Piyeküsü 6:15 - Sumi Naga CL (Re-edited) Bible (BSI)

¹⁵ Tishino ayeghi lo kükami, kijemi, ghüshitomi, kinimi, akumtomi, eno lüthü, aqemi, eno ililai xüakemi kümtsü no atuki eno naghuto lo atuqo dolo itshüpe,

BAIBEL (BSI)

¹⁵ Tileno ayeghilo kukami, kijemi, ghushimi atomi kinimi, akuka kuami, eno timi kumtsu, aqemi na ampimi namu atukilo eno naghuto tukiqo qholo itshu wukhave.

Sümi Tiqhelimi Bible

¹⁵ Tipathiu ayeghi lo kükamiqo, kükapumiqo, ghüshimi shou kijemiqo, kiními, akughushumi, aqüaxemi eno kuqhopheve kemi kümtsü no atuki ngò naghuto lo atuquqo dolo itshüwu khave.

Piyeküsü 6:15 Iomraidhean Croise

BOTHUBO 3:8

Atsala kümtsha dolo Ampeu Alhou no aghutu lo cheghi keu sütsa pama no chilu, eno timi ngo pa nipu pama ye aghutu lo asüboqo dolo Ampeu Alhou zütshüve.

LESHELE 76:12

Pa no kükapumi kuchunive eno kükami shithüghüi cheni.

ISAIAH 2:10

Ampeu loghu eno Pa kükanguagha zülono posü atuki eno ayeghi qhou itshüuve lo.

ISAIAH 2:19

Ampeu no ayeghi süküthüni ye ighi kelo timiqo no Pa loghu eno Pa kükanguagha zülono posü atuki eno ayeghi alou itshü nani.

ISAIAH 2:21

ti ye Ampeu no ayeghi süküthü niye ighi kelo timiqo no Pa loghu eno Pa kükanguagha zülono atuki eno anhepho kighipeqo lo itshü luni kehue.

ISAIAH 42:22

Ikemu timiqo ye xüle puwuve kemiqo ke; Panongu ye akighipeqo lo khathasüpe ani, eno akughuki lo küsüpe qhivae; panongu ye xülepe khunomu xaphelu movae; panongu ye khetsüshi lakhi shivae eno khunomu panongu “athoputhotsü mlavae”

MICAH 7:17

panongu no apighi, ayeghi lo itikiche jeli toi ayeghimkhu mine nani; panongu no khokhoshi pano qogheki lono ipeghi nani; eno akümsa lono Ampeu ni Lhou lau tsüghü ighi no O sümsauve nani.

IBRIMI 11:38

eno kupokichemi shi asayeqha ngo naghutoqo lo, asüki-atukiqo itsü cheke. Panongu ghenguno ayeghiqha ameküapu kumove.

Piyeküsü 18:23

akulu küvü ye o lolo no vüipeghi moae, külapuu eno külaliu sütsa mu chilu moae, ayeghi lo ow lhidimi ye ajuaje küami keghi ow küdüu kümla pesü nono shiye kümtsü pishiqhie.

XAKUTHAMI 6:2

Midianmi no Israelmi leluve, Israelmi no Midianmi launo itshüni ye naghuto lo atuki ngo sükusho-a mlave.

SAMUEL ATUGHIU 13:6

Kughou Israelmi no panongu ye aküpüna lo ilove akepi ithi keno (kughengu aghümi no mkamihi ighive ke), timiqo no atuki, akuthoku, akighipe, akumoki, eno azü tughuko lo itshü khave,