Piyeküsü 8:5 - Sumi Naga CL (Re-edited) Bible (BSI)

⁵ Tileno kungumi huno akiptia lono ami hipe akiptibo lo süno ayeghi shou vepuku kelo tsütsüküsü ghügha no vekipighi eno tsütsüpha kulo püzü ayeghi ilü thuve.

BAIBEL (BSI)

⁵ Tileno kungumino tsungquyikeu kiptibohu ikhilu eno agho kiptia lono ami hipesu tipaulo suno ayeghi shou vepuku. Tileno kong- kong shi tsutsu-sue, tsutsu pha kulo eno ayeghi ilue.

Sümi Tiqhelimi Bible

⁵ Tisheno kungumi no ameshoyi no mülà keu kümlá kipiti bohu ikhiluve no akümlá-khache lono ami ikhipe pesü chhitoi hisü püzü ayeghi shou vepuwuve; tile no kong-kong shi tsütsü-küsü sütsa ipeghi, tsütsüpha kulo eno ayeghi küghütha ighie.

Piyeküsü 8:5 Iomraidhean Croise

KUKAMI ATUGHIU 19:11

Ampeu no pi, “Khalau ipe no atoghi lo Ampeu zülo puthugho lo.” Tile Ampeu no hechesü wuve, ikelo Ampeu zülo ighono akumto mülhü no atoghi tipau fuphove tsüno atuqu ghi kubo pinyive tsü, ikemu Ampeu ye amülhü lo kühae. Amülhü thiu ayeghi küghütha ighi, ikemu Ampeu ye ayeghi küghütha lomu kühae.

LESHELE 18:13

Ampeu no kungugha lono tsütsüsü, Shishe Akiqheu no sheshu, mürasü ngo amibalu ipeghie.

IPEKULU 19:16

Atsala aküthüni inaqhe tilehi tsütsüküsü ngo tsütsüpha ighi eno khüngküsü kutho no naghuto lo ikughive eno afuko ghügha ighono kije küigha, ikehu aghazü lo timi akeqo kümtsü no khokho shive.

ISAIAH 29:6

tsütsüküsü, ayeghi küghütha, aghügha kuloghi, pasapagha ngo miyitsü, eno piti-maha chekeu miküqü lono aqokitikhi MPEU no nongu xuju ighi nani.

ISAIAH 30:30

Ampeu no timiqo pelo Pa sütsa kümgha chilupe nani, eno Pa xukighide lono amiküqü, tsütsüpha tsütsüghu, pasapagha eno mürasü piqi keu ithulupe nani.

ISAIAH 66:6

“Mishighüna lo mqhu akeu sütsa! Achineki lono aghügha igha ani! Ti ye Ampeu no Pa ghümi lochile akeu ghügha ke!

JEREMIYA 51:11

“Apijiqo chighilo! Azütoqo ikhilulo! Ampeu no Medes kükamiqo kükümsü xukuthove tsüae, kughengu Pa kimji ye Babylon kütsaveni keue, ti ye Pa chineki ghenguno amkhükulu ke.

ACHINE 16:12

Pa no ata kiptibo lo amibalu chhitoi süni eno tsüngqüi keu ta au kiye kini pesü nhaqhiphi thiu süghini,

ZEKHARIA 14:5

Eno nongu no Iw naghuto khila lo pove nani, kughengu tipa khila ye Azal kutolo wu anike. Eno nongu no Judah kükau Uzziah ghuloki lo ayeghi küghütha lono pove ketoi itaghi ponani. Tileno Ampeu I Lhou, eno Pa gholo akimthemi no ighi nani.

MATTHEW 24:7

Kughengu shiye lakhi no lakhi sasü aghüshi nani, kükaqha lakhino lakhi le nani, püqümiye ngo ayeghi küghütha no a-a kütüta lo ipeghi nani.

Luke 12:49

“Ni ye ayeghi lo ami süniye ighi, eno ti ye iqü aghive penishi ani!

Apostolmi 16:26

züleno ayeghi küghütha kije ighi no akughuki tsükucho kümtsü süküghütha. Eno paikhavi ahukikha kümtsü khaqhive, akughumi yikichhe kümtsü ikove.

Apostolmi 4:31

Panongu no inikhuve kethiu, panongu no kuho akeu-a süküthü, eno Aghungu Kimthe no panongu kümtsü shepichhive no amlo kumto lono Alhou tsa pikibe ae.

Piyeküsü 11:13

Tipa tüqhüdo lono shishe ayeghi ilüuve, eno aphughi kikije chighi lo lakhi ye kütsave. Ayeghi küghütha lono timi 7,000 thive, eno achili aghi keqo ye thüghüive no kungugha Lhou lau ajekipi juküvü tsüe.

Piyeküsü 11:19

Tileno kungugha lo Alhou chineki khaqhi eno tilehi Paw Puloshoqhi bohu akeu ithulu. Ikelo tsütsüküsü küvü no phaphashi, vekipighi igha, ayeghi no ilüuve no mürasü kuloghi ghuqhi thuve.

Piyeküsü 4:5

Kükalakhü lono tsütsüpha küvü ipeghi, tsütsüküsü ghügha no vekipighi igha, eno kükalakhü tipau zülo akulu tsüni, khikhi Alhou Ghungu tsüni keno tipaqo lono ami iqüae,

Piyeküsü 6:12

Kughou Ambeti no michida akütsüghou xükho keno, ayeghi küghütha kije ighikeu I no ithulu, khetsünhe no kumshophi tsübui keu toi zümoive, aqhi huno aji toi huchuyive,

Piyeküsü 8:3

Kungumi kütau lakhi no ameshoyi kiptibo peighi no akiptia lo puthughove, pa pelo kükalakhü zülo ameshoyi kiptia lono küpülümi kümtsü kighini süküqha no mlla penike müsüghüta kutomo pesü pa tsüpüa,