Piyeküsü 6:4 - Sumi Naga CL (Re-edited) Bible (BSI)

⁴ Eno khurshi kütau huchuyi keu lakhi ipeghi. Ti sakicheu ye azütakikihi kije tsüpüa, pa ye ayeghi lono külakishi ikhi süwuve peniye azah tsüpüa, tishikeu lono timiqo pelo lakhino lakhi ghiqhikile peniye ke.

BAIBEL (BSI)

⁴ Khurshi kutau huchuyikeu lakhi ipeghi. Tipau shou iku puzu chekeuye ayeghilo aghukishi sughipe nikeu kuka tsupua, tishianguno timino lakhino lakhi ghiqhi kepushi; eno azutakihi lakhi pa tsupua.

Sümi Tiqhelimi Bible

⁴ Tipathiu khurshi kütau ighono huchuhuyi keu lakhi ipeghi. Tipau küsáu ye ayeghiqha lau no külakishi ikhiluve no timiqo pelo lakhi no lakhi pìthíve pe nikeu küká tsüe. Eno akihizüta kijè lakhi pa tsüpüae.

Piyeküsü 6:4 Iomraidhean Croise

LESHELE 17:13

Ithulo, O Ampeu! pa mjochile lo, pa qhasüve lo! O zütakikihi pesü kixikilami launo I ngulho xaphe tsülo,

DANIEL 5:19

Eno Pa no kiqhekighe shitsü ke ghenguno, ashiaye, shiye, eno atsa jeli kümtsü no pa zülo khokhoshi eno pa sümsae. Pa no khuu heqhini keno heqhive che; eno pa no khuu püxüni keno püxüve che; khuu xaqheni keno xaqheve che; khuu sünheqhini keno sünheqhive che.

ZEKHARIA 1:8

“Julo, timi lakhi khurshi huchuyi sacheghi keu I no putho lono ithulue! Pa ye atuxu lo axokütsüngü boqo dolo puthugho ae, eno pa thiu huchuyi, hughai eno metsüghoi keu khurshiqo ae.

ZEKHARIA 6:2

Khurkulu atüghüu no khurshi huchuyi keqo no sünhe che, akiniu no tsübui keqo,

MATTHEW 10:34

“Ni ye ayeghi lo alakishi süghini ye ighi anipi kümsü kevilo. Ni ye alakishi kumono azütakikihi süghi niye ke.

MATTHEW 24:6

Nongu no aghükishi eno aghükishi sütsa veküpha keu chilu nani, ikemu thüghüi kevilo. Kughengu hi ye ighi masae, ikemu ashekuho ye kumphie.

John 19:11

Jisü no pa khochile, “kunguu no o tsümoke aye no ye I shou aküka kiumu kühani cheke. Tighenguno khuu no I kügha sawo o tsü keno, pa no alau küqüvae.”

Piyeküsü 12:3

Itaghi atsütsü lo amchipu kije kütau lakhi ipeghi, dragon kije lakhi huchuyi shino akütsü tsüni, akibo chighi eno kükakütsüqho tsüni aküphashi xapu aghi.

Piyeküsü 13:10

Khuana küghaluve penike kughuve aghi aye, pa ye akughu lo wuve cheni; khuana azütakikihi no ghiqhive penike kughuve aghi aye, azütakikihi no pa ghiqhive masae. Hi ye küpülümi pelo kutuokutuu eno aküpülü apeniye ku anie.

Piyeküsü 17:3

Kungumi huno aghungu lono I xapusü yenguyi ke-a lo wu, tile totimi lakhi no huchuyi keu tüghashi shou iqa akeu I no ithulu, tüghashi ti ye akütsü tsüni eno akibo chighi xapusü aphi lo küthaküghapu je chhitoi aghi.

Piyeküsü 17:6

Atotiu ye küpülümi ji eno Jisüw thopi ghakishimi ji shomzüpe ae. Kughou I no li ithulu keno ni ye shishe akümzave.