Piyeküsü 7:15 - Sumi Naga CL (Re-edited) Bible (BSI)

¹⁵ “Ikehu panongu ye Alhou kükalakhü zülo ngono putho pucho Pa chineki lono Pa huthu acheni; eno Khuu kükalakhü lo iqa ani keno Pa ampi no panoqo süsho nani.

BAIBEL (BSI)

¹⁵ Tighenguno panonguye Alhou kuka lakhu zulo puthughono pa chinekilo putho pucho pa huthu anike. Akuka lakhulo iqa akeuno panongu susholu nani.

Sümi Tiqhelimi Bible

¹⁵ Tighenguno, “panongu ye Alhou küká lakhü zülo anie eno putho-pucho pa chineki lo pa huthu acheni; eno khuu no aküka lakhü lo iqa acheni keno pa no panongu gholo ngo no süsho nanie.

Piyeküsü 7:15 Iomraidhean Croise

KUKAMI ATUGHIU 6:13

I no Israel nuli gholo xüküqhani eno khilemu Iw timi Israelmi phevemo nani.”

YEKIKITHI ATUGHIU 23:25

David no pi, “Ampeu, Israel Lhou no aloino keu pesü Paw timi tsüno Pa ghi alhokupuju Jerusalem lo auvae.

IPEKULU 29:45

I no Israelmi gholo anani eno panoqo Lhou shi nani.

EZEKEL 37:27

I kungo-a ye panoqo gholo anani, I no pano Lhou shinani, eno panongu no Iw timi shinani.

ACHINE 26:11

I no nongu gholo I kimthe phiki shino ngo nani, Ni ye nongu milive mo nani.

John 1:14

Atsa huno ashi shive no ningu gholo xü, eno ningu no Pa juküvü ithuluvae, ti ye Apu gholo Anu lakhi likhi akeu, küpükini ngo kuchou no chhitoi keu juküvü ke.

1 Kor. 3:16

Nongu ye Alhou chineki eno Alhou Ghungu no nongu lolo acheni kepi mtha keshea?

2 Kor. 6:16

Alhou chineki ye ajulho sasü kiu lono pulokilelu kepu ani kea? Kughengu ningu ye aküxüpu Lhou chineki ke, ti ye Alhou no ishi pi ketoi, “I no panoqo gholo I kungoa shino pano gholo anani, I no panoqo Lhou shi nani, eno panongu no Iw timi shinani.

IBRIMI 12:2

Ni küpülü hukuthuu eno kupukülai kütsüu Jisü lau juni. Pa zülo alokivipu qhitsü keu jupe pa ye kros lo thinikeu kujomza moe, eno itehi ye Alhou kükalakhü ajeu iqa ani.

IBRIMI 8:1

Ningu no pi akeu tsa akhotou ye hike: ningu ye kungugha lo Kükanguagha lakhü ajeu iqa akeu chinetou hitoike ani,

Piyeküsü 11:19

Tileno kungugha lo Alhou chineki khaqhi eno tilehi Paw Puloshoqhi bohu akeu ithulu. Ikelo tsütsüküsü küvü no phaphashi, vekipighi igha, ayeghi no ilüuve no mürasü kuloghi ghuqhi thuve.

Piyeküsü 13:6

Tüghashi no Alhou lau küthakügha tsa piniye akichi xükho, eno Alhou je, Pa kungo-a, eno khunoqo tile acheni keno, tipaqo kümtsü thaigha thuve.

Piyeküsü 20:10

Eno panoqo pishiqhive keu tüghami huye khile tüghashi eno kichile tungkupu akeno, amiyizü eno amichu iqüke-a lo küghape vesüve, tilau no panoqo ye putho pucho pülhapuju eno alholo ghimeqhi anani.

Piyeküsü 21:22

Ni ye aphughi lo achineki ithumlae, kughengu aphughi chineki ye Ampeu Alhou Akughushuu eno Ambeti huke.

Piyeküsü 22:3

Itehi ye müsüini keu jeli kiumu shimoae, ikemu Alhou eno Ambeti kükalakhü no aphughi lo anani eno Pa qemiqo no Pa mlla nani.

Piyeküsü 22:5

Tile ye putho kühave nani. Panongu ye akulu momu khetsünhe küvü avehupu shimoae, kughengu Ampeu Alhou no pano küvü shi nani eno panongu no pülhapuju eno alholo ayepe cheuve nani.

Piyeküsü 4:4

Kükalakhü kütau muku bidi no tipau vehope ae, eno layemi muku bidi no aphimini kimiye pepusü ameshoyi kütsükuqho xapu tipaqo lo iqa aghi.

Piyeküsü 4:8

Aküxüküa lhoxü bidi, lakhikhi no achishibo tsüghogho xapusü anhethi no ashou eno alou ghi chhitoi, eno putho pucho panongu no tamono ishi piae: “Ampeu Alhou Khuu no acheghi eno acheni eno ighi nani keno, Akughushuu huye akimthe, akimthe, akimthe ke.”

Piyeküsü 4:9

Kugho kughomu aküxüküa lhoxüqo no ajuküvü, agigihu eno shikimthi keu pesü Khuu kükalakhü lo iqa no pülhapuju eno alholo xüacheni keno, Pa tsü kelo,

Piyeküsü 7:9

Hipa thiu I no jupuwo kelo khunomu kihikhamla kepushi aqokitikhi kije, shiye lakhikhi, ashiaye jeli, timi eno atsa jeli, kümtsü no aphi kimiye pepusü au lo amsabo loka pe püzü kükalakhü eno Ambeti zülo puthugho aghi,