Piyeküsü 6:12 - Sumi Naga CL (Re-edited) Bible (BSI)

¹² Kughou Ambeti no michida akütsüghou xükho keno, ayeghi küghütha kije ighikeu I no ithulu, khetsünhe no kumshophi tsübui keu toi zümoive, aqhi huno aji toi huchuyive,

BAIBEL (BSI)

¹² Kughono Bheritino mekhakeu akutsughou suphono lhaphe keno, ino jukelauye ayeghi shishe ilu ighi, eno zumoive, eno aqhiye ahji toi huchuhuyive.

Sümi Tiqhelimi Bible

¹² Mekhapüa keu akütsüghou hu Ambeti no khaqhi akeu I no ju ae. Ikelo ayeghi küghütha kijè lakhi ighi. Khetsünhe no ane mhi no mülà keu yeqhiyephi toi tsübuive, eno aqhi no ajì toi huchuhuyive,

Piyeküsü 6:12 Iomraidhean Croise

ISAIAH 24:23

Tishino aqhi no agi zümoive, khetsünhe no agi nhave nani, kughengu aqokitikhi MPEU no Zion Toghi eno Jerusalem lono ayepe no Paw timi sakiphemiqo zülo Pa juküvü pephe nani.

ISAIAH 29:6

tsütsüküsü, ayeghi küghütha, aghügha kuloghi, pasapagha ngo miyitsü, eno piti-maha chekeu miküqü lono aqokitikhi MPEU no nongu xuju ighi nani.

ISAIAH 34:4

Atsütsü ye kaku toi liküzüve no aqhi ayepu kümtsü hailove nani. Tipaqo ye atsaibo, mububo nipa ighiqi keshi ikiqighive nani.

ISAIAH 50:3

I no aküzü pesü atsütsü nhave; eno yeqhiyephi pesü tipau künha shitsü cheni.”

JOYIL 2:10

Panoqo zülo ayeghi no ithae; atsütsü no khokhoshie. Khetsünhe ngo aqhi no zümoive, eno ayepuqo no aküvü tsümove.

JOYIL 3:15

Khetsünhe ngo aqhi no zümoi, eno ayepuqo no aküvü tsümovae.

AMUS 1:1

Ayeghi küghütha züu ampe kini akelo Uzziah no Judah kükau shi eno Joash nu Jeroboam no Israel kükau shi ake ghuloki lono Amos, khuu Tekoa lo ambekhemi lakhi keno, pa no Israel ghenguno ithulu keu tsape.

AMUS 8:9

“Tipa tsalani,” Ampeu Alhou no asheshu pi, “I no khetsünhe pelo puchou no ilovepe nani eno puchomghü lono ayeghi pesü aküzü shivetsü nani.

ZEKHARIA 14:5

Eno nongu no Iw naghuto khila lo pove nani, kughengu tipa khila ye Azal kutolo wu anike. Eno nongu no Judah kükau Uzziah ghuloki lo ayeghi küghütha lono pove ketoi itaghi ponani. Tileno Ampeu I Lhou, eno Pa gholo akimthemi no ighi nani.

MATTHEW 11:21

“Chorazin, o hasapue! Bethsaida, o hasapue! Kughengu nongu lau aküka kumto kümla shikeu hu Tyre ngo Sidon lau shi püaghi keaye, tipaqo ye khaghi no yeqhiyephi pepusü ayevu lo ihino xaideve aghini cheke.

MATTHEW 24:29

“Tipa tsala lo aghime kitikhi tave kemtsa khetsünhe no zümoive nani, aqhi no aküvü tsümove nani, ayepuqo no atsütsü lono ikiqive nani, eno atsütsü lo küka jeliqo sükiniqhi nani.

MATTHEW 24:7

Kughengu shiye lakhi no lakhi sasü aghüshi nani, kükaqha lakhino lakhi le nani, püqümiye ngo ayeghi küghütha no a-a kütüta lo ipeghi nani.

MATTHEW 27:45

Tile puchou mta lono avelau ayi küthü kihe kutolo ayeghiqha kümtsü aküzü no nhaluve.

MATTHEW 27:54

Ghüshimi aqhe shou zatsüu eno pa gholo akeqo no Jisü khekuto akelo ayeghi küghütha eno tile kiu shive keno kümtsü ithulupe thüghüive no pi, “Pa ye kuchou no Alhou Nue!”

MATTHEW 28:2

Tile ayeghi küghütha kije ighi, kughengu kungugha lono Ampeuw kungumi iqighi no atulupha tukulove no tipau shou iqave.

Mark 15:33

Puchou ayi chighikini kihelo, tipa ghakhu kümtsü ayikihedo küthü kutolo züchiyi ighive.

Piyeküsü 11:13

Tipa tüqhüdo lono shishe ayeghi ilüuve, eno aphughi kikije chighi lo lakhi ye kütsave. Ayeghi küghütha lono timi 7,000 thive, eno achili aghi keqo ye thüghüive no kungugha Lhou lau ajekipi juküvü tsüe.

Piyeküsü 16:18

Tileno tsütsüpha kulouve, tsütsüküsü ghügha no vekipighi igha, eno ayeghi küghütha kije ipeghi, paküta keu yeghi küghütha kehu timi xülo titoi keu ye khilemu ighiju mphie.

Piyeküsü 16:8

Kungumi abidiu no pa bohu pesü khetsünhe lo lepuku, ikelo tipau migha pelo timi phuqhi penike azah tsüve.

Piyeküsü 8:12

Kungumi abidiu no pa fuko küigha kelo khetsünhe kikije küthü lo lakhi ye kütsave, titoi aqhi eno ayepuqo ghi küthü lo lakhikhi ye kütsaleve, tishikeu lono tipaqo küvü ghi kikije küthü lo lakhi ye zümoive, ikehu puchou pimu küthü lo lakhi ye khetsünhe küvü kühave, eno putho lomu lakhi ye aqhi ayepu küvü kühave.

Piyeküsü 8:5

Tileno kungumi huno akiptia lono ami hipe akiptibo lo süno ayeghi shou vepuku kelo tsütsüküsü ghügha no vekipighi eno tsütsüpha kulo püzü ayeghi ilü thuve.