, akuchhoma eno aqheküzami; panongu ye küsakügha shi chekeu laghi iqikiphemi; panongu ye panongu pù-aza hebide cheni;

Rommi 1:30 Iomraidhean Croise

KUKAMI ATUGHIU 20:11

Akükau Ahab no khochile, “Pa vilo pilo, ‘Aghü shiniye ananu pepu akemi ye aghü toluve no ananu xaqhi akemi toi qheza kevilo.’”

YEKIKITHI AKINIU 19:2

Ikemu Hanani nu tungkupu Jehu no akükau sasü kushoni ye ighi no pi, “No ye kixikilami kuphu eno Ampeu mithi chekemi kimiye masave keshea? Hi ghenguno Ampeu loghu o shou ighivae.

YEKIKITHI AKINIU 25:19

Nono piani, ‘Julo, I no Edom theqhivae,’ eno tino aqheküza shi o süqhe ani. Ikemu itehi ye aki lo ngove lo. Kushiye aküküpna xukutho no Judah ghi o gholono ikiqive apeni kea?”

LESHELE 10:3

Kixikilami no pa mlo lo kümsü akeu pesü qheza cheni, eno alakimnemi no Ampeu ghusho eno milive cheni.

LESHELE 106:39

Ikehu panongu ye pano kümlaqo vecheo mithe move, eno pano kümlaqo sasü kütüqhauve ke.

LESHELE 49:6

kushiye aküakini shou pükhü eno pofushi akeu shou qheza chekemi msani keshea?

LESHELE 5:5

Aqheküzami ye O nhethe lo puthugho mlae; küsaküghami kümtsü Nono mithie.

LESHELE 52:1

O akumtou, kushiye alhoksa lono qheza cheni kea? Alhouw iqemokeu kikimiye ye atsala kupuju acheni.

LESHELE 81:15

Ampeu mithi chekemi no Pa zülo ipu-itsaqi nani, eno panongu ye alhokuthu aghimeshi nani.

LESHELE 94:4

Panongu no pano qheküza tsa piqhi; kixikilami kümtsü no qhezae.

LESHELE 97:7

Khunono panow ameküküha julhoqo pükhüpe qheza acheni keno ajulho mlla chekemi kümtsü akukujo lo süve nani; nongu alhouqo kümtsü no Ampeu mllalo!

LESHELE 99:8

O Ampeu ni Lhou, Nono panoqo khochile ke; No ye panoqo lau axine qhikütsü Lhou ke, ikemu panoqo no akumou mlakeu shou amkhükuluu ke.

AHOLE 24:8

Alhoksa shiniye kuchughu kemi pesü küsaküghau ipi kucheni.

AHOLE 25:23

Ahuu mülhü no tsütsüghu süghi cheke toi xikishi mili no amlo kighide süghi cheni.

AHOLE 30:17

Apu jukünatha eno aza thaigha chekeu nhethi ye akhila lo aghaqo no mighijo pewuve tsünani eno küzüva lhuquqo no chuve nani.

AHOLE 8:36

ikemu khuu no I phumoni keno pa likhi pa ghüzavae; I mithi chekemi kümtsü akithi kimiye cheni.”

YETSAPIU 7:29

Julo, I no hi likhi phulue: Alhou ye amikucho timi lhophe, ikemu panongu no küptshü küpünaive ke.

EZEKEL 14:5

tishianguno Israelmi no pano julhoqo vecheo pano mlo I launo tsüghüsü wuve keu I no luchile luniye ke.

EZEKEL 22:7

Apu ngo aza noqo ye nongu no küthaküghapu shi peitha ani; kichiqhi süxachu keu lono kupokichemi no ime ani; eno nongu gholo mighimi ngo chimemi peitha püsa ani.

AKIKIHI 10:35

Puloshoqhi Bohu pesü wuni kelo Moses no piche. “Ithulo, O Ampeu, O ghümi hapupove tsülo, eno O mithi chekemi pelo O zülono pove pelo.”

MATTHEW 15:4

Kughengu Alhou no azah tsüke, ‘O pu ngo o za gihulo,’ eno ‘Khukhumu apuaza ghusho keu ye mtsüqheino thive masae.’

MATTHEW 16:21

Tipa ghuloki lono Jisü ye pa khopemi vilo tucheche pa ye Jerusalem lo wuno kichimi eno achinetomi ngo Ayezah shikükami u lono ime masa keu, eno pithive no aküthüni no xüthughini keu vehu pithuve.

Luke 21:16

Nongu puaza, athiküzü cheli, abolomi, eno aküsamiu ghi nongu küghape kütami u lo süvetsü nani, eno nongu gholo khami ye panoqo no pithive nani.

John 7:7

Ayeghilomi ye nongu mithi mlae, ikemu I mithi ani kughengu I no pano kümla lhoksa ghili pitsüke.

Apostolmi 5:36

Kughengu hipa züu Theudas no pa ampi pesü kije shi ipeghi kelo timi 400 toike no pa gholo wuve. Pa pithive kelo pa gholo kichemi ye apanaghave no kiumu kumove.

Rommi 2:17

Ikemu no ye Jewmi; Ayezah pükhü chekemi; Alhou ithi anie pi aqheküza shi o likhi nou no pi aghi aye;

Rommi 2:23

No Ayezah pükhüpe qheza chekeu huno Ayezah hexa keu lono Alhou gihu move cheni.

Rommi 3:27

Tishi aye, aqheküzapu ye khile ani kea? Ti ye kophevae. Kiu yezah lono? Ayezah pelu keu lono keo? Moe, aküpülü khuaye lonoe.

2 Kor. 10:15

Ningu ye aqü kiyeve ghi kütami no ichheime mla püakeu lo qheza chemoe. Ikemu nongu küpülü no thuwu keu gholono nino nongu gholo mla kepu lughi ghi shishe pekholu peni keu no niw lajupu ke,

2 Kor. 12:20

Kughengu I no ighi kelo nongu ye I no shipenishi ketoi aghi move eno ni ghi nongu no shipenishi ketoi aghi move—tishikeu lono mtomshu, anhekushu, amlo kighide, aghükha, thokügha, xikishi, aqheküza, eno kübangü keu aghive nosa keu msa ani.

ZAKINIU 27:16

“‘Khukhumu pa puaza gihumo keu ye müsüinivae.’ Eno timi kümtsü no ‘Amen,’ ipini.

ZAKINIU 7:10

ikemu Pa mithi kemi ye pano no ithulu ghi kütsakungo pesü tsüchile cheni. Pa ye Pa mithi kemi lau künacho chemo, ikemu vejoi tsüchile cheni.

2 Thes. 2:4

pa no alhou ipi chekeu momu ajulho kümlla jeli mjochile no tipaqo shoqa nani, eno pa ampi pesü Alhou kepi sheshu no Alhou chineki lo pa kungo-a shinani.

2 Tim. 3:2

Kughengu timiqo no ishi xüuve nani: alikhi ampi kimiye kemi, pisa kimnemi, aqheküza, akuchhomami, kütami thogha, apuaza hekibide, shikimthi kükühami, mithemo keu,

Titus 3:3

Kughengu ghuthu lakhi lo ningu ampi ghi mbomzü, aghelumo kemi, pishikiqhimi, eno ashiaji lo kimne jeli qemi shiche, eno timi kiphikumo, anhekushu lono kütami kimthipu eno lakhi no lakhi mithi keu lono ningu do puwovae.

James 3:5

Titoi amili ye aphimpi lo saje aghulo, ikeghi tino aqheküza tsa kije picheni. Ami kitila no kishi aghasü kije pitive cheni keno kümsü julo!

James 4:16

Ikemu le nonguu no aqheküza shiuve ke, aqheküza ye kümtsü alhoksae.

2 Peter 2:18

Kughengu mbomzüshi ighale atsa pikeu lono panongu no ashi lo ngosükümla xine pesü alhoksami launo pokaluni ke akushukulu ipeche keqo müsü sailove cheni.

Jude 1:16

Hipaqo ye nhenheshi eno aghaqimla chekemi, pano xine pulou pape chekemi; aqheküza tsa zale eno pano lapu shiniye akumou lono kütami sheqhe chekemi ke.