Piyeküsü 3:9 - Sumi Naga CL (Re-edited) Bible (BSI)

⁹ Julo, Satanw sinagogmi khunono kumomu Jewmi kepi pishiqhi cheni keno, I no panoqo pelo o zülo ighi no o pukhu philo itsaqi penike jualo, tileno panongu no Ni ye o kimiye cheni pi ithi nani.

BAIBEL (BSI)

⁹ Julo, ti khunoqono panonguye Judami kepi cheni kemu panonguye ti kumo puzu kimkimiqo keno, panonguye Satan laumi qoke, ino panongu pelo ighi puzu opukhu phivilo itsaiqipe nani, eno ino okimiyeche keu panonguno ithi nani.

Sümi Tiqhelimi Bible

⁹ Khunoqo no Satan’w synagogmi keno eno khunoqo no panongu ye Jewmi kumomu Jewmi ipi pükha cheni püzü akimikimi keno, I no panongu pelo ighino O pukhu phivilo qhoqhünhe pe no ni ye O kimiye cheni kepi ithi pe nani.

Piyeküsü 3:9 Iomraidhean Croise

ESTHER 8:17

Aphughi kümtsü lo khile akükau yezah ighi keno, tile Jewmi dolo amlokiqi eno alokivi, aghulhu eno tiqhetini shi. Eno aghakhu lo timi kutomo no panongu ghi Jewmi kepi shuphe, kughengu Jewmi kümsa no panongu shou ikughive ke.

IPEKULU 11:8

Eno o qemi hipaqo kümtsü no I lau ighi no pishiqhope pi nani, ‘No eno timi o pape chekeqo kümtsü ipevelo.’ Eno tithiuno I no ipeve nani.” Eno pa no amloidesü Pharaoh launo ipeve.

ISAIAH 43:4

Kughengu no ye I nhethe lo akughupu; gihu küzüpu, I no o kimiye cheni eno o theli lo timiqo pheve cheni, o küxü ghenguno ashiaye kütami pesü atheli shi cheni.

ISAIAH 45:14

Ampeu no ishi piani: “Egypt küakini ngo Cush lhidi, eno Sabeami sübosüghimi ye o lau ighive no ow shive nani; panongu ye o pape nani; panongu ye ayikichhe no tshüpe o zülo pishiqho nani. Panongu no ishi o qhüiniju nani: ‘Mtsüqheino Alhou ye O gholo ani, kütami khumu kühae, Pa nguno alhou kütau kühae.’”

ISAIAH 49:23

Kükami no nongu papu kishe shi nani; eno kükalimi no nongu paza shi nani. Panongu no pano gi pishiqhope nongu agigihu tsü nani; eno nongu pukhu lo ayeghimkhu mineve tsü nani. Tileno nongu no Ni ye Ampeu kepi ithi nani; khunono I khe cheni keno, tipaqo ye kujovemo nani.”

ISAIAH 60:14

Nongu qodaqhi chekemi nuliqo no pishiqho pesü nongu lau ighi nani; eno nongu junuqhi kemi kümtsü nongu pukhu philo pishiqho nani; panongu no nongu pesü Ampeuw mishighüna, Israel lo Akimtheu, Zion ipi kunani.

John 17:23

I no panongu lolo, eno Nono I lolo, tishikeu lono panongu ye kupukülai kubocholu peni, tishianguno ayeghiqha pelo Nono I puwu eno Nono I kimiye ketoi panoqo kimiye cheni kepi ithi penie.

Piyeküsü 2:9

“‘I no ow küsakushu eno o qüagha ithi ani (ikemu no ye kinimie), eno khunono Satanw sinagogmi keghi akimki lono Jewmie picheni keno, panow piküptha ghi I no ithi ani.

SAMUEL ATUGHIU 2:36

Eno o kibo lo achili akeqo kümtsü no ighi no ghükayi lakhi momu asho lakhi laju ghi khu no pi nani, “Kimiyeno achinemi kümla-a lakhi lo I qhitsü lo, ni ghi asho tachu lakhi likhimu chulu kepu shipelo.”’”