Piyeküsü 7:1 - Sumi Naga CL (Re-edited) Bible (BSI)

¹ Hipa thiu kungumi bidi no ayeghiqha cheku bidi lo puthugho no ayeghi lo ako bidi mülhü sünhe chilepe aghikeu I no ithulu, ti ye ayeghi momu azüghi eno asübo shou kiumu mülhü puku pemo niye ke.

BAIBEL (BSI)

¹ Tipathiu ayeghiqha cheku bidilo kungumi bidi puthugho aghikeu ino ithulu. Panonguno amlhu bidi sunhechile pesu ae, tishianguno ayeghi shou azughi shou eno asubo shou mu mulhu puku pemoniyeke.

Sümi Tiqhelimi Bible

¹ Hipathiu kungumi bidí no ayeghi cheku bidí lo puthugho akeu I no ithulu. Panongu no ayeghi mülhü bidí pelo ayeghi shou momu azüghi shou momu asübo lakhi shoumu fupuku pemo niye amlhü hu sünhe chile pesü ae.

Piyeküsü 7:1 Iomraidhean Croise

ISAIAH 11:12

Pa no amchipu süqhepe shiyeqo kütüghü nani eno Israel ngo Judah lono haküghütsüve kemi ayeghi kobidi lono hekütsü saghi nani.

ISAIAH 27:3

Ni, Ampeu no tipau Kheue; ado kümtsü lo I no azü süacheni. Khuana no kütsavetsü nosa kehu putho pucho I no khekuto acheni;

ISAIAH 27:8

Nono mighiju no akughukishi pesü pano ghimepu shitsüe; Kipela mülhü toi Pa yiküsa tuthu no panoqo fusawuvepe.

JEREMIYA 49:36

I no atsütsü lo ako bidi lono amülhü Elam shou fupuku nani, eno panoqo fupe aqha kümtsü lo puwuve nani. Panongu ye khuno kükaqha lomu ilomo keu kühave nani.

EZEKEL 37:9

Tileno Pa no I vilo pi, “Atuthu vilo tungkuptsa pilo; tungkuptsa pilo, timi nu, eno atuthu vilo pilo, Ampeu Alhou no ishi piani: O atuthu, amülhü la bidi lono ighi lo, eno ghiqhi püakemi hipaqo shou shepuku lo tishino hipaqo pelo xülu pelo.”

EZEKEL 7:2

O no timi nu, Ampeu Alhou no Israel yeghi vilo ishi piani: Kishekha! Ayeghi ako bidi shou kishekha ighivae.

DANIEL 11:4

Ikemu pa no ithughi khavino pa kükaqha ye kubove nani eno atsütsü mülhü süvela bidi kiqi lono kükaqha ye kijethave nani, eno pa polo kughukomiw shimlave nani, momu pa kükagha khipau pesü pa no ayepe chekeno tipau kiqi lono shimo nani, kughengu pa kükaqha ye nhüve nani eno ti ye hipaqo nguno kütami u lo ilove nani.

DANIEL 7:2

Daniel no asheshu, “Putho lo Iw kungunhetsü lono I no ithulu, julo, atsütsü mülhü bidi no azüghi kije fukucho aghi.

DANIEL 8:8

Tishino anetsü ye shishe kije shive, ikemu pa no akumto shi ake lono akibo akijeu ye icheve, eno tipau züqhulo akibo bidi ichushei atsütsü mülhü bidi süvela küdau ipeghive.

JONAH 1:4

Ikemu Ampeu no azüghi lo amülhü kije puwu eno pasapagha no ihulo azüghi lo ighive, ikehu zükilu ye ipo niye shive.

ZEKHARIA 6:1

Itaghi I no I nhethi tsükhope jukelo khurkulu bidi naghuto kini dolono ipeghi keu ithulu. Naghuto ti ye alazayi naghutoqo ke.

ZEKHARIA 6:5

Kungumi huno I khochile pi, “Hipaqo ye ayeghi kümtsü shou Ampeu zülo ipeghi piyeve kethiu atsütsü lo ako bidi mülhü süvelau wuve nani.

MATTHEW 24:31

Afuko ghügha vekipighi igha no pa no paw kungumi puwu nani, ayeghi cheku bidi lono, eno atsütsü shekichi lono paw kishekiphemi panongu no hekütsü nani.

Mark 13:27

Pa no paw kungumi puwu no ayeghiqha kobidi lono, eno atsütsü ngo ayeghi shekhau no paw kishekiphemi hekütsü nani.

Piyeküsü 20:8

eno pa no ayeghiqha cheku bidi lo shiye jeli akeqo pishiqhini ke, eno aghü shinike ghenguno Gog ngo Magog hekütsü nani; pano kikihi ye azüghimkü lo asaye jehi ake.

Piyeküsü 6:6

Eno aküxüküa lhoxü bidi dolono ipeghi aketoi asütsa lakhi I no chilu, “Atsala kupuju lo qelu keu huye ashothi ahu lakhi, momu barley ahu küthü me shivae, ikemu olive ngo atsailu küma ye shipüsa kevilo!”

Piyeküsü 7:3

pi, “Nino ni Lhou qemiqo kishe lo amichi shikhamla aphilo ayeghi momu azüghi eno asüboqo kütsa kevilo.”

Piyeküsü 8:7

Kungumi atüghüu no pa fuko küigha kelo aji no apüghü ngo ami gholo xukütshü püzü ayeghi lo veqhi. Ikelo ayeghi eno asübo kikije küthü lo lakhikhi ye pitileve, tipau gholo atsüni küxü ghi qhoi pitive.

Piyeküsü 9:14

asütsa huno afuko kipeu kungumi akütsüghou vilo pi, “Kungumi bidi khunoqo tshüpe Euphrates ghoki kije lo püani keno kuqhophe lo!”

Piyeküsü 9:4

Khunono akishe lo Alhouw michida küha keno tipaqo kumo aye ayeghi lo atsüni küxü momu asübo jeli kiumu shipüsa pemoni ke azah panoqo tsüpüa.