Piyeküsü 7:9 - Sumi Naga CL (Re-edited) Bible (BSI)

⁹ Hipa thiu I no jupuwo kelo khunomu kihikhamla kepushi aqokitikhi kije, shiye lakhikhi, ashiaye jeli, timi eno atsa jeli, kümtsü no aphi kimiye pepusü au lo amsabo loka pe püzü kükalakhü eno Ambeti zülo puthugho aghi,

BAIBEL (BSI)

⁹ Hipathiu ino jukeloye khunomu kihikhamla kepushi timi aqokitikhi tile aghi. Panonguye timi ajeli kututa, ashiayeh kututa, aju kututa, atsa kututa lono ighikemi eno panonguye akimiye phimini pepu eno panongu ulo aghumhibo loka pepuzu akuka lakhulo eno Bheriti zulo puthugho.

Sümi Tiqhelimi Bible

⁹ Hipathiu I no ju akelo timi khunomu kihikha müla kepu shi I gizülo timi kutomo ae. Tiye shiye, ashiaye, aju kütüta eno atsa kütüta piche kemi kümtsü no aküka lakhü zülo eno Ambeti zülo puthugho ae. Panongu ye miyetsüghoi keu chijeboboi-phi pepu ae eno panongu u lo amsabo loka pesü ngo ae.

Piyeküsü 7:9 Iomraidhean Croise

BOTHUBO 13:16

I no o polo kughuko pesü ayeghi lo asaye toi shi tsüni, ikehu tsala khuana no ayeghi lo asaye kihikulupu shi aghi aye, o polo kughuko ghi kihilu nani.

BOTHUBO 49:10

Sükusho süqha Judah lau süghi moke kutolo kükaküsü ye Judah phevemo, momu yepeu küsü ye pa pukhu dolono kühave monani; eno ashiayeqo no pa lau aghokulu shi nani.

LESHELE 2:8

I vilo khulo, eno I no shiyeqo pesü o mheghi shitsüni, ayeghi shekichi pesü o mheghi shitsüni.

LESHELE 22:27

Ashiaye kümtsü no kümsülu eno Ampeu lau xaidelo, shiye jeli kümtsü no O zülono O mlla nani.

LESHELE 76:4

Naghuto lo alichhe chhitoi akeu nguno ajuküvüpu eno kükanguagha alau akeu ye Noke.

LESHELE 77:2

I veküsa tsala lo I no Ampeu phuwue; I no qeive mono puthotsü I u sükhope inikhue; I ngulho no alokughuno shinike mili auve.

LESHELE 98:3

Pa no Israel kibolomi shou Paw iqemokeu kikimiye eno pükhükulu kümsüchilelue. Ayeghiqha shekichi kümtsü lono ni Lhouw xakulu ithuluvae.

JEREMIYA 16:19

O Ampeu, I kumto eno I liwo, I veküsa tsala lo I kicheqho, ayeghi shekhau no shiyeqo no O lau ighi no pi nani: “Ni puasüqo ye akimki, ala küha keu ameküküha thimeqo kumo aye kiumu ighilu moe.

JEREMIYA 3:17

Tipau ghuloki lo Jerusalem ye Ampeu kükalakhü ipi kunani, Jerusalem lo Ampeu nhethe lo shiye kümtsü tile kumqo nani, panongu ye kuthovi ghi pano mlo lhoksa papemo nani.

EZEKEL 47:5

Itaghi pa no auxakuchho 500 mighiju kelo ti ye aghoki ilhouve kehu ni ye katha mlave, kughengu azü no thoikughive. Ti ye azümihi kepu qhemishi thonheive, aghoki ye kathalu kepu shimove.

DANIEL 4:1

Akükau Nebuchadnezzar no ashiaye, shiye eno atsa jeli ayeghi lo akeqo kümtsü lau: aloino keu no küghüsü nongu gholo apeniu!

DANIEL 6:25

Tithiu Akükau Darius no ayeghi lo ashiaye, shiye, eno atsa jeli kümtsü lau yepuwu: “Aloino keu nongu lau küghüsü alo.

HOSIYA 1:10

Tishimu Israel tianuliqo kikihi ye azüghi lo asaye toive nani, ti ye mighimla momu kihimla ke. Eno khileno panoqo vilo, “Nongu ye Iw timi kumoe,” ipi keno, tileno panoqo vilo ishi pi nani, “Aküxüpu Lhou nuliqo.”

ACHINE 23:40

Tipani nongu xathibo lono axathi akiviu hami xoni, amsabo loka, asüminipho loka, eno tsüzüsü loka pesü Ampeu nongu Lhou zülo atsala tsüni alovini.

ZEKHARIA 10:8

“I no miji panongu kuno hekütsü nani, kughengu I no panongu qhüchile luvae, eno panongu ye püzüu qhemi kutomo shive nani.

ZEKHARIA 2:11

Tipa tsalani shiye kutomo no Ampeu gholo küqhave nani, eno Iw timi shive nani. I no nongu gholo xü nani, eno aqokitikhi Mpeu no nongu lau I puwu kepi nongu no ithi nani.

Luke 12:1

Tishi akelo, kughou timi qhethonhe piqi kumqove keu lono khami no khami nedauve keno, Jisü no atüghüshi pa khopemi vilo pi, “Phariseemiw kholaqhi, ti ye keghilishi keu, jukuto lo.

Luke 21:36

Ikemu kiu shiniye ani keno tipaqo lono pokalu, eno Timi Nu zülo puthugholu kepu küka apenike nongu ye atüqhüdo kümtsü lo inikhu eno tsükhüi alo.”

John 12:13

Ikehu panongu no amsabo loka pesü pa kushoni ye wuno ighamku pi, “Hosanna! Khuu no Ampeu je lono cheni keno Alhou no pa kümgha tsülo, Israel Kükau kümgha tsülo!”

Rommi 11:25

Athiküzümiqo, mthamini nongu lotsüu papeve nosa kehu ni ye nongu pelo küsü püakeu tuqhou hipau ithi mono apenishi amoe: itehi Israelmi mlo shikümka püakeu ye Jewkumomi kümtsü no ighi kuloqu lumoke dolo ghengu likhino ke.

Ephesiami 6:13

Tighenguno Alhou ghünanu kümtsü pepulo, tishianguno alhoksa tsala lo nongu ye ithamo no puqhekulu shi mjochilelu nani.

IBRIMI 11:12

Ikehu thiveke kumlho timi lakhi launo atsütsü lo ayepu eno azüghi mkülo asaye jehi atianuli kughukolue.

IBRIMI 12:22

Ikemu nongu ye Zion Toghi, aküxüpu Lhou phughi kungugha lo Jerusalem akeu lo, eno kungumi kihikhakümla no alovi kuho akeu lo ighivae.

Piyeküsü 11:15

Tileno kungumi akütsüniu no pa fuko küigha kelo kungugha lono asütsa vekipighi pi, “Ayeghiqha yekipe ye ni Mpeu eno Paw Khristo yekipe shivae, eno Pa no alholo eno pülhapuju ayepe nani.”

Piyeküsü 22:3

Itehi ye müsüini keu jeli kiumu shimoae, ikemu Alhou eno Ambeti kükalakhü no aphughi lo anani eno Pa qemiqo no Pa mlla nani.

Piyeküsü 3:18

I kükümsü hipau o tsü ani, no ye kinikülü shilu kepushi ami lono ghukimtheve keu ameshoyi I launo qhülu lo, eno akukujopu shi o phikümsa shi akeu ithulu pemo nike o nhalu kepu phi kimiye qhülu lo, itaghi o pelo ithuluve penike anhethi lo nupu chekeu küsüvi qhülu lo.

Piyeküsü 4:4

Kükalakhü kütau muku bidi no tipau vehope ae, eno layemi muku bidi no aphimini kimiye pepusü ameshoyi kütsükuqho xapu tipaqo lo iqa aghi.

Piyeküsü 5:11

I no itaghi ju akelo kükalakhü, aküxüküa lhoxü bidi eno layemiqo no akeu vehope kungumi qhethonhe no qhethonhe phikha kümla sütsa chilu,

Piyeküsü 5:9

Panongu no ale kithe hitoi phe, “Nono liküküzü kaku ikhilu no michida xükho küzüe, kughengu No ye ghiqhive, eno Nono O ji pesü ashiaye, atsa jeli, timi mqo eno shiye kümtsü xachile sawo Alhou tsü,

Piyeküsü 6:11

Tileno chijeboike phi kimiye pesü panongu aküphashi tsü, eno pano küsami aqemi ngo athiküzümi kütamiqo ghi panongu toi pithi khaveno akikihi kupulu moke dolo ado ikhonhei ngokhe aghilo pive.

Piyeküsü 7:8

Zebulun lagha lono 12,000, Joseph lagha lono 12,000, Benjamin lagha lono 12,000.