Rommi 1:13 - Sumi Naga CL (Re-edited) Bible (BSI)

¹³ Aküsamiqo, nongu pelo mthano apeni shimoye pi ani, ni ye ghuthu kutomo nongu lau eno Jewkumomi lau ghi ighi no nongu gholo ghile hunike kughu ighivae (ikemu ishi kutolo lakhave ke likhie).

BAIBEL (BSI)

¹³ Athikuzumiqo, nongu pelo hi ithi penishi ani; ghuthu kutomo niye nongu putsa ighiniye kughu acheni, ikemu kiunokela pulhapuju ipelo tishimlano achenipeke. Ino Judakumomi mlo pekide tsuke toi nongu gholo ghi tishilu penishi ani.

Sümi Tiqhelimi Bible

¹³ Athiküzümi eno achelimiqo, ni ye nongu pelo hi mtha no ape nishi amoe, tiye I no Jewkumomi kütamiqo gholo shikeu toi nongu gholo ghí ni ye aghungu kümlà pekholu niye ghuthu kutomo nongu lau ighi niye kughuju ke ikemu itehi kutólo I pelo tishilu pe nikeu lono lakhape püani.

Rommi 1:13 Iomraidhean Croise

ISAIAH 27:6

Ighinikeu tsala lo Jacob lagha ye akuhu qüsüve nani, Israelmi no mini ipeghi no punani eno axathi no ayeghi nhakha nani.

John 12:24

Kuchou no I no nongu vilo piani, athi no ayeghi lo ikiqi ilo no thivemo keloye tilikhi acheni; ikemu tino thive aye athi kutomo pithi cheni.

John 15:16

Nongu no I kisheluke kumoe, ikemu I no nongu kishelu eno nongu pelo wuno ighive moni keu xathi kutomo pithi peniye süsüe, tishianguno nongu no I je lono Apu vilo kiu kiumu khu aye Pa no nongu tsünani.

John 4:36

Ghile kuhuu ye ajume ithulu ayae eno lhokta küxü ghenguno athi pekütsü ani, tishianguno apiti kiveu ngo ghile kuhuu pamagha alovi küqha niye ke.

Apostolmi 1:15

Tipa ghuloki lo athiküzümi dolo Peter no puthugho (panongu kihiju kelo 120 qhalo ae) eno pi,

Apostolmi 14:27

Pama no ighi no akukuhou kukumqo püzü Alhou no pama peitha keu pesü sheshu, eno Jewkumomi lau kishi Alhou no aküpülü hukikha khaqhi tsü keno lhepiye.

Apostolmi 15:12

Tile kumqo akemi kümtsü no iqünheive, eno Alhou no Barnabas ngo Paul vecheo Jewkumomi gholo amchipu ngo akümzapu shikeu pama no pi akelo tsaqüi ini.

Apostolmi 19:21

Hipa thiu Aghungu no hakite keu lono Paul no Macedonia ngo Achaia vechesü Jerusalem lo wunikeu vehu kughu ghi pi, “I no tilau wuve kethiu ni ye Rome ghi xuju masae.”

Apostolmi 21:19

Panongu sasü petha shive kethiu, pa no Alhou no pa vecheo kishi Jewkumomi gholo mlatsü keno apasü shi lakhikhi no lhepiye.

Apostolmi 28:14

Tile ningu no küpülümi kusholu eno panongu no kusü kehu atsala tsüni panoqo gholo ngove. Tishino ningu no Rome tolu.

Rommi 1:12

tishino ningu ye lakhi no lakhi küpülü vecheo shikumto kileluni kehue.

Rommi 11:25

Athiküzümiqo, mthamini nongu lotsüu papeve nosa kehu ni ye nongu pelo küsü püakeu tuqhou hipau ithi mono apenishi amoe: itehi Israelmi mlo shikümka püakeu ye Jewkumomi kümtsü no ighi kuloqu lumoke dolo ghengu likhino ke.

Rommi 7:1

Athiküzümiqo—khunoqo no ayezah ithi ani keno ni ye tipaqo pütsa ani—ayezah no milakhi tsügha luni keu ye pa no xüake tivilo ghengu likhino kepi nongu ye mtha kea?

1 Kor. 1:10

Athiküzümiqo, ni Mpeu Jisü Khristo je lono I no nongu qhüiniju anike nongu kümtsü no pulo küqhalulo, nongu gholo kijethakile kevi, ikemu akükümsü lo eno küghakütha lo küqhakulu shilo.

1 Kor. 10:1

Athiküzümiqo, ni ye nongu pelo ithi penishi ani, ni puasüqo kümtsü no khüngküsü qholono cheche eno kümtsü no azüghi kathasü wue,

1 Kor. 12:1

Athiküzümiqo, aghungulo gho tsalo ni ye nongu pelo mthano apenishi amoe.

1 Kor. 14:20

Athiküzümiqo, nongu kükümsü lo itimi toi kevilo. Alhoksa loye itimi toilo ikemu akükümsü loye tekhoi lo.

1 Kor. 14:26

Athiküzümiqo, tishiaye kiu pini kea? Kughou nongu kuhoni keno, nongu khami no ale pheluvi, khami no akükütsü, piyeküsü, amili kithe, momu pekidetsü luvi. Thokha kümtsü akukuhou xaqheni keu ghenguno shimasae.

1 Kor. 9:2

I no kütami lau apostolmi kumo namu nongu lau likhimu ni ye apostolmi ke, kughengu nongu no ni ye Ampeuw apostolmi kepi keu michipu ke.

2 Kor. 1:8

Athiküzümiqo, ningu no Asia lo aghime sholu keu nongu pelo mthano apenishi amoe. Kughengu shishe puqhe kümlapushi ningu ghimeve kehu ningu ye aküxü ghi pülü move.

2 Kor. 2:14

Ikemu Alhou shikimthi, Pa no Khristo gholono alhokuthu ningu sasü aghü tolu no shekujo woche keshi cheni eno ningu vecheo Khristo kighithi xokütsüngü aqha kümtsü lo veküpha cheni.

Galatiami 3:15

Athiküzümiqo, timi küxü lono I no kimghi piyeni: timi dolo puloshoqhi thotsü mlave kethiu ye nuxave mla momu süküqha mlae.

Galatiami 6:18

Athiküzümiqo, ni Mpeu Jisü Khristow küpükini no nongu ghungu gholo apelo. Amen.

FILIPIAMI 1:22

Tsala I no ashi phimpi lono xü akepushi aye, I ghenguno ti ye athi pithilu kepu kümla shi amasa keu ke. Tishimu ni ye khikhiu kishe kepu keno pilu amoe.

FILIPIAMI 4:17

Ni ye agho laju anike kumoe; ikemu nongu no kike achekeu lo alau kighishelu penike phucheni.

Kolosiami 1:10

tishikeu lono nongu pelo qhoi Ampeu lopushi ameküapu küxü xülu: akümla kivi kümtsü lo athi pithilu eno Alhou kighithi ikowolu peni;

Kolosiami 1:6

Atsakiviu khikhi nongu lau ighive akeno, nongu no ti chilu no kuchou lono Alhouw küpükini vethalu keu tsala lono athi pithi eno ikowo aketoi ayeghiqha kümtsü lo tishi ani.

1 Thes. 2:18

kughengu ningu ye nongu lau ighini shiae—ni Paul ye anguno anguno pükapütsa—ikemu Satan no ni lakha ke.

1 Thes. 4:13

Athiküzümiqo, ningu ye nongu pelo kithimi vehu ithi mono apenishi amoe, tishianguno nongu pelo lajupu küha kemi toi amloiju pemo niye ke.

2 Thes. 2:7

Kughengu ayezah heküxau ye tuqhou no akümla shi ayae, ikemu pa hakhape akeu ikhive moke kutolo tishi ani aphi.

2 Tim. 4:17

Ikemu Ampeu no I gholo puthugho no I shikumto tsüe, tishikeu lono I vecheo atsakiviu qhoi shuphelu no Jewkumomi kümtsü pelo inilu peke. Ikehu abongshuu baxa lono I xaphelue.