Piyeküsü 7:14 - Sumi Naga CL (Re-edited) Bible (BSI)

¹⁴ I no pi, “Nono ithi anie, akijeu.” Pa no I vilo pi, “Hipaqo ye küsakushu kije hechesü ipeghi luve kemie. Panongu ye Ambeti ji lono panow chijeboike phi ishikimthepe metsüghoi luvae.

BAIBEL (BSI)

¹⁴ “Akijeu, nono ithiani thono niye mthae,” ipi ino khochileve. Tileno pano ivilo ishi pitsu, “Hipaqoye shikighimekeu kitikhi hechesu ighilukemiqoke. Panonguye Bheriti jih pesu chijebobokeu phi qhukimthe luvekeqoke.

Sümi Tiqhelimi Bible

¹⁴ I no ishi khochile, “Akijeu, nono ithi anie.” Ikelo pa no pi, “Timi hipaqo ye aghime kitikhi kijè hechesü ipeghi kemiqo ke; panongu ye panonguw chijeboboi-phiqo ishivae eno Ambeti jì lono miyetsüghoi kughulhovae.

Piyeküsü 7:14 Iomraidhean Croise

JOB 11:16

Nono o veküsa kümsümave nani; tipaqo ye züqozü no qowuve ketoi nono kümsülu nani.

IPEKULU 37:3

Eno pa no tipau ghenguno ameshoyi abohu bidi pesü tipau pukhu lo meda, kini no ako lakhi lo eno kini no ako tüxau süe.

ISAIAH 1:18

Ampeu no pi, “Ighilo, ningu itehi no kiqikuto juni: nongu xine no hughüi aghi namu, tipaqo pesü mürasü toi metsüghoive tsüni; akuhuphi toi huchuyi aghi namu, asüpha toi metsüghoive tsüni.

DANIEL 11:35

eno alokütsümi khami ye veqhive nani, tishikeu lono panongu ye ashekha ghuloki tomphi lono thakimthe, shikimthe eno metsüghoi luve peniye ke, kughengu kihikütha do ye khe aphike.

DANIEL 12:1

“Tipa ghuloki lo kükapuu akijeu Michael, khuu ow timiqo shou jukükütsüu keno, pa no ithughi nani. Tile shiye lhosü kelono ishi kutolo khilemu shimphi keu küküpna do lakhi anani. Ikemu tipa ghuloki lo ow timi, khunoqo je kaku lo ye püaghini keno panongu ye xaphe luve nani.

DANIEL 7:16

Tilehi puthugho akeqo dolo milakhi lau I no wuno hipa vehulo kuchou akeu pa vilo iniju. Ikehu pa no I vilo pi eno hekupho vehu I pelo ithilu pe.

ZEKHARIA 13:1

“Tipa tsala lo David laghami eno Jerusalem lo küami xine eno mithekumo qhukimthe tsünike ghenguno azüpuki lakhi ipeghi nani.

MATTHEW 24:21

Kughengu ayeghiqha hukuthu lono ishi kutolo shimphi keu eno khilemu shimoni keu aghime kitikhi ighi nani.

Mark 13:19

Kughengu tipa ghuloki lo kijiküpsa ye inahuu Alhou no pulhosü kelono itehi kutolo khilemu shiju mphi eno hithiu mu khilemu shimo nani.

John 16:33

I no nongu vilo hipau pikeu ye I lau kimepe akeu lono nongu ye aloino apeniye ke. Ayeghi lo nongu ye aghime kitikhi sholu nani, ikemu amlo mtolo; ni ye ayeghiqha theqhi luvae.”

Apostolmi 14:22

Hi kümtsü lo akhopemi mlo shikumto tsüno aküpülü lo cheche penike pama no pi, “Aghime kitikhi kutomo vechesü ningu ye Alhou yekipe lo ilo masae.”

Rommi 5:3

Tinguno alau niw shiluküsa lo ghi ningu ye aloviqhiyi acheni, kughengu nino ithi akeu no shiluküsa huno kheakulu iqiphe cheni,

1 Kor. 6:11

Nongu gholo khami ye titoi cheke. Ikemu Ampeu Jisü Khristo je lono eno ni Lhou Ghungu vecheo nongu qhuve no shikimthepe achipikalu ke.

2 Thes. 1:4

Tighenguno nongu kijipüsa eno shikighime keu kümtsü lo nongu no aküpülü itha mono kutuulu keu pesü ningu no Alhou kukuhouqo lo ni qheküzapu shi picheni.

IBRIMI 13:12

Titoi Jisü ghi pa likhi pa ji vecheo timiqo shikimthe tsüniye khagho nguno khalau no pithive.

IBRIMI 9:14

Khristo, khuu no lhokta Ghungu vecheo tukutiye kühano Alhou lau pa ampi pephe tsü keno, pa ji ye tinguno alau ningu pelo aküxüpu Lhou huthu peniye akithipu kümla lono niw kiviküsa lotsü shikimthe tsülu nani.

1 Peter 1:19

ikemu ambe tukutiye momu akuaye küha keu kimihi shi Khristo ji amekusho huno ke.

1 John 1:7

Ikemu Pa no aküvü lo ache ketoi ningu ghi aküvü lo cheche aye, ningu ye lakhino lakhi sasü kuposhulu ani eno Pa Nu Jisü ji no axine kümtsü launo ningu shikimthe tsülu ani.

Piyeküsü 1:5

eno pükhükulupu thopiu, akithi lono xüputhu tüghüu, ayeghi lo kükami shou Yepeu, Jisü Khristo launo ighikeu pesü nongu tsü ani. Khuu no ningu kimiye cheni, eno Pa ji vecheo axine lono ningu kuqhophepe

Piyeküsü 12:11

Ni thiküzü chelimi no pa shou tolukeu ye Ambeti ji eno pano küxü shepe tsa lono ke; kughengu panongu ye akithi kutolo mu pano küxü küpümo ke.

Piyeküsü 15:2

Eno ayina züghi ipi kepu toikeu lo ami bubushi iqü akeu I no ithulu, eno khunono tüghashi eno pa julho ngo pa je kikihi theqhilu keno pano u lo Alhouw küghaküsü lebo pesü ayina züghi mkülo puthugho aghi.

Piyeküsü 17:6

Atotiu ye küpülümi ji eno Jisüw thopi ghakishimi ji shomzüpe ae. Kughou I no li ithulu keno ni ye shishe akümzave.

Piyeküsü 2:9

“‘I no ow küsakushu eno o qüagha ithi ani (ikemu no ye kinimie), eno khunono Satanw sinagogmi keghi akimki lono Jewmie picheni keno, panow piküptha ghi I no ithi ani.

Piyeküsü 22:14

Khunono aküxüpu sübo xathi küsajelu kepushi eno khagho vechesü aphughi lo ilolu kepushi pano phimini ishi kimtheveni keno akümghapue.

Piyeküsü 5:9

Panongu no ale kithe hitoi phe, “Nono liküküzü kaku ikhilu no michida xükho küzüe, kughengu No ye ghiqhive, eno Nono O ji pesü ashiaye, atsa jeli, timi mqo eno shiye kümtsü xachile sawo Alhou tsü,

Piyeküsü 7:9

Hipa thiu I no jupuwo kelo khunomu kihikhamla kepushi aqokitikhi kije, shiye lakhikhi, ashiaye jeli, timi eno atsa jeli, kümtsü no aphi kimiye pepusü au lo amsabo loka pe püzü kükalakhü eno Ambeti zülo puthugho aghi,