Piyeküsü 6:10 - Sumi Naga CL (Re-edited) Bible (BSI)

¹⁰ Panongu no asütsa kuloghi lono igha, “O Akughushu Mpeu, akimthe eno kuchou, ayeghilomi no ni pithive keu lo Nono küghatha eno ni mkhü lutsü moke kutolo ningu ye khitohi khea lopi kea?”

BAIBEL (BSI)

¹⁰ Panonguno asutsa kuloghi lono ishi igha, “Akughushu Mpeu, akimthe eno kuchou, ayeghilo akemino nighiqhi pithivekeu ghenguno panongu shou ado khitohi lono nimukhu lutsuni cheni kya?”

Sümi Tiqhelimi Bible

¹⁰ Panongu no asütsa kuloghi lakhi lono ishi pi, “Akughushu Mpeu, akimthe eno kuchou, no ye kughou no ayeghi lo xü akemiqo shou küghathabe no ningu jì peleve keu mükhü lutsü nani kea?”

Piyeküsü 6:10 Iomraidhean Croise

BOTHUBO 4:10

Ampeu no pi, “No ye kiu shive akea? O thiküzüu ji ghügha huno ayeghi lono I lau igha ikughi anie.

LESHELE 119:84

Khitohi O qeu ye kutuuni kea? Kughono No ye I pishipiyi akeqo lau küghathani kea?

LESHELE 13:1

O Ampeu, ado khitohi No ye I kümsümaveni kea? No ye ado khitohi I launo O gi küsüveni kea?

LESHELE 35:17

O Ampeu, No ye ado khitohi juani kea? Panow kütsakungo keu, eno abongshuu launo I küxü mekusho kuphu tsülo.

LESHELE 79:10

Kushiye shiyeqo pelo, “Pano Lhou khile ani kea?” ipi apeni kea? O qemiqo ji pele keu mkhükulu ye ningu nhethe lono shiye kümtsü pelo ithi pelo!

LESHELE 9:12

Kughengu Pa ye amkhü kulumi kümsüma chemoe; Pa ye aghime shi akemi küqa kümsümave chemoe.

ISAIAH 61:2

Ampeu pulou mpe eno Ni Lhou no amkhü lutsü keu tsala sheshu peniye, qamlo akemi lopiqitsü peniye ke.

AKUMLO 3:64

“Pano kümla kiqi lono Nono pano lochile nani, O Ampeu.

DANIEL 12:6

Eno kütami lakhi no milakhi aphi kümtsha pepusü aghoki zü shou akeu vilo pi, “Akümzapu hipaqo kishekhani keu ye ado khitohi lunani kea?”

DANIEL 8:13

Tithiu akimtheu no atsa pikeu I no chilu, eno akimtheu lakhiu no I pütsa akeu vilo pi, “Kungunhetsü lono ithulu keu tsalakipe kipti kümllagho, axine no küghüküghaleive tsükeu, eno apukhu no qodaqhi peniye akimthe-a ngo aqokitikhi ikhiphe tsükeu ye ado khitohi ghenguno kea?”

ZEKHARIA 1:12

Ikehu Ampeuu kungumi no pi, ‘O aqokitikhi Mpeu, No ye Jerusalem eno Judah phughiqo shou ampe lhotsüni amloideve ake itaghi khitohi küpükini piye mono ani kea?’

Luke 2:29

“Ampeu, itehi ye O tsa kiqi lono O qeu pelo aloinoqhiyi wove pelo;

Luke 21:22

kughengu yepüa keu kümtsü shikupu keu shi hi ye amkhükulu ghuloki ake.

Rommi 12:19

Kimiye chekemiqo, khilemu nonguu no amkhü luve kevilo, ikemu ti ye Alhou loghu lau picheve tsülo, kughengu hitoi yepüani, “Amkhükulu ye Iw ke, I no tsüchile nani ipi Ampeu no pi.”

IBRIMI 12:24

Nongu ye puloshoqhi akitheu lacheu Jisü lau, eno Abel ji nguno akiviu tsape pikeu shikimthekütsü ji lau ighi ani.

2 Peter 2:1

Ikemu timiqo gholo kichile tungkupmi ghi ipeghi ketoi nongu gholo kichile kükütsümi ighi nani. Panongu no tuqhou no shiküpsapu kichile kükütsü süghi nani, eno Khuu no panoqo qhüchilelu keno pano Mpeu ghi milive nani, tishianguno pano shou shiküpsapu ke-i süghi nani.

Piyeküsü 11:18

Shiyeqo no axuide anamu O loghu kighide ighivae, kithimi shou küghathabe kepu do shivae, tungkupmi O qemi, küpülümi, eno khunono O sümsa cheni keno, kijemi kitilami ajume tsünike, eno ayeghiqha shiküpsami shipüsa nike ighivae.”

Piyeküsü 18:20

O kungugha eno nongu küpülümi, apostolmi ngo tungkupmiqo, li jupe alovilo, kughengu Alhou no nongu saphu no li shou küghakütha bevae!”

Piyeküsü 18:24

Tungkupmi ngo küpülümi, eno ayeghi lo timi pithive keqo kümtsü ji Babylon lo kighiji püaghi keu phulue.”

Piyeküsü 19:2

kughengu Paw küghakütha ye kuchou eno achipie; Pa no kütüqhaliu khuu ngosükümla lhoaye pesü ayeghi shipixi chekeno, li shou küghathabe tsü, eno li shou Pa qemi ji pele keu mkhü lutsüe.”

Piyeküsü 3:10

Nono I tsa papelu ghi kutuokutuu puqhelu ke ghenguno ayeghiqha lo xüküami pejuni ke aveküsa tüqhüdo aqha kümtsü lo chekeu lono Ni ghi o süsholu nani.

Piyeküsü 3:7

“Philadelphia kukuhou lo kungumi lau yelo: ‘Akimtheu, Amikuchou, Khuu no Davidw khaqhiyi pecheni, Khuu no khaqhi aye khunomu khalu chemo, eno khave aye khunomu khaqhilu chemo keno Pa tsape.

XAKUTHAMI 16:28

Tile Samson no inikhu, “O Ampeu Alhou, kimiyeno I kümsülu tsülo eno thosülo küka ghuthu lakhi I tsülo, O Alhou, tishikeu lono I nhethi lejove tsükeu ghenguno I no Philistiami shou amkhü luveni.”

SAMUEL ATUGHIU 24:12

Ampeu no nikujo dolo xathatsü peniu, Ampeu no o lau I mkhü lutsü peniu, ikemu I u ye o shou süqhemo nani.