Piyeküsü 7:13 - Sumi Naga CL (Re-edited) Bible (BSI)

¹³ Tileno layemi gholo lakhi no I vilo iniju, “Aphi kimiye chijebobo pepu akemi hipaqo ye khuno, eno khilau no ighi kea?”

BAIBEL (BSI)

¹³ Muchomi gholo lakhino ivilo ishi iniju, “Akimiyephi chijebobo pepuakemiqoye khunoqo keno eno panonguye khilano ighikeno noye ithi anima?”

Sümi Tiqhelimi Bible

¹³ Tipathiu sakiphemi muchomiqo dolo lakhi no I vilo ishi iniju, “Miyetsüghoi keu chijeboboi-phi pepu akemiqo ye khunoqo kea eno panongu ye khilau no ighi kea?”

Piyeküsü 7:13 Iomraidhean Croise

BOTHUBO 16:8

Pa no pi, “Hagar, Sarai qeliu, no ye khilau no ighi eno khilau wucheni kea?” Li no pi, “Ni ye I mpeliu Sarai launo pocheni.”

DANIEL 7:16

Tilehi puthugho akeqo dolo milakhi lau I no wuno hipa vehulo kuchou akeu pa vilo iniju. Ikehu pa no I vilo pi eno hekupho vehu I pelo ithilu pe.

John 7:28

Ikehu Jisü no achineki lo shika akelono asheshu, “Nongu ye ni ithi ani eno I no khilano ighi keno ithi ani. Ikemu ni ye I gho-apulou lono ighi anike kumoe. Khuu no I puwu keno Pa ye kuchou eno nongu ye Pa mthae.

Apostolmi 3:12

Kughou Peter no ti ithulu keno, pa no timiqo vilo pi, “Israelmiqo, kushiye nongu ye hi jupe akichiqhi ani, eno ni küka momu ni küxü kimthe huno timi hipau pelo alache lupe ketoi kutuxoxo ni juani kea?

Piyeküsü 3:4

Tishimu no ye tilau Sardis lo timi aghuloshi khunono aphimini shikitiqe mphi keno khami aphie. Panoqo ye aküzüpu ke ghenguno aphimini kimiye pepusü I gholo cheche nani.

Piyeküsü 4:10

layemi muku bidi huno Khuu kükalakhü lo iqa no pülhapuju eno alholo xüacheni keno, Pa zülo itsaqi no mllae. Panongu no kükalakhü zülo pano kütsükuqho lhaqhi no pi,

Piyeküsü 4:4

Kükalakhü kütau muku bidi no tipau vehope ae, eno layemi muku bidi no aphimini kimiye pepusü ameshoyi kütsükuqho xapu tipaqo lo iqa aghi.

Piyeküsü 5:11

I no itaghi ju akelo kükalakhü, aküxüküa lhoxü bidi eno layemiqo no akeu vehope kungumi qhethonhe no qhethonhe phikha kümla sütsa chilu,

Piyeküsü 5:5

Tileno layemi gholo lakhi no I vilo pi, “Qa tavelo; julo, Judah shiaye lo Abongshuu, David kuhu aghü, huno theqhi luvae, ikehu Pa no michida tsüni lhave no liküküzü kaku xükho nani.”

Piyeküsü 7:9

Hipa thiu I no jupuwo kelo khunomu kihikhamla kepushi aqokitikhi kije, shiye lakhikhi, ashiaye jeli, timi eno atsa jeli, kümtsü no aphi kimiye pepusü au lo amsabo loka pe püzü kükalakhü eno Ambeti zülo puthugho aghi,

XAKUTHAMI 13:6

Totimi huno li kimi vilo pi, “Alhou timi lakhi I lau ighi, pa jukelo Alhouw kungumi toi ighono qhivütsünyi. Pa ye khila no ighi keno ni ye iniju move eno pa ghi pa je I vilo pimoe.