Piyeküsü 8:13 - Sumi Naga CL (Re-edited) Bible (BSI)

¹³ Tishino I no jukelo kunguu atsütsü lo alhuqu lakhi yecheghi no vekipighi igha keu chilu, “Kughou kungumi küthü huno afuko kütau kutope akeu küighani keno, ayeghi lo xüküami ye ahasapue, ahasapue, ahasapue!”

BAIBEL (BSI)

¹³ Tileno ino jukeloye, aluqu lakhi, kunguu amlhulo yechekeu huno asutsa vekipighi ishi pikeu ino chilu, “Kughono itaghi kungumi mikuthuno afuko kuyighakeu sutsa ighinikeno, ayeghilo akemiqo ghenguno akuighupue, akuighupue, akuighupue!”

Sümi Tiqhelimi Bible

¹³ I no ju akelo, aluqu lakhi no kunguu amlhü lo yewu ghi asütsa kuloghi lakhi lono ishi igha keu I no chilu: “Ayeghi lo akemiqo ye Ahasapue! Ahasapue! Ahasapue! kughengu kungumi kütami küthü ye afuko küigha niye kutovae!”

Piyeküsü 8:13 Iomraidhean Croise

LESHELE 103:20

O nongu Paw kungumiqo, nongu akumtomi Pa tsa pape chekemi, Pa no pikeu tsa gholu chekeqo, Ampeu sheqhelo.

EZEKEL 2:10

Pa no tipau I zülo xükho tipau lo azüu ngo athiu yepuku püaghi, eno akumlo, amloghuju eno ahasapu tsa yepuku püaghie.

IBRIMI 1:14

Panongu ye kümtsü aghinimi shi xakulupu ithulu niye akemi huthu peniye puwu püanike kumo keshea?

Piyeküsü 11:14

Ahasapu akiniu ye wovae; julo, itehi ye aküthüu kighitheno cheni.

Piyeküsü 12:12

Tighenguno alovilo, O nongu kungugha lo akeqo! Ikemu nongu ayeghi lo eno azüghi lo akeqo hasapuae, kughengu tüghami ye pa do ikhonheive keu ithi no shishe axuidesü nongu lau iqivae!”

Piyeküsü 14:3

panongu ye kükalakhü, aküxüküa lhoxü bidi eno layemiqo zülo puthugho no ale kithe pheae. Ayeghi lono xachilelu kemi pano lakh lakhi qhethonhe lhobidi bidi no kumo aye khunomu ale tipau phemlae.

Piyeküsü 14:6

Tileno kungumi kütau lakhi no ayeghi lo küami, shiye eno ashiaye jeli, timi mqo eno atsa jeli kümtsü lau lhokta tsakiviu sheshuni ke atsütsü mta lo yecheghi keu I no ithulu.

Piyeküsü 19:17

Tile kungumi lakhi no khetsünhe lo puthugho aghikeu I no ithulu, pa no asütsa kuloghi lono atsütsü lo aghau yeche keqo vilo pi, “Ighilo, Alhou ghulhu kije akeu ghenguno hekütsü lo,

Piyeküsü 3:10

Nono I tsa papelu ghi kutuokutuu puqhelu ke ghenguno ayeghiqha lo xüküami pejuni ke aveküsa tüqhüdo aqha kümtsü lo chekeu lono Ni ghi o süsholu nani.

Piyeküsü 8:2

Tileno kungumi tsüni khunoqo Alhou zülo acheni keno I no ithulu, eno afuko tsüni pesü panongu tsü.

Piyeküsü 9:1

Kungumi apunguu no pa fuko küigha kelo atsütsü lono ayepu lakhi ayeghi lo ikiqighi keu I no ithulu, tipau ye akuthoku lo ilo kepu lashew khaqhiyi tsü püake.

Piyeküsü 9:12

Ahasapu atüghüu ye wovae; julo, ahasapu kini ighini aphie.