Piyeküsü 6:2 - Sumi Naga CL (Re-edited) Bible (BSI)

² I no jupuwo kelo khurshi kimiye lakhi aghi! Ti sakicheu u lo shexilika ae, eno akütsükuqho pa tsü püakeu xapu aghü lo tokulumi shi ghi itaghi lewu nike ipeghi.

BAIBEL (BSI)

² Ino jukeloye, khurshi akimiye lakhi aghi eno tipau shou iku puzu chekeuye asuzu pea eno akutsukuqho lakhi pa tsupua. Pano theqhikulumi lakhi toi lewuniaye chesu wuve.

Sümi Tiqhelimi Bible

² I no ju kelo I zülo khurshi miyetsüghoi keu lakhi ithulu! Khurshi küsáu ye asüzü xipusü ae, eno aküka kütsükuqho lakhi pa tsü, eno pa ye theqhikulumi lakhi toi aghü lewu niye chesü wuve.

Piyeküsü 6:2 Iomraidhean Croise

LESHELE 110:2

Ampeu no ow akughushu yekipe küsü Zion lono puwu tsüke. O ghümi gholo ayepelo!

LESHELE 76:7

Ikemu No ye sümsa kepue! Kughou O loghu ghuthu lakhi ipeghini keno khuu no O zülo puthugho luni kea?

LESHELE 98:1

O ale kithe phepe Ampeu shipili lo, kughengu Pa no akümzapu thimeqo shike; Pa u ajeu eno Pa kimthe u no pa ghenguno xakulu süghike.

ISAIAH 25:8

Pa no alhokupuju ghenguno akithi munove nani; Ampeu Alhou no kümtsü nhethi lono anhezü isüvetsü nani, eno Paw timiqo kukujopu Pa no ayeghi lono ikhivetsü nani, kughengu Ampeu no pivae.

ZEKHARIA 1:8

“Julo, timi lakhi khurshi huchuyi sacheghi keu I no putho lono ithulue! Pa ye atuxu lo axokütsüngü boqo dolo puthugho ae, eno pa thiu huchuyi, hughai eno metsüghoi keu khurshiqo ae.

MATTHEW 28:18

Jisü no kupunu ighi no panoqo vilo pi, “Kungugha lo ngo ayeghi lo kükagha kümtsü I tsüvae.

1 Kor. 15:25

Kughengu Alhou no Pa ghümi kümtsü Pa pukhu philo qhitsü moke kutolo Pa no ayepe masae.

Piyeküsü 11:15

Tileno kungumi akütsüniu no pa fuko küigha kelo kungugha lono asütsa vekipighi pi, “Ayeghiqha yekipe ye ni Mpeu eno Paw Khristo yekipe shivae, eno Pa no alholo eno pülhapuju ayepe nani.”

Piyeküsü 11:18

Shiyeqo no axuide anamu O loghu kighide ighivae, kithimi shou küghathabe kepu do shivae, tungkupmi O qemi, küpülümi, eno khunono O sümsa cheni keno, kijemi kitilami ajume tsünike, eno ayeghiqha shiküpsami shipüsa nike ighivae.”

Piyeküsü 14:14

Itaghi I no pishipuwo jukelo khüngküsü metsüghoi ke lakhi ithulu, eno timi nu toike lakhi no tipau shou iqa no ameshoyi kütsükuqho pusü pa u lo ayevü kütsügha lakhi pecheghi.

Piyeküsü 15:2

Eno ayina züghi ipi kepu toikeu lo ami bubushi iqü akeu I no ithulu, eno khunono tüghashi eno pa julho ngo pa je kikihi theqhilu keno pano u lo Alhouw küghaküsü lebo pesü ayina züghi mkülo puthugho aghi.

Piyeküsü 17:14

Panongu no Ambeti sasü aghüshi nani kemu Ambeti no pano theqhive nani, kughengu Pa ye ampemi shou Ampeu eno kükami shou Akükau, eno Pa gholo kichemi ye kuluve kemi, kishekiphemi eno pükhükulumi ke.”

Piyeküsü 19:14

Kungugha lo ghüshimi no khurshi kimiye shou iqa no phepheike phi kimiye eno tsüghükhüi keu pepusü pa papeche.

Piyeküsü 3:21

Ni ghi theqhilu no I Pu kükalakhü lo Pa sasü iqa ketoi, khuu no theqhi luni keno, I no pa sasü I kükalakhü lo iqani ke puloza tsü nani.

Piyeküsü 9:7

Tülhaquqo ju aye aghüshi lo sawuni ye kuto püakeu khurshiqo mihi, panongu kütsü lo ameshoyi kütsükuqho toi qhopu, eno agi no timi gi mihie.