Piyeküsü 9:5 - Sumi Naga CL (Re-edited) Bible (BSI)

⁵ Panongu pelo aqhi pungu ghenguno timi tipaqo kijipüsa penike, ikemu pithi pemo nike azah tsüpüae, eno panongu no kijipüsa keu ye achuwopaza no khuana qüqhi ketoie.

BAIBEL (BSI)

⁵ Panonguye timi tipaqo pithipemo nikeu shipua, ikemu aqhi pungu ghenguno timi tipaqo pishipuju ghime penikeu shiae, eno panonguno pishipuju ghimekeu kusu huye achuwo-pazano timi qukelo sukeu toike.

Sümi Tiqhelimi Bible

⁵ Tülhaquqo pelo panongu pìthíve pemoe ikemu aqhi pungu kutólo panongu ghimeqhi pe ke. Eno panongu no kushuküqha shi ime keu ye achuwa pazá lakhi no qü akeshi ke.

Piyeküsü 9:5 Iomraidhean Croise

YEKIKITHI AKINIU 10:11

Ikehu I pu no amakho kije pesü nongu shou betsü keu gholo I no süküpha tsüni. I pu no akighikipili pesü nongu sakiyi, ikemu I no achuwopaza pesü nongu ghaqhi nani.’”

YEKIKITHI AKINIU 10:14

Akükau Rehoboam no lhothemiqo no pikeu kiqi lono pi, “I pu no nongu makho kimshi tsükeu gholo I no süküpha tsüni. I pu no akighikipili pesü nongu sakiyi, ikemu I no achuwopaza pesü nongu ghaqhi nani.”

JOB 2:6

AMPEU no Satan vilo pi, “Tishiaye pa küxü likhino lutsü moni thono pa pesü o u lo süve tsüae.”

EZEKEL 2:6

Eno no, timi nu, ye asahubo ayemhi gholo aghina achuwopaza shou iqalu namu panoqo msa kevilo momu panoqo tsa ini pesü ighü kevilo. Panoqo tsa inipe msave kevilo momu panoqo ju ithulupe aghüthisüve kevilo, kughengu panongu ye hekibide laghami ke.

DANIEL 7:6

Hipa thiu I no ju keloye angshuu amikhiu toi aghau chishibo bidi pa thiu xapu aghi. Tüghashi huye akütsü bidi ae, eno ayekipe küka tipau tsüve.

John 19:11

Jisü no pa khochile, “kunguu no o tsümoke aye no ye I shou aküka kiumu kühani cheke. Tighenguno khuu no I kügha sawo o tsü keno, pa no alau küqüvae.”

Piyeküsü 11:7

Kughou pama no ashepe shikhaveni keno, akuthoku lono ipeghi keu tüghashi huno pama sasü aghüshi thuve nani eno pama theqhive no pithive nani,

Piyeküsü 13:5

Tishino aqheküza eno küthakügha tsa jeli pikulupu kichi pesü tüghashi tsüve, itaghi aqhi lhobidi kini kutolo pa küka peithalu penike azah tsüve.

Piyeküsü 13:7

Itaghi tipau pelo küpülümi shou aghü küpüghü no toluve penike azah tsüve. Ashiaye jeli, timi mqo, atsa eno shiyeqo shou aküka peithalu penike azah tsüve,

Piyeküsü 9:10

Panongu ye ashomhi eno achuwopaza toi qüche keu shu xapu, eno aqhi pungu dolo timi ghüzakulupu küka ye pano shomhi lo ae.

Piyeküsü 9:3

Tileno amchhi lono tülhaquqo taipe ayeghi lo ngove, tipaqo ghi achuwopazaqo kumto toike tsüpüae.